Watch Now

Boots Anson Roa-Rodrigo recalls being bashed for starring in “bold” movies

by Jerry Olea
Mar 10, 2022
Boots Anson-Rodrigo
Boots Anson Roa-Rodrigo: “Nakatanggap ako ng sulat, ‘How dare you?! How dare you portray a prostitute?!’ Kahit na good prostitute. Ang pag-portray ko ng prostitute sa pelikula, bumagsak lang yung spaghetti strap ko, BOLD na yun! Nag-bold si Boots!”
PHOTO/S: Jerry Olea

Nakakatuwa ang mga pa-throwback ni Boots Anson Roa-Rodrigo nitong Marso 8, 2022, Martes, sa FDCP Cinematheque, Kalaw St., Manila.

Kaalinsabay ng pagdiriwang ng Araw ng Kababaihan, inilunsad doon ang aklat ni Nestor Cuartero na PH Movie Confidential.

Ito ang unang face-to-face event sa FDCP Cinematheque-Manila matapos iyong magsara dahil sa pandemya.

Maliban kay Tita Boots, kabilang sa celebrities na present sa book launch sina Abby Viduya (nag-lead sa prayers), FDCP Chair Liza Diño (opening remarks), Sheryl Cruz, Jomari Yllana, at Anthony Castelo.


Jomari Yllana, FDCP Chair Liza Diño, Nestor Cuartero, Abby Viduya and Sheryl Cruz

ADVERTISEMENT - CONTINUE READING BELOW ↓

Sa merienda cena bago ang programa, pumuwesto kami sa mesa na malapit sa rebulto ni National Artist Catalino “Lino” Brocka.

Boots Anson-Rodrigo

Doon na rin umupo later on sina Abby, Jomari, at Sheryl, na nakakuwentuhan ni Tita Boots.

Ayon sa beteranang aktres, kaklase niya sa UP Diliman noong 1960s si Direk Lino. Mahiyain daw ito noon.

ADVERTISEMENT - CONTINUE READING BELOW ↓

Marami raw ang pumuna kay Lino nang idirek nito ang pelikulang Wanted: Perfect Mother (1970) para sa Lea Productions dahil komiks material ito.

Isa si Boots sa mga bida ng movie, along with Dante Rivero and Liza Lorena. Batambata pa raw ang co-stars nila sa movie na sina Snooky at Gina Alajar.

Blockbuster ang nasabing movie, kaya nagkaroon ng leverage si Direk Lino na gawin kapagkuwan ang mga pelikulang makabuluhan.

"IMMACULATELY BOLD BOOTS"

Si Boots ang nag-closing remarks sa book launch, at may mga karagdagang kuwento siya tungkol sa chapter ng aklat na “Immaculately Bold Boots.”

“Di ba, oxymoron yun?” natatawang sambit ng beteranang aktres.

Paggunita pa ni Tita Boots, “Of course, yung mga unang-unang nakabasa niyan noong mid ‘70s when we did movies like Bawal: Asawa Mo, Asawa Ko, Mga Uhaw na Bulaklak, May Isang Tsuper ng Taksi, Huwag Kayong Maglaro ng Apoy, things like those...

“Ahh, yung mga hindi nakapanood ng mga pelikulang yun, at hindi nila nabasa, hindi nila naaninag yung psyche nung producers, nung writers at ng mga artista…

ADVERTISEMENT - CONTINUE READING BELOW ↓

“E, talaga namang… kumbaga, na-bash ako! Ha! Ha! Ha! Kahit wala pang social media.

“Minsan naglalakad ako sa may Unimart, merong isang pintor, nagpipinta ng Birhen, bumaba.

“Ang sabi sa akin, ‘Miss Boots, huwag na huwag na uli kayong lalabas sa pelikulang kagaya ng Mga Uhaw na Bulaklak!’

“Sabi ko, ‘Napanood niyo na ba yung pelikula?’ ‘Hindi! Pero…’ Kasi, sa titulo niya ibinase.

“And I received telegrams from nuns, and teachers. E, kasi nga, di ba, forever Virgin Mary ako sa entablado

“Nakatanggap ako ng sulat, ‘How dare you?! How dare you portray a prostitute?!’ Kahit na good prostitute.

“Ang pag-portray ko ng prostitute sa pelikula, bumagsak lang yung spaghetti strap ko, BOLD na yun! Nag-bold si Boots!”

FOREVER VIRGIN MARY

Sang-ayon si Boots sa analysis ni Nestor Cuartero sa libro nito.

Paliwanag ni Tita Boots, “Directors like Joey Gosiengfiao, Elwood Perez, ang galing nila sa marketing.

