Bakit nga ba hindi si Paul Soriano ang direktor ng pelikula ni Toni Gonzaga na Mary, Marry Me?
Ang natatawang sagot ni Paul, "I think I'm okay naman. Kasi si Toni naman, if I direct the movie, malamang siya ang magdidirek sa akin, e."
Ang first-time director na si RC delos Reyes ang direktor ng Mary, Marry Me, kung saan makakasama ni Toni sina Alex Gonzaga at Sam Milby.
Ayaw ba ni Toni na magpadirek sa kanya?
“Parang ganun. Kasi siya ang magdidirek sa akin, e,” ang muling pagbibiro ni Paul.
“We’re married na, e. So very personal na yung relationship namin, no need to be anymore director/actress. Okay na iyan, producer na lang ako, behind the scenes na lang ako.”
Ang Ten17P at TinCan Productions ang sister companies na nag-produce ng Mary, Marry Me, na official entry sa 2018 Metro Manila Film Festival sa December 25.
Si Paul ang may-ari ng Ten17P, samantalang si Toni naman ang head ng TinCan.
“So yung brand ng films niya yung mga light, feel-good, family-themed, rom-com. Yung Ten17, di ba mas medyo seryoso.”
Naging artista naman na ni Paul si Toni sa pelikulang A Journey Home noong 2009. Hindi pa sila mag-asawa nun.
“Dating-dating lang kami noon, boyfriend-girlfriend lang kami noon.”
Hindi naman raw ibig sabihin ay hindi na niya ididirehe si Toni.
“I don’t wanna say naman never. I don’t wanna say naman never, but I think for the kind of films Toni wants to make now, I think better that I’m just producing.
“And there are a lot of other directors out there that she wants to work with also. And we wanna make sure that we also keep our relationship, husband and wife, wala masyado working relationship.”
Mahirap din ba para sa kanyang idirek si Toni kung may sweet o intimate scenes ito with her leading man?
Awkward ba ito para kay Paul?
“Hindi naman,” diretsong sagot niya.
Paliwanag pa niya, “But for me naman, I understand the demands of an actor and director, it’s very professional so…I know the craft, e, ganun talaga ang trabaho, that’s the job.
“I mean if I didn’t want to experience that then why did I marry an actress? Ganun talaga.
“I mean if she has kissing scenes, she has scenes like that, as long as she’s okay with it, I have to support her.”
Nakausap namin si Paul sa opisina ng Ten17P sa Chino Roces Avenue sa Makati City noong December 10.
YEARLY MMFF PARTICIPATION
Maganda raw ang tandem nina Toni at Alex sa pelikula.
“I’m very proud of Direk RC, his directorial debut.
“Well of course ang ganda ng tandem nina Toni and Alex. Of course, sisters sila, and I mean their relationship, you’ll see it in the movie, ha, talagang it’s a family comedy, may konting romance.”
Last year, sa MMFF 2017, ay isa sa most awarded film ang Siargao na si Paul ang direktor.
Nagwagi ito sa seven—2nd Best Picture, Best Director, Best Cinematography, Best Sound, Best Original Theme Song, Best Editing, Best Supporting Actress (Jasmine Curtis Smith)—out of 12 nominations.
Number three rin ito sa ranking sa box-office.
Ano ang inaasahan nila sa Mary, Marry Me?
“For me naman, what’s important for me is the people can enjoy the film. Yung mga awards naman is bonus yun, bonus, di ba?
“Of course, I won’t deny, ang sarap din to win awards, di ba?
“But at the end of the day, we’re very proud of the film, Toni’s very proud of the film, and we’re excited to be again, a part of the Metro Manila Film Festival.”
Dagdag pa ni Paul, “Two years in a row na ang Ten17P, so hopefully, this becomes a yearly thing for us, you know. It took us almost three… we tried three times, e, to get into MMFF. We got rejected three times. And finally, Siargao last year, and now Mary, Marry Me.
“So we’re really working hard for our position in MMFF, and we’re hoping for a very positive feedback this Christmas.”
May plano na raw para sa susunod niyang pelikula si Paul.
“I’m reading scripts now, I’m developing scripts with my team, but I haven’t chosen yet my next film.
“So after First Love, I’m hoping to do something different, maybe something… I’m looking at the lines of a horror-suspense.”
Ang First Love ay pelikula ni Paul na pinagbidahan nina Bea Alonzo at Aga Muhlach na ipinalabas nitong October this year.
Tinanong namin si Paul kung sinong artista ang gustung-gusto niyang idirek?
“Wow, right now? Wow. Actually, I was with him last night, si Piolo Pascual.
“We produced Hele with Lav, but as a director hindi pa.”
Sina Paul, Piolo, at Lav Diaz ang mga producers ng indie film na Hele sa Hiwagang Hapis noong 2016 na dinirehe ni Lav at pinagbidahan nina Piolo at John Lloyd Cruz.
Bakit hindi pa niya nagiging artista si Piolo na siya ang direktor?
“We have to find the right story. Sabi ko kay Piolo last night, ‘Baka next year, meet tayo, let’s find a concept.’
“So hopefully we can do something.
“He’s already worked with Toni. May Home Sweetie Home sila, may Starting Over, may Last Night. So ako naman sabi ko, ‘Let me direct you naman.’
“Very open naman siya, we just said, ‘Let’s just find the right story, let’s find the right script.'”
Sa babaeng artista naman, sino ang nasa bucket list ni Paul?
“I would say Ms. Judy Ann Santos.
“I’ve done commercials with ,but iba ang pelikula, e. And I know she’s a fantastic actress.”
Bilang suggestion, sinabi namin kay Paul na pagsamahin niya sina Judy Ann at Piolo sa isang reunion movie na matagal nang hinihintay ng publiko.
“I would love that, it’s great you suggested that. One great film.”