K Brosas teases Angeline Quinto: "Nakaka-distract yung d*de mo kasi."

by Allan Sancon

May 7, 2018

K Brosas (middle) teased Angeline Quinto (right) and Kyla during her 18th anniversary concert titled 18K.

Napuno ni K Brosas ang Kia Theater kamakailan para sa kanyang 18K Brosas 18th anniversary concert.

Laking pasasalamat ni K sa mga guests niya that night kabilang sina Regine Velasquez, Angeline Quinto, Kyla, Jaya, at Zsa Zsa Padilla.

Pabirong sinabi ni K sa mga manonood: "Maya lang kayo nagpunta rito ay para sa mga guests ko 'no? After nilang kumanta ay aalis na kayo, di ba?”

Naging emosyonal si K Brosas sa kanyang 18th anniversary concert habang kinakanta niya ang “Warrior Is A Child.” Naiyak ang komedyante nang kantahin niya ang lyrics na “They don’t know…” Ang hindi raw kasi alam ng karamihan ay nagkaroon siya ng mental health disorder dahil sa matinding depression.

Continue reading below ↓
Inamin niya na 12 years old siya nang magsimula ang struggle niya sa kanyang Chronic Anxiety Disorder dahil sa kanyang suppressed depression. Pero sinabi niya na, “I’m okay! I’m just struggling.”
Hiniling niya sa mga audience sa itaas ang kanilang cellphone na may ilaw bilang pakikiisa sa kanya na maging aware sa sakit na Chronic Anxiety Disorder. Kung may kakilala daw sila na may sakit na ganito ay itaas rin nila ang kanilang cellphone.

Hiniling rin ni K Brosas na suportahan ang kanyang advocacy na HIV prevention and awareness dahil parte daw ito sa ating social responsibility.

Continue reading below ↓
Isa sa mga special guests ni K Brosas ay ang kanyang idolo na si Regine Velasquez-Alcasid. Isang dream come true para sa kanya na makasama sa kanyang 18th anniversary concert ang Asia's Songbird.

Continue reading below ↓
Sumikat ang song interpretation ni K Brosas ng awitin ni Regine na “Tuwing Umuulan.” Bago nagsimula ang duet nila, hiniling ni Regine na kantahin ni K Brosas ang “Tuwing Umuulan” at siya naman daw ang mag-interpret, para maiba naman daw. Pero nang nasa parte na ng lyrics na “ng mga halaman at mga bulaklak” ay pinigilan ni K Brosas si Regine na ituloy dahil nandun si Nate (anak ni Regine), baka daw kung anong action ang gawin ni Regine.
Pinalakpakan ng concertogers ang duet nina Regine at k Brosas na “Habang May Buhay.”

Continue reading below ↓
Matapos ang kanilang duet ay niyakap at pinasalamatan ni K Brosas si Regine.
Isa rin sa mga pinalakpakan ng malakas ay ang special trio number nina Zsa Zsa Padilla (left), Jaya, at K Brosas nang awitin nila ang sikat na novelty song na “Sasakyan Kita.”

Continue reading below ↓
Binigyan naman ng bagong interpretasyon ng Divine Diva na si Zsa Zsa Padilla ang mga Pinoy novelty songs na “Totoy Bibo” ni Vhong Navarro at “Bulaklak” ng Viva Hot Babes.
Ang kauna-unahang guest performer ni K Brosas sa kanyang concert ang kanyang anak na Crystal Brosas. Inawit nila ang kanta ni Lani Misalucha na “Tila.”

Continue reading below ↓
Memorable daw kay Crystal ang kantang "Tila" dahil 4 years old pa lang daw siya ay kinakanta na niya ang awit na ito. Ikinuwento rin ni K Brosas ang trahedyang nangyari sa kanilang mag-ina nang mabiktima sila ng bagyong Ondoy. Ayon sa mag-ina, very relatable para sa kanila ang kanta na ito dahil matapos ang malakas na ulan ay titila rin ito.
Ang mga kaibigang komedyante ni K Brosas na sina Pooh at Chokoleit ay naglaroon ng stand-up comedy act na ang tema ay K-Pop.

Continue reading below ↓
Naalibadbaran daw sina Pooh at K Brosas sa suot ni Chokoleit dahil parang hindi Korean ang suot niya. Bakit daw may bangs sa buhok si Chokoleit kaya naging kamukha niya tuloy ang GMA-7 talent na si Ryzza Mae Dizon. Sumayaw naman si Chokoleit ng popular na sayaw ni Ryzza.
Binigyan ng song interpretation ni K Brosas ang awit ni Moira Dela Torre na “Malaya.”

Continue reading below ↓
Nag costume change si K Brosas sa stage. Around 7 or 8 costume changes ang ginawa ng komedyante sa kanyang concert.
Sa bandang huli ng concert ay hindi na nagsapatos si K Brosas dahil aminado siyang pinupulikat siya bilang sign of aging.

Continue reading below ↓
Isa sa mga inabangan ng mga audience ay ang famous impersonations ni K Brosas sa mga sikat na singers local at international tulad nina Karen Carpenter, Mariah Carey, Britney Spears, Sharon Cuneta, Lani Misalucha, KZ Tandingan at marami pang iba.
Bilang kanyang pang finale song, dahil nagawa na daw niya lahat, isa na lang ang hindi niya ginagawa: ang mag lip sync. Dahil dito, bilang finale ay ginawa niyang i-lip sync ang “Never Enough” na mula sa soundtrack ng Hollywood movie na The Greatest Showman.

Continue reading below ↓
Inawit at sinayaw ni K Brosas ang medley ng “Gold” at “Born This Way” sa kanyang opening number.

Continue reading below ↓

Tawang-tawa sina Angeline Quinto (right) at Kyla kay K Brosas dahil sa mga pabirong panlalait ni K Brosas sa dalawa. Isa rito ay ang pagpansin ni K sa boobs ng kapwa singer. "Nakaka-distract yung dede mo kasi," bulalas ni K tungkol sa boobs ni Angeline.

Kamakailan ay inamin ni Angeline na sumailalim siya sa breast reduction surgery.

Continue reading below ↓

* All photos by Allan Sancon