Reymond Sajor releases debut album "Coming Home"

by Rose Garcia
Aug 17, 2008
Reymond Sajor has just recently released his debut album, Coming Home, which is exclusively distributed by Sony BMG. The singer is now being managed by Ambient Media Management Group and not by STAGES.


It took years bago matapos ang paggawa ng very first album ni Reymond Sajor, ang Coming Home, dahil sa pagiging sobrang espesyal daw nito. Ang album ni Reymond ay released under Songstream Music at manufactured and exclusively distributed ng Sony BMG. All tracks of the album are produced by Gerard Salonga.

Pero sa aming palagay, isa sa highlight at maipagmamalaki ng kanyang album ay ang paggamit ng full orchestra na madalang marinig sa mga album ng mga singers. At kuwento nga ni Reymond during his album launch last Saturday, August 16, at Eastwood mall, isa sa dahilan ‘yun kung bakit natagalan ito matapos.

"Live orchestra po kasi siya, as in, full orchestra. Lahat ng songs ko sa alnum is accompanied by full orchestra. Kaya lahat ng process ko sa album ay matagal. And then, at the same time, minaster rin po kasi siya sa States. And being mastered by Bob Katz."

Continue reading below ↓

Napaka-espesyal pala ng album niya? "Opo talaga! Kaya umabot sa almost one year kasi, we started doing this album around August or September I guess of last year, after winning po sa WCOPA [World Championships of Performing Arts], so umabot po talaga siya ng almost one year."

Bukod pa sa mga nabanggit niya, isa pa raw sa maipagmamalaki ni Reymond sa kanyang album ay most of the songs are original, isang bagay na gusto raw talaga niyang gawin.

"Kasi, marami na rin pong gumawa na mga Filipino singers na revival and it's time naman na ibalik na pati ‘yung mga original songs. Para maibalik na rin ‘yung dating sigla sa industry.

"Ang pansin ko po kasi, kahit sa ibang bansa, the reason why they are improving is because they never stop making good or great music, kaya patuloy pa rin silang yumayaman at nag-i-improve."

Puwedeng sabihin na mahal ang pagkakagawa ng album niya dahil sa magandang quality nito. ‘Yun nga lang, the usual problem ng mga recording company or recording artist ay ang madali rin pag-pirata ng album.

Continue reading below ↓

"Opo nga, actually mahal po talaga siya. Pero ako naman po kasi, ang pinaka-importante po sa akin, ‘yung quality talaga. I don't want to be a mediocre singer or artist ng Pilipinas."

Dugtong pa niya, "Kinakailangan kasi para manatili ka sa industriyang ito, gawin mo kunsaan ka magaling at pagbutihin mo ang ginagawa mo, hindi ‘yung okey-okey lang, Nandoon dapat ang excellence palagi."


In fairness, marami na rin achievement si Reymond. Bago pa man siya maging Grand Champion as senior vocalist of the world sa 2007 WCOPA sa Hollywood, naging finalist siya noong 2006 sa Philippine Idol ng ABC-5, grand prize winner sa 2003 Hamilton Talent Hunt sa Ontario, Canada at finalist din sa ilang contest sa ABS-CBN like Coca-Cola Musicola, Star For A Night, Star Quest, JAM Himig Handog Para sa Kabataan at Metropop Star Search ng GMA-7 noon.

SWITCHING MANAGERS. Sa naturang album launch ni Reymond, ang Ambient Event Artist Center ni Eric John Enriquez na ang nangangalaga ng career ni Reymond, that makes it more clear na wala na nga siya sa STAGES na unang nakilalang nagma-manage sa kanya.

Continue reading below ↓

Aniya, wala naman daw problema na umalis siya sa STAGES dahil tapos na rin daw ang kontrata niya rito.

"Dapat po kasi, noong una, kami na lang ng family ko ang mag-aasikaso. Parang gusto po naming mag-focus sa pagpo-promote ng album because we are very confident na tutulungan kami ng Songstream Records. Then, after telling it to STAGES na hindi na ko magre-renew, bigla namang nag-offer ang Ambient Media Management Group ng contract. Pero pinag-isipan ko rin muna.

"Okey naman po ako sa STAGES, maayos naman po ang separation namin."

May pagtataka si Reymond sa line of questioning sa kanya at ito na ang nagtanong kung bakit daw...so, we told him na he was missed during the presentation of new delegates for WCOPA and presentation of winner.

"Ah, I think, wala kasi akong invitation na nakuha sa kanila. Kasi, they we're thinking that I was so busy doing the album. Pero hindi ko alam na nagka-meron ng launching. Hindi naman po nila ko inisnab or something, honestly, ‘yung sa event po nila, kinokontak pa rin po nila ko kapag may mga gigs na gusto nila kong kunin."

Continue reading below ↓

Now that he finally got his dream, how does he feel?

"I feel so blessed and fortunate because not everyone can have this kind of opportunity. There are lots of singers in the Philippines, pero, kokonti lang ang napagbibigyan. Kaya pagbubutihin ko talaga. ‘Yung sa pagkanta, alam ko po na doon talaga ko mabubuhay."

Aminado si Reymond na kung may isa ngang kulang sa kanya ngayon, it's a visibility in a regular show tulad ng dati niyang kasamahan sa Philippine Idol noon na si Gian Magdangal na regular na napanood sa S.O.P. ng GMA-7.

"Actually, I am very much happy sa kanila. Now, si Miguel Mendoza, nasa Pinoy Dream Academy Season 2 tapos ‘yung iba, nasa Singing Bee, parang I am happy na most of us naman are doing well sa industry na ito. On my part po, isa rin ‘yun sa inaayos ng management."

Ang pinaka-favorite raw ni Reymond sa album niya ay ang kanyang carrier single na "Coming Home" since it is closer to his own experience. Other tracks in the album are "Counting Down The Days," "Stand," "I'll Be There," ‘I Looked Into The Wings," "Be My Lady," "I Think I'll Try," "You Should Know Me By Now," "Love Me Again," "Nella Fantasia," and "Anthem."

Continue reading below ↓
Read Next
Read More Stories About
album, Coming Home, music
Featured
Latest Stories
Trending in Summit Media Network

Featured Searches:

Read the Story →
Reymond Sajor has just recently released his debut album, Coming Home, which is exclusively distributed by Sony BMG. The singer is now being managed by Ambient Media Management Group and not by STAGES.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results