80s stars Vivian Foz and Ariosto Reyes Jr. reunite via Magpakailanman

IMAGE Rommel Gonzales

Vivian Foz and Ariosto Reyes Jr. are cast as the parents of Joyce Ching's character in Magpakailanman.


Nagbida ang former actors na sina Vivian Foz at Ariosto Reyes Jr. sa unang episode ng GMA-7 drama anthology show na Lovingly Yours, Helen (LYH) noong 1980. 

Napanood din sila sa Lovingly Yours, Helen (The Movie) na ipinalabas noong 1984. 

Nakilala rin noon si Vivian sa pagganap niya bilang tita ng karakter ni Claudine Barretto sa 1999 ABS-CBN teleserye na Saan Ka Man Naroroon.   

Nag-reunite sina Vivian at Ariosto para sa episode ng Magpakailanman na mapapanood sa August 17, Sabado ng gabi, sa GMA-7. 

Gaganap sila bilang mga magulang ng karakter ni Joyce Ching sa episode titled "Mula Puso Hanggang Sa Buto: The Blisse Cervantes Story."

Ang anak nilang si Blisse (Joyce) ay may kakaibang sakit sa buto na kung tawagin ay Osteogenesis Imperfecta. 

Pagbabalik-tanaw ni Vivian sa pilot episode ng Lovingly Yours, Helen, “Mula nung pinalabas yun, hanggang ngayon, hindi nila malimutan yung first episode. I guess nakaka-identify kasi ang lahat since love story, lahat naman tayo, na in love.

ADVERTISEMENT - CONTINUE READING BELOW

“Hindi ko naman sinasabing lahat, nabigo pero may mga nabigo sa pag-ibig and isa yun sa example na makaka-identify kahit sinong tao.

“Kasi, ang istorya nun, nagmamahalan sila sa isa’t isa. May mga plano na sila, 'tapos biglang namatay yung boyfriend.

“So, maraming nakaka-identify.”

Hindi nagtuluy-tuloy ang showbiz career ni Vivian dahil nagdesisyon itong pumunta sa Amerika at doon mamalagi.

Bakit siya nagdesisyon na sa ibang bansa na manirahan?

“I will admit, nami-miss ko ang pag-artista and that’s the reason why I’m here, ano?

“Pagpunta ko ng States, it was… kasi, kailangan na akong pumunta ng States nung time na yun.

“Pero ang pag-aartista ko, since I was sixteen, hindi 'yan mawawala, e.

“So, nung pumunta si Ariosto sa San Francisco, magkita daw kami. O, sige, nagkita kami, 'tapos we talked about good old days.

“Lahat, napag-usapan namin pati yung mga wala na dito sa mundo na we were with in Lovingly Yours, Helen.

ADVERTISEMENT - CONTINUE READING BELOW

“Like, of course, Helen Vela, the director Argel Joseph, so siyempre naalala namin lahat ng mga tao ng Lovingly Yours noon.

“And hindi puwedeng mawala si Redgie Acuña-Magno, dahil siya ang executive producer ng Lovingly Yours noon, and now she is the VP for Drama sa GMA.

“Nag-picture-taking kami, since mga magpe-Facebook friends naman kami, for old time’s sake, tinag ko silang ganyan.

“Nung ini-side-by-side ko yung picture namin ni Nonong Reyes, that’s Ariosto, we call him Nonong, so yung Lovingly Yours ng 1984 yata and yung kami ngayon, nag-ano! Ang dami, halos one thousand likes.

“So sabi ni Nonong, ‘Gumawa ka ng gulo, Vivian.’ Ha! Ha! Ha! Ha!

“Sabi ko sa kanya, ‘Hindi ko naman sinasadya, dumalaw ka, pinost ko.’

“So pagkatapos, actually yung husband ko yung kumuha, e. Ginaya pa namin yung posing para makita talaga yung difference.

“So, anyway, iyon, kahit nasa States ako, of course, isang tawag lang ng acting world, pagbibigyan ko.

ADVERTISEMENT - CONTINUE READING BELOW

“Like ito, si Ariosto, minsan lang ito, e. Na pareho kaming sabay na nandito sa Pilipinas. It seldom happens, so sabi niya, ‘Sige, gawa tayo!’

“Ayan na, gumawa na kami.”

