Frencheska Farr takes out her frustrations by writing songs; says "Let Your Fire Out" is based on her family problem

Frencheska Farr says about being a songwriter: “Very personal po yung journey sa pagsulat ko ng kanta kasi para siyang pagsulat sa diary.” She has penned a single titled “Let My Fire Out.”


May bagong single si Frencheska Farr titled “Let My Fire Out.”

Aminado ang female winner ng Are You the Next Big Star? na base ang kantang ito sa “dark past” niya na naranasan niya sa pamilya.

“Actually hindi ko naman po sinadyang iyon yung title talaga pero nung sinulat ko yung kanta kasi siyempre may pinagdadaanan ako nun.

“Katulad naman ng lahat ng tao, ‘no?

“Sa buhay. Hindi po sa lovelife.

“Sa buhay lang po. Nung time kasi na yun, basta ay mga pinagdadaanan lang kami sa family and sa personal life so alam nyo yung parang napa-frustrate ka lang talaga na wala kang magawa dahil hindi mo hawak yung sitwasyon.

“Parang ganun. So at that time na-realize ko na siguro kailangan ko lang tanggapin kung sino talaga ako at kumbaga kasi yung kanta for me represents my fears and kung sino yung pagkatao ko dati na pilit kong, yung alam n’yo po yung parang dark past ng gusto mong kalimutan.”

Ito ang umpisang pahayag ni Frencheska Farr tungkol sa bago niyang kanta (na siya rin ang sumulat) na mada-download sa iTunes.

Nakausap ng PEP.ph si Frencheska nitong Linggo ng hapon, January 25, sa GMA Network Center.


Bakit tinuturing ng actress/singer na may “dark past” siya?

“How dark? Hindi naman sobrang dark pero ano lang siya, kumbaga yung stages ng buhay ko na may mga ganun kasi, di ba?

“Na pag napi-feel mo na parang kinakahiya mo yung past mo, yung mga ganyan.

“Hindi po siya diretsong isyu, e.”

Hindi ba gender issue?

“Hindi po, wala po akong isyu sa gender,” at tumawa si Frencheska. “Paano ko ba ie-explain? Wala, yung takbo lang ng buhay, parang ganun lang talaga siya. Siguro po dala na rin ng experience, ganun.

“So eto na nga po, kaya nung sinulat ko yung kanta, para siyang representation of accepting my experiences and who I really am.”

ADVERTISEMENT - CONTINUE READING BELOW

Sino nga ba siya?

“Ako si Frencheska Farr at ako ay isang mapagmahal na tao, at gusto ko lang ng peace and happiness.”

Dati ba ay walang peace at happiness sa buhay niya?

“Ay hindi po iyon ang ibig kong sabihin, meron din po!”

Battered child ba siya?

“Ay walang ganun, definitely walang ganun, walang ganun.”

So ano ang ikinakahiya niyang dark experience?

“Alam n’yo yung mga maliliit na bagay na pinagdaanan ng mga teenager. Like sige magbibigay ako ng example.

“More on sa family and sa family ties so ang relationship with parents and family medyo naging bumpy kasi talaga siya.

“Hindi po ako suwail na anak, mabait po akong anak.”

Bumpy relationship with her father or mother?

“Both, and yung kapatid ko po. Hindi nag-away e, pero nagkaroon ng mga misunderstanding sa pamilya so, kasi nung iniisip ko nung time na yun, gusto ko siyang talikuran. So last year nung sinusulat ko yung kanta, representation siya na ready na akong tanggapin kung sino ako and i-accept lang yun na part siya ng buhay ko at part siya ng pagkatao ko.

“So hindi ko dapat siyang kinakahiya or inaalis, na hindi siya part of me.”

FRUSTRATED WITH HER FAMILY? Breadwinner ng pamilya si Frencheska.

Nahirapan ba siyang palakihin o buhayin ang pamilya niya?

“Hindi ko po masasabing palakihin, hindi naman po buhayin.

