Sheryl Cruz dedicates new album, Sa Puso ay Ikaw pa Rin, to her late dad

Sheryl Cruz explains why some of the songs in her latest album, Sa Puso ay Ikaw pa Rin, have Japanese translations: “... Because nga the whole album is lovingly dedicated to the memory of my late father who has grown to love Japan nung time na nabubuhay siya at nagba-banda siya. Pabalik-balik sila doon, nagustuhan niya yung culture, yung kanilang mga music, at hindi lang yun, yung warmth ng mga tao doon.”


“I believe music transcends boundaries and music is the universal language of the soul,” paliwanag ni Sheryl Cruz kung bakit niya binalikan ang pagkanta sa pamamagitan ng bago niyang album, Sa Puso ay Ikaw pa Rin, na inilabas ng Universal Records.

Dalawang awitin ang sinulat niya para dito.

“Yung 'Mananatili' at saka yung 'The Last to Know' with Miss Sunshine Cruz,” aniya.

“Actually, Joey Abacan of GMA said they are going to use it for their new Koreanovela,” pagpapatuloy pa ni Sheryl tungkol sa awiting “Mananatili.”

Hindi pa alam ni Sheryl kung ano ang titulo ng naturang Koreanovela.

“But it will be showing soon.”

Nakausap ng PEP.ph (Philippine Entertainment Portal) si Sheryl sa contract signing niya sa opisina ng Universal Records sa Quezon Avenue noong nakaraang Miyerkules, July 30.

Tatlong kanta sa album ni Sheryl ay may Japanese translation.

Pagmamalaki niya, “I’m very proud of this project kasi lahat ng tracks dito ay OPM, so Original Pilipino Music. Yung tatlong kanta, 'Mananatili,' 'Sa Puso ay Ikaw pa Rin,' at yung 'Habang Buhay,' iyon ang mga may translation in Japanese.

“Iyon yung 'Itsumademo,' then the second one is 'Wasurenaide,' tapos yung third is 'Sekai ga Owarumade.'

“Meron ditong Japanese translation because the whole album is lovingly dedicated to the memory of my late father [musician/actor Ricky Belmonte], who has grown to love Japan nung time na nabubuhay siya at nagba-banda siya.

“Pabalik-balik sila doon, nagustuhan niya yung culture, yung kanilang mga music, at hindi lang yun, yung warmth ng mga tao doon.”

May best friend rin daw si Sheryl na nakatira sa Japan.

May plano rin nga daw na mag-promote siya ng kanyang album sa Japan pagkatapos ng promo dito sa Pilipinas.

MUSIC VIDEO. Sumakto naman na sa music video ng isa sa mga kanta sa album ay makakasama ni Sheryl ang Brazilian/Japanese model na si Hideo Muraoka bilang leading man.

ADVERTISEMENT - CONTINUE READING BELOW

“Actually that’s also one of the reasons why siya talaga yung pinili ni Direk Wenn Deramas. I’d like to thank my friend and a very, very good and respected director, Wenn Deramas, for giving his time and directing the music video.

“Kasi hindi niya iyon chinarge, it was done out of love and friendship,” pasasalamat niya.

Kuwento naman ni Sheryl tungkol kay Hideo, “I’m very, very glad na napaka-gentleman ng aking kapareha dito sa music video na ito.

“Ano siya, model, he looks very good at hindi lang yun, soft-spoken at saka mabait.”

REVIVALS. May mga revival din sa album ni Sheryl.

Patuloy pa niya, “Yes! Actually I’m very fortunate dahil yung producer ng buong album ay walang iba kundi ang very talented na si Mon del Rosario.

“At pinagamit niya sa akin yung kanta ng isa sa mga hinahangaan ko rin at mahal ko na si Ate Julie.”

May revival ang kantang “Somewere In My Past” na pinasikat ng yumaong aktres at singer na si Julie Vega.

“Ginawa niyang medyo R&B,” pagtukoy ni Sheryl kay Mr. del Rosario.

“Hindi acoustic. Kasi sabi niya para naman magkaroon ng ibang sound.”

Hindi ba siya magre-revive ng mga dati niyang kanta?

Pinasikat ni Sheryl noon ang mga kantang tulad ng “Mr. Dreamboy,” “Ako’y Iyung-iyo,” “Ikaw Ang True Love Ko” at “Sabi Ko Na Nga Ba.”

“Ako naman, walang problem kasi nga 'di ba ngayon naman, ang gusto naman ng mga nakikinig ay medyo easy listening, medyo meron acoustic version, ganyan. Para mas relaxing siya pakinggan.

“Kasi iba yung before na medyo mabilis siya kasi bata pa ako nun, e. Pero minsan kasi pag kinakanta ko parang hinihingal na ako,” at tumawa si Sheryl.

“So medyo kailangan din 'di ba, medyo yung para na rin siguro mag-fit siya sa age ko.”

