Joem Bascon, pasok sa semi-finals ng "Pinoy Mano-Mano"

by Noel Orsal
Nov 19, 2007
Nagwagi si Joem Bascon (in photo) sa laban nila ni Eric Fructuoso sa November 17 episode ng Pinoy Mano Mano. Sa Round 2 ng kanilang laban, sumenyas na si Eric na hindi na niya kayang ipagpatuloy ang laban kung kaya't hinagis ng kanyang coach ang isang robe sa ring bilang senyales na sumuko na ang dating miyembro ng Guwapings.
Mula sa walong celebrity contenders ng Pinoy Mano*Mano: the Celebrity Boxing Challenge, apat na lang ang natitira upang magtagisan ng lakas at bilis ng kamao sa semi-finals ng naturang reality boxing competition.

Sa huling laban ng Pinoy Mano*Mano nitong nakaraang Sabado, November 17, tinalo ni Joem Bascon si Eric Fructuoso. Gusto sanang lumaban pa ng dating member ng Guwapings na si Eric pero di na kaya ng kanyang right hand dahil sa matinding sakit na naramdaman nito sa paglagutok ng kanyang buto sa balikat.

Dahil dito, pumasok si Joem sa semi-finals ng Pinoy Mano*Mano kasama sina Jordan Herrera, Rico Robles, at Michael Roy Jornales.
Tiyak na kaabang-abang ang laban nina Michael at Rico na parehong may tig-isang panalo na. Sa November 24 episode ng Pinoy Mano*Mano, magkakaharap ang martial arts competitor na si Michael at ang dating Pinoy Big Brother Celebrity Edition 1 housemate na si Rico. Marami ang nagsasabing magiging maganda ang laban ng dalawa dahil sa parehong magaling; bukod sa pagiging martial arts expert nitong si Michael ay dati nang boksingero naman si Rico naman.

Sa susunod na Sabado, December 1, ang pagtutuos nina Joem Bascon at Jordan Herrera. Si Joem ang pinakabatang celebrity contender, samantalang si Jordan ay dating miyembro ng grupong Powerboys.

Continue reading below ↓

Kung sino man ang mananalo sa laban nina Rico at Michael at laban nina Joem at Jordan ay sila ang magkakaharap sa final round ng Pinoy Mano* Mano: the Celebrity Boxing Challenge.

May mga nagsasabi na kawawa ang makakalaban ni Rico sa championship dahil sa siguradong lamog at bugbog ang aabutin nito, sakaling matalo niya si MRJ.

Gayundin daw kung si Michael ang mananalo, kawawa ang makakatapat nito dahil sa pagiging palaban at experto nito sa karate, gaya nang ginawa nitong pagbugbog kay Biboy Ramirez sa loob ng ring.

Madalas ngang sinasabi ni Michael na pagdating sa ring, walang kaibi-kaibigan, nagba-'blackout' daw siya at walang nakikilala, lahat ng tatapak sa ring kakainin niya.

Pero huwag daw husgahan itong si Jordan, balita kasi na seryoso itong nag-eensayo. Katunayan nga, ang laki ng ibinaba ng timbang nito sa loob ng isang buwan.

Sino kaya sa kanila ang magiging kauna-unahang Pinoy Mano*Mano grand champion?

Continue reading below ↓

Abangan ang Pinoy Mano*Mano: the Celebrity Boxing Challenge sa bago nitong timeslot na 10:30 p.m. sa ABS-CBN. Kasama ang hosts Cesar Montano at Bayani Agbayani, huwag palampasin ang semi-final round ng PMM pagkatapos ng XXX at replay nito sa Linggo ng umaga, pagkatapos ng Princess Hours sa Kapamilya Network.

Read Next
Featured
Latest Stories
Trending in Summit Media Network

Featured Searches:

Read the Story →
Nagwagi si Joem Bascon (in photo) sa laban nila ni Eric Fructuoso sa November 17 episode ng Pinoy Mano Mano. Sa Round 2 ng kanilang laban, sumenyas na si Eric na hindi na niya kayang ipagpatuloy ang laban kung kaya't hinagis ng kanyang coach ang isang robe sa ring bilang senyales na sumuko na ang dating miyembro ng Guwapings.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results