“Actually kasi, ganito yung family ko, hindi sila masyadong nagsasalita at nakikipag-communicate sa isa’t-isa,” rebelasyon ni Frencheska sa wakas.

“So yung misunderstanding na nangyari, more on dahil hindi kami nag-usap-usap. So dahil akala ko, akala ng nanay ko, akala ng tatay ko, akala ng kapatid ko.”

Ayon kay Frencheska, lack of communication ang naging problema.

“Iyon po talaga ang nangyari.”

So ito ang “fire” na inilabas niya?

“Yung kanta, actually yung fire na tinutukoy ko talaga is more on fire na deep inside na kung ano talaga yung nararamdaman mo, sasabihin mo at hindi mo siya palalampasin.

ADVERTISEMENT - CONTINUE READING BELOW

“Kumbaga kahit na problema siya or hindi magandang bagay, na dapat sinasabi nyo sa isa’t-isa, parang ganun sa akin ang interpretation.

“Kasi para sa ‘kin iyon talaga ng pinagmumulan ng most ng away, ng problema sa isang family, lalo na sa pamilya ko.

“Kasi hindi sila nakikipag-usap talaga with each other.

“So ayun.

“Anyway nung ginawa ko yung kanta, frustrated lang talaga ako.”

So napakatahimik pala sa bahay nila?

“Tahimik po talaga sa bahay namin,” at tumawa si Frencheska.

“Actually ang mommy ko, parang ako, nagsasalita yan pero ang dad ko tsaka ang kapatid ko, medyo hindi talaga sila open.”

Dalawang magkapatid lang sila, ate si Frencheska sa kapatid niyang lalaki at apat na taon ang agwat nila.

“Hindi kami masyadong close ng kapatid ko kasi siguro dahil lalaki siya tapos magkaiba kami ng hilig talaga so hindi talaga kami nagkaroon ng chance na maipakita iyon sa isa’t-isa.

“Pero right now, since part ng project ko sa sarili ko ay makipagsara ng family ties with my family talaga.

“Feeling ko kasi dala rin ng schedule na hindi ko sila nabigyan ng time for the past four years na nagtatrabaho ako so unti-unti kaming nagkahiwalay.

“Parang ganun yung nangyari. Kasi hindi ko sila nakakasama ng madalas dahil sa trabaho.”

Para naman sa pamilya niya ang pagtatrabaho niya bakit hindi siya maintindihan ng mga ito?

“Alam n’yo po yung naiintindihan naman nila pero siyempre iba pa rin yung lagi kang present sa tabi nila. So siyempre habang lumalaki yung kapatid ko, hindi niya naman naiintindihan bilang bata.”



POURING HER EMOTIONS IN HER SONGS. Bukod sa pagiging singer (regular performer siya sa Sunday All Stars) ay aktres rin si Frencheska; kasama siya sa cast ng soap opera na Second Chances ng GMA.

“Very personal po yung journey sa pagsulat ko ng kanta kasi para siyang pagsulat sa diary. Na everytime wala akong kausap or masyadong fresh yung dinadala ko, ang gagawin ko isusulat siya dun sa diary ko.

ADVERTISEMENT - CONTINUE READING BELOW

“Nagkataon na yung ‘Let Your Fire Out,’ tuluy-tuloy ko siyang naisulat ng walang pag-aalinlangan, dire-diretsong lumabas lahat ng salita kasabay ng tono.”

So dahil na rin sa pagiging busy niya, partly to be blamed si Frencheska sa naging problema ng pamilya nila?

“Siguro po kaya ngayon ang ginagawa ko talagang everytime na libre sila, binibigyan ko talaga sila ng time, ako na talaga ang nagri-reach out.

“Tsaka ako na yung nag-i-initiate ng pag-uusap, kung may problema or kung anuman ang nararamdaman. Yung kapatid ko palagi ko siyang ine-encourage na magkuwento, ano’ng nangyayari sa buhay niya.

“Kasi ayoko naman na hayaan lang yung problema at lumaki lang siya ng lumaki.”





WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN