Inihayag ang nominees ng 38th Film Academy of the Philippines (FAP) Luna Awards nitong Disyembre 10, Huwebes ng gabi, sa Facebook page at YouTube channel ng Film Academy of the Philippines.
Magkakalaban bilang best actress sina Judy Ann Santos (Mindanao), Kathryn Bernardo (Hello, Love, Goodbye), Sylvia Sanchez (Jesusa), Ruby Ruiz (Iska), at Shamaine Buencamino (Sunshine Family).
Ligwak sina Nadine Lustre (Ulan), Janine Gutierrez (Babae at Baril), Max Eigenmann (Verdict), at Angie Ferro (Lola Igna).
Magkakatunggali bilang best actor sina Raymond Bagatsing (Quezon’s Game), Louise Abuel (Edward), Gio Gahol (Sila-Sila), Jansen Magpusao (John Denver Trending), at ang namayapang Kristoffer King (Verdict).
Itsapwera sina Alden Richards (Hello, Love, Goodbye), Allen Dizon (Mindanao), at Gold Azeron (Metamorphosis).
Laglag man si Elijah Canlas (Metamorphosis) sa kategoryang best actor, pasok siya sa karera ng best supporting actor para sa Edward.
Ang apat na kaagaw rito ni Elijah sa tropeo ay sina Dido de la Paz (Edward), Topper Fabregas (Sila-Sila), Ketchup Eusebio (Mindanao), at Soliman Cruz (Iska).
Pasiklaban bilang best supporting actress sina Dolly de Leon (Verdict), Meryll Soriano (John Denver Trending), Angie Castrence (Iska), Ella Cruz (Edward), at ang batang si Yuna Tangog (Mindanao).
NOMINEES IN OTHER CATEGORIES
Inihayag ng FAP noong Nobyembre 24, Martes, na ang Mindanao ang aspiring entry ng Pilipinas sa kategoryang International Feature Film ng 93rd Academy Awards o Oscars.
Llamado ba ang Mindanao sa Luna?
Narito ang mga nominado sa iba pang mga kategorya ng 38th FAP Luna Awards...
Best Picture: Quezon’s Game, Verdict, Mindanao, Kontradiksyon, at Hello, Love, Goodbye
Best Director: Matthew E. Rosen (Quezon’s Game), Brillante Mendoza (Mindanao), Cathy Garcia-Molina (Hello, Love, Goodbye), Glenn Barit (Cleaners), at Arden Rod Condez (John Denver Trending)
Best Screenplay: Dean Rosen (Quezon’s Game), Raymund Ribay Gutierrez (Verdict), Honeylyn Joy Alipio (Mindanao), Njel de Mesa (Kontradiksyon), at Carmi Raymundo (Hello, Love, Goodbye)
Best Cinematography: Matthew E. Rosen (Quezon’s Game), Kara Moreno (Edward), Noel Teehankee (Hello, Love, Goodbye), Joshua Reyes (Verdict), at Odyssey Flores (Mindanao)
Best Production Design: Rowella Talusig (Quezon’s Game), Alvin Francisco (Edward), Norico Santos (Hello, Love, Goodbye), Whammy Alcazaren & Thessa Tang (Sila-Sila), at Ryan Faustino (Mindanao)
Best Editing: Reuben Joseph Aquino (Quezon’s Game), Diego Marx Dobles (Verdict), Njel de Mesa (Kontradiksyon), Marya Ignacio (Hello, Love, Goodbye), at Joyce Bernal, J. R. Cabrera & Thop Nazareno (Edward)
Best Sound Design: Anglea Pereyra (Quezon’s Game); Allen Roy Santos (Edward); Njel de Mesa, Therese Padua, Dominic Benedicto, & Deo Van Fidelson (Kontradiksyon); Nicole Amores & RJ Cantos (Cleaners); at Albert Michael Idioma (Pailalim)
Best Musical Scoring: Dean Rosen (Quezon’s Game); Njel de Mesa, Jopper Ril & Johan Macaraeg (Kontradiksyon); Jessie Lazaten (Hello, Love, Goodbye)' Teresa Barrozo (Pailalim); at Teresa Barrozo (Mindanao)
Ang 38th Luna Awards ay ibo-broadcast nang live sa Disyembre 18, Biyernes, 7:00 p.m. sa UNTV Channel 58.
Ito ang unang pagpaparangal ng Luna sa ilalim ng pamumuno ng bagong director general ng FAP na si Vivian Velez.
And the Luna goes to...
Ano ba ang latest sa showbiz? Find out kung anong level ang showbiz IQ mo by subscribing to PEP.ph Viber Chatbot here. Join our community para laging updated!
