Rico Robles pinatunayan muli ang sarili sa "Pinoy Mano-Mano"

by Noel Orsal
Nov 27, 2007
Rico Robles (left) will compete in the finals of Pinoy Mano*Mano: Celebrity Boxing Challenge after defeating Michael Roy Jornales (right) during the November 24 episode of the reality boxing competition.


Mainit ang naging simula ng bakbakan nina Michael Roy Jornales at Rico Robles para sa semi-finals ng Pinoy Mano-Mano: Celebrity Boxing Challenge nitong nakaraang Sabado, November 24, sa ABS-CBN.

Kagaya ng inaasahan, si Rico ang nanalo sa laban nila ni Michael. Bagama't hindi napabagsak ng radio DJ si Michael, masaya na rin siya na natalo niya ang kalaban, kahit pa sinabi niya na sa ikalawang round ay pababagsakin niya si Michael.

Sa unang round pa lang ay nagpakitang gilas si Michael Roy dahil sa sunod-sunod niyang pinaulanan ng suntok itong si Rico.

Pero hindi man lang natinag itong si RR kahit pa madalang siyang gumanti ng suntok sa kanyang katungali.

Ayun pala ay masusing pinag-aaralan nito ang galaw ng kanyang kalaban, nang makakita na siya ng pagkakataon ay nagpakawala na ito ng suntok na talaga namang tumama sa mukha at ulo nitong magaling sa taekwondo at kitang-kita ng mga manonood ang pag-alog ng ulo nito.

Continue reading below ↓

Nahilo si Michael nang tamaan sa ulo at mabuti na lang hindi siya bumagsak dahil sa napasandal siya sa lubid ng ring.

Pero tuloy pa rin ang laban hanggang sa third round, dito na ibinuhos ng dating Pinoy Big Brother Celebrity Edition housemate ang kanyang malalakas na suntok na halos mapatakbo na si Michael, kung kaya't hindi kataka-taka na nanalo si RR sa championship round ng PMM.

UNDERCARD FIGHT. Sa undercard fight ay naglaban naman sina Rommel Montano, kapatid ni Cesar Montano, at si Ryan Eigennman na anak naman ni Michael de Mesa at Gina Alajar. Nakita naming dumating ang pamilya de Mesa, dahil present dun sina Eddie Mesa, na lolo ni Ryan, Mark Gil at ang asawa nito. Nanood din ang kapatid ni Ryan na si Geoff Eigennman, kasama ang pinsan na si Sid Lucero (Timothy Mark Eigennmann sa totoong buhay).

Sayang dahil magaling sanang sumuntok si Ryan, kaya lang kinakapos ito ng hininga kung kaya't naapektuhan ang kanyang laro at ikinatalo nito.

Continue reading below ↓

Sabi nga ni Cesar Montano, ang host ng PMM, marunong sanang sumuntok itong anak ni Michael de Mesa kaya nga lang daw ay kulang pa sa ensayo dahil kinakapos sa paghinga.

Kabilang sa mga nanood ng semi-finals ng PMM ay sina Onemig Bondoc, Michael Flores, at Carlos Morales.

Nagyong pasok na si Rico Robles sa championship ay maghihintay na lang siya ng kalaban, depende kung sino ang mananalo sa laban nina Joem Bascon at Jordan Herrera next Saturday, December 1.

Sa December 15, ang main event ng Pinoy Mano-Mano, ang balita namin ay sa mas malaking gym sa San Juan ito gaganapin, para daw mapagbigyan ang mga taong gustong manood.

Panoorin ang Pinoy Mano-Mano: the Celebrity Boxing Challenge sa ganap na 10:30 p.m. sa ABS-CBN. Kasama ang hosts Cesar Montano at Bayani Agbayani, huwag palampasin ang semi-final round ng PMM pagkatapos ng XXX at replay nito sa Linggo ng umaga, pagkatapos ng Princess Hours sa Kapamilya Network.

Continue reading below ↓
Read Next
Featured
Latest Stories
Trending in Summit Media Network

Featured Searches:

Read the Story →
Rico Robles (left) will compete in the finals of Pinoy Mano*Mano: Celebrity Boxing Challenge after defeating Michael Roy Jornales (right) during the November 24 episode of the reality boxing competition.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results