ADVERTISEMENT - CONTINUE READING BELOW

CONCERT. Isang major concert na ba ang susunod na hakbang para sa singing career ni Sheryl?

“I have a show with Tina [Paner] sa end of August and I think Christian Bautista will be performing with us. Ito yung sa Metrowalk sa The Library.

“So probably there are other chances 'di ba, to do other shows and to think of bigger shows in the near future. 'Tsaka excited ako. Biro mo nandito yung idol ko, si Gary Valenciano,” pahayag niya.

Bakit wala si Manilyn Reynes sa show niya?

Mga sikat na teen stars noon sina Sheryl, Tina at Manilyn at binansagan pa nga silang The Triplets noong araw.

“It’s just that probably hindi magkatugma-tugma yung aming mga schedules but other than that, we get to perform naman together,” paliwanag niya.

Madalas ay napapanood ang tatlo sa Sunday All Stars.

“Kaya kung merong pagkakataon, I’m sure naman na nabibigay din nila yung kanilang mga time. Pareho silang gifted at talented in singing at alam ko na they won’t pass up the opportunity,” saad pa niya.

REUNION WITH ROMNICK? Kung may isang teleserye na iaalok kay Sheryl na magkasama sila ni Romnick Sarmenta, tatanggapin kaya ni Sheryl?

“I’m very open kasi alam n'yo naman na malaking parte rin ng karera ko si Romnick, 'di ba? So hindi ko naman iyon ide-deny.

“At nagpapasalamat din ako sa kanya kasi marami rin naman siyang naituro sa akin. I’m very proud of our loveteam kasi isa ito sa pinaka-successful na loveteams.

“At maraming salamat din naman dahil nakapag-recording kami ng awitin, yung 'Sagot ng Puso' na hanggang ngayon sa playlist ng iba pang mga fans ay isa pa rin sa kanilang mga paborito.

“So napaunlakan naman namin sila dun sa segment ng Sunday All Stars before dahil nakapag-perform na kami ng duet.

ADVERTISEMENT - CONTINUE READING BELOW

“Kaya nga lang siyempre, hindi naman lahat ng schedule namin ay tugma, siguro nagkakatalo na lang dun sa scheduling pero walang problema sa akin,” tugon niya.

ON POLITICS. Tiyuhin ni Sheryl ang yumaong si Fernando Poe, Jr. na sumubok pasukin ang pulitika pero sa kasamaang palad ay hindi nagkaroon ng pagkakataon na maupo bilang presidente ng Pilipinas. Hiningan namin ng reaksyon si Sheryl tungkol sa mga nagaganap ngayon sa bansa.

Lahad niya, “Well, first of all, it’s beyond my control, 'di ba?

“Nakakalungkot kung anuman yung mga nangyayari that I see unfolding before my eyes... but as an artist, I stick to what I do best, which is to perform to the best that I can right now, in these down times.

“Dapat dito talaga yung i-concentrate ko, na ibuhos ko dito lahat ng nalalaman kong gawin, the best way I can.

“Not only in singing, in writing, in playing the piano, in acting and dancing. Kasi ito na lang yung tanging ligaya na puwede kong i-share sa buong madla na nalulungkot... dahil sa pinagdaraanan natin ngayon.

“Kahit konti man lang na ngiti na mabibigay ko sa kanila through my performances, through the songs I've recorded.

“Wherever they see me, kung anumang game show, kung anumang teleserye na kinabibilangan ko, alam ko iyon ang aking job, e.

DOING WHAT SHE DOES BEST. Wala ba siyang plano na tumakbo sa pulitika?

“Magulo 'yan e,” ang tumatawang bulalas ni Sheryl.

Magulo rin ang showbiz.

Rason niya, “Hindi, ang sa akin lang kasi, it’s not because I don’t want to be a public servant, but it’s because I’m already serving the public the best way I can since I was four years old.

“And para sa akin, this is what gives me joy—performing.

“Not only sa small screen, sa big screen, sa stage, pati na rin sa radyo, 'di ba? Makapag-perform, mabigyan sila ng konting aliw pag nalulungkot sila.

ADVERTISEMENT - CONTINUE READING BELOW

“Kasi it really makes a big difference, yung ginagawa ng mga artists. Kahit na sabihin nating it’s an ungrateful work or profession dahil binigay mo na ang lahat, pagkatapos biglang makakalimutan ka, o hindi ka man lang tatatak sa kanilang mga alaala.

“But for me, since ang aking family ay galing sa showbiz at masaya naman ako dahil hindi naman nila kinuha sa hindi magandang paraan ang pagpapalaki sa akin...

“So I’m really proud to be a Filipino artist, musician kasi nga ang alam ko, hindi naman nakakahiya yung trabaho na ginagawa ko.

“Ikinararangal ko kung saan ako nanggaling.”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN