Ang male balladeer na si James Wright ay isa sa mga kasali sa One Heart, ang all-star charity album ng GMA Records.
Kasama si James sa mga umawit ng carrier single ng album, ang kantang “Sa Puso Mo.”
“I really recommend people to really listen to it.
“Sobrang ganda siya and it’s kakaiba.
“It’s such a huge honor na kasama ako sa album,” sabi niya.
Kasama rin sa album ang ilan pa sa mga sikat na mang-aawit ng GMA na tulad nina Glaiza de Castro, Derrick Monasterio, Kristoffer Martin, Kylie Padilla, Ruru Madrid, Julian Trono, Betong Sumaya, Gabbi Garcia, Maricris Garcia, Rita Daniela, Nar Cabico, Kai Atienza, Hannah Prescillas, Kath Castillo, Ralf King, Lindsay de Vera, Denise Barbacena, at Yasmien Kurdi.
Ang iba pang awitin sa One Heart ay ang “Tonight,” “Sumigaw, Igalaw,” “Kapit Lang,” “Free,” “Para Lang Sa ‘Yo,” “Wait A Minute,” “Panahon,” “You Are Never Alone,” “Love You The Way I Do,” at “Broken.”
Available na sa mga record bars at sa iTunes ang One Heart album.
Ang proceeds ng One Heart ay mapupunta sa GMA Kapuso Foundation.
Saad ni James, “We wanna help everyone.
“Mga Kapuso tayo, e. We have to help each other.
“We have to be strong, we have to be as one.
“So I guess that’s why the title is called One Heart because you know, we all have to share the same love, kasi if we cannot share the same love, how can we love each other?”
Sa panayam ng PEP.ph (Philippine Entertainment Portal) kay James sa presscon ng One Heart noong February 11 sa GMA Network Center, tinanong namin siya kung bakit tila naudlot ang pagbuo sana ng loveteam nila ni Julie Anne San Jose.
POTENTIAL LOVE TEAM WITH JULIE ANNE. Bago nawala sa ere ang Sunday All Stars ay lagi silang pinagdu-duet sa mga production numbers ng naturang Sunday show.
Marami ang nakapansin sa onscreen chemistry ng dalawa that time.
Pero sa pagkawala ng Sunday All Stars (na pinalitan ng Sunday PinaSaya) ay nawala na rin ang tandem sana nina James at Julie Anne.
Pag-amin ni James, “Para sa akin, there’s a reason for everything kaya it didn’t happen in that moment.
“And there were a lot of reasons why it didn’t go as planned.
“Pero sana people overlook that and maybe realize na, ‘Puwede, puwede ito.’
“Because I’m good friends with Julie Anne, we had workshops together and we sang together a few times so it’s nice to be with her.
“Kaya sayang that people sort of disregarded that as soon as I went on to Sunday All Stars.
“I mean, things happen, but things happen for a reason talaga.”
SADDENED BY SUNDAY ALL STAR'S DEMISE. Ikinalungkot rin ni James na wala na ang Sunday All Stars kung saan dati ay nakakapag-guest siya para kumanta; madalas nga ay si Julie Anne ang ka-duet niya.
Kuwento niya, “It was my avenue to perform on TV pero yeah, siyempre I was really sad because I was part of that a few times and I was considered part of the family.
“Siyempre, nalungkot ako.
“Pero at the end of the day, we have to understand that times are changing and we have to change with the times and the people, what the people want, kaya mag-adjust na lang tayo.
“And we did and Sunday PinaSaya came out and the ratings went thru the roof kaya masaya na kami na iyon, ganun yung ratings.
“Pero malungkot pa rin dahil nawala yung SAS.
“Siyempre naman there were a lot of artists that were in SAS like for a long time, and siyempre when SAS went away, parang, ‘Oh, what am I gonna do now?’
“Buti na lang nagbigay ang GMA ng another variety show for us to showcase our talent not only in singing and dancing but also in acting and hosting, yung Sunday PinaSaya.”
Hindi pa raw nakakapag-guest sa Sunday PinaSaya si James.
“But there’s a plan already,” pahabol niya.
PROUD OF JAMES REID'S SUCCESS. Madalas napagkakamalan si James bilang ang Kapamilya male star na si James Reid.
Bukod kasi sa magkahawig sila ay halos magkatunog ang kanilang mga pangalan.
Para ba kay James ay sagabal iyon para makaabante ng husto ang kanyang karera?
Pag-aanalisa niya, “No, I mean I see it as parang friendly competition lang.
“Kasi para sa akin, yeah that’s given na—na GMA ako at ABS siya—pero at the same time, I just use it as motivation na sana maka-level ako kay James Reid.
“You know, get to where he is because he succeeded a lot.
“Props to the guy for coming as far as he’s come.
“And I just hope one day maka-level tayo and it will be a nice, friendly competition kasi parang… it’s nice to have that na parang, GMA and ABS, pero at the same time we’re friends.
“Kasi I know him in person and he’s a really nice guy.
“We're friends in person.”
Paano sila nagkakilala ni James?
Paliwanag niya, “Through friends of friends.
“We were at a birthday party and we saw each other and he said, ‘Ikaw si James Wright, 'no?’
“Sabi ko, ‘Ikaw si James Reid, 'no?’
“So it sort of went on from there.
“And we know each other exists pero it's sort of like may kalaban factor and I sort of like it as a friendly competition talaga.”