“Dahil nga Virgin Mary si Boots, sinabi nila na, ‘Isama nga natin ito sa pelikula na ang title ay Huwag Kayong Maglaro ng Apoy…’

ADVERTISEMENT - CONTINUE READING BELOW ↓

“And yet wala naman akong ginawang paglalaro ng apoy dun sa pelikula. Takot ko lang kay Pete Roa [her late husband], di ba?!

“At saka yung mga madre sa Assumption, pagagalitan ako.

“But the fact na kasama yung pangalan ko sa cast, sabi nila, nakatulong daw sa marketing.

“Because people became curious, that’s right. But of course, they felt paglabas nila ng movie house, ‘Teka, pare, na-shortchange yata tayo! Hindi naman naghubad si Boots!’

“Meron nga kaming eksena sa beach. Lahat ng mga kasama ko, naka-bikini. Naka-figure-hugging bathing suit.

“Ako, kasama ko yung pamilya ko nung nag-shooting kami. Ako, naka-shorts. Saka naka-long sleeves.

“So, at about the same time, gumagawa kami ng pelikula ni FPJ [Fernando Poe Jr.] saka ni President Erap [Joseph Estrada]. Nagsyusyuting kami pagkatapos lumabas yung pelikulang yun, saka yung mga publicity.

“Hindi talaga natapos yung kantiyaw sa akin sa set. ‘Mare!’ sabi ni FPJ saka ni Erap, ‘Magbo-bold ka rin lang, nagsuot ka pa ng shorts na kasinghaba ng mga suot nina Ali at Frasier!’

ADVERTISEMENT - CONTINUE READING BELOW ↓

“Kasi at the time, nag-aano sila dito dahil… ahhm… hindi ako nag-bathing suit, hindi ako nag-bikini pero lumabas yung mga pictures namin. Hanggang ngayon, lumalabas pa yung pelikula.

“But Nestor is right, ‘no? He delved into the psyche of producers, directors, marketing people.”

PATALASTAS...

May dalawang patalastas si Tita Boots sa pagtatapos niya ng closing remarks.

Aniya, “Una, patalastas po para sa Mowelfund… Manay Ichu [Vera-Perez Maceda], our former chairman, has passed on.

“Our founding chairman, former President Joseph Estrada, has something very active these days, but we want to continuously thank him for establishing Mowelfund 48 years ago.

“Kahapon po, March 7, 48th anniversary. Buhay pa rin po, sa tulong po ng mga kaibigan natin…

“Sa tulong po ng mga sponsors and institutions who have seen us through the rollercoaster ride that Mowelfund has taken though the 48 years...

“Maraming-maraming salamat...

“And finally, my last commercial. Alam nniyo, three years ago, on my birthday, 2019. I talked to Nestor at a little gathering of friends, nandun si Tessa [Mauricio-Arriola, host ng book launch].

ADVERTISEMENT - CONTINUE READING BELOW ↓

“Andun si late Ricky Lo, si Ronald Constantino, si Lito Zulueta. Ahh, Lolit Solis sent a note. Noel Ferrer sent a note, and a few others.

“And my reason for inviting them was not only to celebrate my birthday intimately, but also to ask them to help me editorially for a book that I had hoped I could start.

“2019, OK. They gave beautiful ideas. Thank you, Tessa, Nestor. Ang gaganda, pati titles, lahat!

“Awa ng Diyos, hindi ko pa ho nauumpisahan.

“Naunahan pa ako ni Nestor. But Nestor, I think you’ll be proud of your ward, na meron na akong more intriguing title.

“Kasi, sabi niya, ‘Huwag na iyang Fully Alive, pam-Boots Anson-Roa lang 'yang Fully Alive na 'yan. Humanap ka ng mas intriguing title!

"Something like… What You Don’t Know About Boots’ naman.

“Pero nandun na yun sa libro niya, e. So, over the last two years ng pandemic, every 3:00 a.m. po, nagigising ako, at inuukilkil ako nitong title na ito for the book.

ADVERTISEMENT - CONTINUE READING BELOW ↓

“And it’s because at 3:00 a.m., I deal with my demons and my angels. Lahat tayo, meron nun. Not the demons na may sungay, di ba?

“And so, ahhm, I’ve decided to entitle the book Wrestling With My Demons And Cavorting With My Angels.

“So, pag sinipag ho ako, at buhay pa ako sana… next year or the year after, ma-publish na yun.”

HOT STORIES

Read Next
Featured
Latest Stories
Trending in Summit Media Network

Featured Searches:

Read the Story →
Boots Anson Roa-Rodrigo: “Nakatanggap ako ng sulat, ‘How dare you?! How dare you portray a prostitute?!’ Kahit na good prostitute. Ang pag-portray ko ng prostitute sa pelikula, bumagsak lang yung spaghetti strap ko, BOLD na yun! Nag-bold si Boots!”
PHOTO/S: Jerry Olea
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results