Eugene Domingo learns to speak Japanese for Cinemalaya entry Instant Mommy

Masaya si Eugene Domingo (in photo) na naging “very natural ang rapport” nila ng kanyang Hollywood-based Japanese leading man na si Yuki Matsuzaki para sa 2013 Cinemalaya entry na Instant Mommy. Kahit pa daw kasi first shooting day pa lang nila’y madaling naka-adjust ang foreigner actor sa mga tao sa kanilang set.


Noong May 15 ang unang taping day ng 2013 Cinemalaya entry na Instant Mommy.

Ito ang pelikula na pumalit sa Prima Bella ni Richard Legaspi, matapos mag-back out ang director mula sa annual film festival.

Ang Instant Mommy ay pagbibidahan ni Eugene Domingo at ng Hollywood-based Japanese actor na si Yuki Matsuzaki. Si Yuki ay napanood dati sa mga pelikula tulad ng Letters from Iwo Jima at The Last Samurai.

Noong first taping day nila unang nagkita sina Eugene at Yuki, dahil na rin hindi nakasama ang nauna sa pagsundo sa aktor.

Pero wala man doon, halata naman daw kay Uge (palayaw ni Eugene) ang pagka-excited niya na makilala si Yuki.

Kuwento niya, “Nagtatanong ako, ‘O, ano, ano itsura? Pogi ba? Mabango ba?’ tapos sabi ni attorney [Joji Alonso], ‘Ang lakas ng sex appeal!’

“So sabi ni direk, ‘Sa palagay ko malinis naman siya. Kasi ang una niyang tinignan sa hotel ay banyo.’ Tapos sabi ko, ‘Matangkad ba?’ sabi niya, ‘Ang tangkad, 6’1.’

“Siyempre na-excite naman ako na makita siya nang personal. So today na nga ‘yon, sa first shooting day.”

Kung first impression naman ang pag-uusapan, wala naman daw masasabi si Eugene sa kanyang foreigner leading man.

“Effortless naman ‘yong rapport, kasi ano siya, e, he’s very eager, he’s very alert— siya talaga ‘yong alert, awake, enthusiastic, literal!

“Tapos ang unang-unang kinamusta ko sa kanya, ‘Kamusta? May jetlag ka ba?’ tapos wala ng buwelo, trabaho na, gano’n. Uhm, nag-pictorial na siya, costume fitting, look test, tapos ngayon na nga first shooting day niya.”

Nakausap ng PEP.ph (Philippine Entertainment Portal) si Eugene noong May 15 sa set ng Instant Mommy sa Sampaloc, Manila.


Sa indie film na ito, si Eugene ay gaganap ng fiancee ng karakter ni Yuki at magpapanggap siya na buntis upang hindi siya iwan ng lalaki.

EASY ADJUSTMENT. Wala rin daw masasabi si Eugene sa working habit ni Yuki, na bago pa man dumating sa bansa ay pinahandaan na nang husto ang proyekto.

ADVERTISEMENT - CONTINUE READING BELOW

“Alam mo, si Yuki, from the first day na nasabi sa kanya that he’s going to play the role of Kaeru San, grabe!” paghanga ng aktres sa aktor.

“Nagsimula na siya mag-aral, nagbasa siya ng script, of course, bumili siya ng Tagalog dictionary, tapos nanood siya ng [Ang Babae sa] Septic Tank!

“So sabi ko, sabi ko nga kay direk [Leo Abaya], ‘Direk, ‘yong artista natin 'alang ginagawa, ha, prepared na prepared na siya, ha!’

“Gano’n ata talaga sila, ano, ‘yong mga artista sa Hollywood— one project at a time. Samantalang ako, kasabay nitong Cinemalaya, mayro’n akong Oh My Mama Mia, gano’n.”

Makakasama ni Eugene sa Oh My Mama Mia si Maricel Soriano, Andi Eigenmann, at Billy Crawford.

Natutuwa rin si Eugene dahil tila hindi nahirapan si Yuki na makisama at makibagay sa mga tao sa set ng Instant Mommy.

“Nakakatuwa kasi ‘yong feeling na mayro’n tayong bisitang artista sa independent film, tapos agad siyang nag-blend, nakita mo?” balik na tanong niEugenesa PEP.

Pagpapatuloy niya, “hindi siya nahirapan mag-adjust, tapos kami rin naman na nagsu-shooting, on our toes, ayaw rin naman din namin na nasasayang ang oras niya.

“Kasi una sa lahat five days lang siya dito, so we really have to finish his sequences and I feel na lahat kami united na now until matapos ang shooting, na hindi tayo mapahiya sa bisita nating artista.

“I’m very sure pagdating ng July babalik ‘yan dito. Feeling ko in love siya sa Pinoy, e, kasi nag-aral siya ng Tagalog at kinantahan niya ako ng ‘Sabaw,’ ‘yong galing sa Septic Tank.

“He’s very charming!”

LEARNING JAPANESE. Samantala, naobserbahan ng PEP sa ilang takes ng pelikula na ilan sa mga linya ni Eugene ay nasa wikang Japanese.

Pero pagmamalaki ni Eugene, hindi siya nahirapan matutunan ang mga Japanese lines niya.

ADVERTISEMENT - CONTINUE READING BELOW

Natatawa-tawang pagbabahagi ni Eugene, “mayro’n akong technique diyan, e!

“Hinahanapan ko siya ng Tagalog word or gay lingo na malapit doon sa [salita]. Kasi parang ang lapit niya sa gay lingo, e, katulad ng ‘Watashi,’ ‘yong gano’n, so ‘yong mga ‘Manash,’ dinidikit ko lang ‘yan!

“Gano’n, so hinahanapan mo ng technique, kasi mabilisan na ‘to, e. Madali naman sa dila, e, it’s very familiar, kung French ‘yan, hirap na hirap ako!

“Pero si Yuki nga ang bilis-bilis niya mag-aral ng Tagalog, e, nakakahiya naman kung hindi ako hahabol, di ba?”

SURPRISE FOR THE AUDIENCE. Pero bukod sa pagbabato ng mga Japanese lines, may ibang pinaghahandaan pa raw si Eugene para sa Instant Mommy.

Nabanggit kasi ng PEP na sa ibang pelikula niya’y naipakita na niya ang talento niya sa pagkanta at ang kanyang “sexiness.”

Sa pelikulang ito kaya ay ano naman ang “pang-gulat factor” niya sa mga audience?

“Hindi ko pa puwede sabihin, e!” sabay tawa nito.

“Surprise!”

Sinubukan ng PEP na kumuha kahit hint kung ano ang dapat abangan ng mga manonood sa kanya sa pelikulang ito.

Maingat na sagot ni Eugene, “Ah, sa Cinemalaya n’yo lang makikita ‘yong gano’n, kasi doon malaya.”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN