Jacky Woo shows his serious side in Liberacion


Adolfo Alix Jr.’s Liberacion reflects the struggles of a Japanese Imperial Army soldier during World War II. The film stars Jacky Woo (in photo), who is more popularly known as a comedian in Bubble Gang.


Ang Liberacion ang NETPAC entry ni Direk Adolf Alix Jr. para sa 7th edition ng Cinemalaya. Bida rito ang Japanese actor na si Jacky Woo na hindi nakarating sa premiere ng kanyang movie sa Cinemalaya dahil may kasalukuyan daw itong sinu-shoot na movie sa Japan.


Ilan sa mga nanood ng Liberacion sa Cultural Center of the Philippines ay sina Direk Joel Lamangan, Mother Lily Monteverde, Roxanna Barcelo at Nina Kodaka.

Ang kuwento ng Liberacion ay tungkol sa isang Japanese Imperial Army soldier na nabuhay noong World War II. Hindi naniwala si Makoto (played by Jacky Woo) na natalo sa giyera ang Japan kung kaya’t nagtago siya sa kabundukan ng Pilipinas kahit may ilang taon ng tapos ang giyera. Inabot ng dalawang dekada bago nakumbinsi ang sundalo na sumuko.

Nakausap ng PEP (Philippine Entertainment Portal) si Direk Adolf, ang siyang sumulat at nagdirek ng Liberacion after the screening. Ayon kay Direk Adolf, based on research din daw ang pagkakasulat niya ng kuwento.

Aniya, "Twenty years siya, pero, ’yung isang bumaba sa bundok ng Hawaii, 1991. 40 years siyang nagkulong lang doon sa gubat. Yung sa atin kasi, ang pinakamatagal na na-record, I think, 30 years. Yung dedication din nila na katulad siya, ganoon sila, dahil may superior sila, hindi sila bababa unless yung Superior mismo [ang magsabi]. Tina-try ng mga Filipino, kung makikita niyo, sa helicopter, nagpapadala sila ng mga pamphlets, yung mga picture at letters ng kamag-anak na bumaba na kayo, pero, hindi sila naniniwala. Yun ang lamang ng mga Japanese kesa sa atin, mas strong ang personality nila.

"At meron silang rigid [practice] na, ’di ba nga, kapag natatalo sa giyera, nagpapakamatay na lang."


Bukod kay Jacky Woo, ang isa pang bida ng pelikula ay si Mercedes Cabral na napanood rin sa Cinemalaya entry na Ligo na U, Lapit na Me.


"Meron din mga kuwento na yung iba, nae-engkanto sa gubat. Pinaghalo-halo lang din namin dahil yung character ni Mercedez Cabral, puwede siyang yung nymph or actual na taong nag-e-exist. Matagal din ang research."

ADVERTISEMENT - CONTINUE READING BELOW

Choice na rin daw ni Jacky Woo ang kuwento.

Ayon kay Direk, "Natutuwa ako sa kanya kasi, napaka-daring ng choice niya. Marami rin namang ibang pelikula. Lumapit kasi siya sa akin. May mga napanood daw siyang mga films ko at sinabi niya na baka puwede raw kaming gumawa together, eh, sabi ko, wala akong maisip na ibang kuwento. Ang gusto ko sana, kung Japanese siya, Japanese na.

"Eh, ang hirap namang gumawa ng materyal. Tapos sabi ko, Sir, meron akong kuwento na natatandaan ko, yung mga nagkulong sa gubat. Sabi ko, gusto niyo ba? Hindi talaga siya mainstream na project. Tapos, pinabasa ko sa kanya ang storyline, nagustuhan niya.

"Actually kakatapos lang namin, siguro mga March na tungkol sa Haruo. Si Osang nandoon at saka siya."

Bago sa Cinemalaya, nakapag-compete na rin daw ang pelikulang Liberacion sa Osaka Film Festival.

"Nag-compete siya ro’n noong March. Actually, wala ako kasi, may teleserye akong ginagawa [Hiyas ng ABS-CBN] kaya hindi ako naka-attend. Pero ang nandoon, si Jacky at ibang producer. Nakakatuwa naman kasi, lumindol. Noong time na ini-screen siya, ’yun ’yung lumindol. I think, 3 o’clock. So, ang nangyari, nagulat ang mga Pinoy. Kasi, yung mga Pinoy ang lumabas. Ang mga hindi lumabas, yung mga Hapon, nag-stay sila.

"Actually, napakalapit sa kanila ang ganyang kuwento. Kasi nga, kuwento ng mga nangyari sa kanila. Doon din ako humanga sa style. Parang wala silang pakialam. Parang magtitiis sila kung anuman ang circumstance. Parang ’yung misyon nila, gagawin nila."

Natuwa rin daw si Direk Adolf kay Jacky Woo na mas kilala nga naman bilang komedyante sa Pilipinas dahil nakikita siya sa comedy show ng GMA-7, ang Bubble Gang. Pero sa Liberacion, naipakita nito ang pagiging seryosong actor.

"Sabi nga niya, sa Pilipinas komedyante siya, pero meron siyang depth. Doon din ako naano. Kaya noong nagustuhan niya ang materyal, sabi ko, puwede siyang maging serios. At nakikita ko naman nako-cross niya. Sabi ko nga, nagpapasalamat ako kasi, siyempre sa umpisa, ang pagkakakilala mo lang sa kanya, komedyante. Nagpapatawa. Pero marunong siyang umarte."

ADVERTISEMENT - CONTINUE READING BELOW

Although, aminado si Direk Adolf na ilang translation din daw sila dahil ang ginamit nilang lengwahe sa set ay Japanese, English, at Tagalog.

Aniya, "Pero masaya. Kasi maliit lang ang production pero parang foreign film kahit kami-kami lang."

Personally, nagustuhan namin ang pagkakasulat at pagkakagawa ni Direk Adolf sa Liberacion ng kuwentong binase raw nila sa dalawang sikat na Japanese struggler from Indonesia and Philippines. Ipinakita rin sa movie yung routine na halos sa araw-araw, naglilinis lang ng baril ang mga ito at kahit anong mangyari, hindi bumaba ng bundok unless ang superior na nila ang humarap sa kanila.

Ayon nga kay Direk Adolf, "’Yung ibang film ko, hindi naman ganoong ang pacing. Pero kung ganoon ang buhay nila, sana ma-share lang ng nanonood. Alam ko na hindi siya kasing accessible ng ibang films. Pero sayang kasi kung ilu-loose mo ang ganoong film. Lalo na ang character niya, napaka-internist. Sana maramdaman din nila na nabagagot na siya, naiinis, naloloko na siya."

Hoping din daw si Direk Adolf na mai-submit pa sa ibang film festival abroad ang Liberacion. Although, isang struggle pa rin daw para sa kanila ang paglabas nito this year.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN