Labis ang pasasalamat ng singer-actor na si Ronnie Liang sa GOT7 member na si BamBam sa pag-awit nito ng kanyang hit song na "Ngiti."
Read: Got7's BamBam hints at possible collab with James Reid
Noong July 29, 2022, naganap ang K-pop Masterz in Manila sa Mall of Asia Arena— kung saan kabilang sa nag-perform si BamBam, kapwa GOT7 member na si Jackson Wang, at ang idol group Treasure.
Ginulat ni BamBam ang kanyang mga tagahanga nang kantahin nito ang Tagalog song na "Ngiti," na orihinal na inawit ni Ronnie.
Sa isang Twitter post noong July 30, idinaan ng Sing Galing hurado ang kanyang pasasalamat kay BamBam nang i-duet nito ang kuhang video ng isang fan habang kinakanta ng Thai K-pop idol ang "Ngiti."
Caption ni Ronnie (published as is), "Thank you so much, kamsahamnida @bambam1a for Singing my song on your concert.
"I am truly honored & grateful for this. Thank you for sending smile or Ngiti to your Filipino fans. Welcome to Manila, Kamsahamnida God bless!"
Agad naman itong ni-retweet ni BamBam.
Maraming netizens ang natuwa, pumuri, at nagpahatid ng pagbati sa tagumpay ng Manila concert ni BamBam at sa pagkanta nito ng "Ngiti."