Mapapanood sina Vivian at Ariosto sa "Mula Puso Hanggang Sa Buto: The Blisse Cervantes Story" ng Magpakailanman ngayong Sabado sa GMA kasama sina Joyce Ching at Lucho Ayala, sa direksyon ni Rechie del Carmen.

Nakausap ng PEP.ph (Philippine Entertainment Portal) si Vivian sa taping ng Magpakailanman noong Agosto 1, Huwebes, sa Sta. Ana, Manila.

Masaya si Vivian na sa pagbabalik–acting niya ay sa isa na namang top-rating drama program ng GMA sila mapapanood ni Ariosto.

“I’m very much honored to have Magpakailanman as my comeback project sa acting, ‘no?

"Kasi first and foremost, naka-pattern dun sa Lovingly Yours like true stories talaga, inspirational stories at that.

“And lalo pa yung material, nung nabasa ko yung script, yung Bliss Cervantes Story, kakaiba siya, hindi siya ordinaryong istorya.

ADVERTISEMENT - CONTINUE READING BELOW

“Na mapagkukunan natin ng strength, and anybody would like to be part of that project na inspirational para sa lahat ng tao.”

Nakilala ni Vivian nang personal ang taong gagampanan niya sa Magpakailanman.

“And talagang nasabi ko sa kanya na hanga ako sa lakas niya, the strength that was with her. Na she was able to do what she really wants in life, bihira ang taong ganun.

“E, kung yung mga tao nga na normal, sometimes, tinatamad pa e, na gawin ang dapat gawin sa buhay, pero siya, kahit hirap.

“Osteogenesis Imperfecta is a painful disease, and very ano, kumbaga, sensitive ang mga bones mo, brittle, e, so kahit may ganun siya, kahit may pain, nakaya niyang magtapos, magna cum laude pa!”

Kung may pagkakataon na muli niyang ituluy-tuloy ang pag-aartista ay gagawin iyon ni Vivian.

“Oh yeah, forever yan,” at tumawa si Vivian.

“Pag tinawag, sige gawin natin. I mean there is my love for acting talaga. I started, iyan ang number one love ko.

ADVERTISEMENT - CONTINUE READING BELOW

“Aside from being a dentist, aside from being a nurse. Acting is my number one love!”

LIFE OF VIVIAN FOZ AFTER SHOWBIZ

Pinagkuwento namin si Vivian ng naging buhay niya sa Amerika.

“After ko ng showbiz [career] dito sa Philippines, I had to go to the States, dentista ako dito sa Pilipinas, 'no?

“Pagdating ko sa States, that was 2005, to be there for good, 2003 nagsara na ang California Board of Dentistry na diretsong makapag-exams ang foreign graduate dentists.

“I had to have two years of schooling, na alam ko na hindi ko 'yan magagampanan dahil I was already in my forties, e. So, hindi na praktikal na mag-two years of schooling pa ako.

“So, ang ginawa ko nun, dahil nag-prepare rin ako, 'tapos ako ng Bachelor of Science in Nursing dito sa Philippines bago ako pumunta dun.

“Fortunately, I passed the NCLEX-RN exams so nag-practice ako ng Nursing since 2009 pero pabalik-balik pa rin ako dito sa Philippines.

ADVERTISEMENT - CONTINUE READING BELOW

“Hindi ko malilimutan talaga ang acting kasi I have been doing it since I was sixteen.

"So, kahit nandun ako, ang profession ko, I still have friends na nandito, na pinababalik na nga ako dito sa Pilipinas kasi ang daming teleserye daw!

“Of course, I have my priorities. Ang priority ko, family, na nasa States.

“So iyon, masaya na maging nurse, and I’m a retired nurse since 2017 and I’m into this business which educates people, there in the States, that there is a solution to all of life’s problems.

“I am a qualified field director for Premiere Financial Alliance.

“It’s a broker, and we broker to National Life Group.

“Yung may product kami, na ine-educate na… actually it’s a life insurance you don’t have to die to use.

"Pero since I was a nurse, I was so exposed to a lot of people who were diagnosed with cancer, heart attack, and stroke, those are the three leading causes of death in America.

ADVERTISEMENT - CONTINUE READING BELOW

“E, yung product, makakakuha ka ng… yung death benefit mo, partially, when you get those diseases!

"So maganda, nakakatulong kasi ang dami kong pasyente na naba-bankrupt because of medical bills.

“So eto, sa dami ng mga na-witness ko na nabenta na nila yung bahay nila pambayad lang sa hospital bills nila, medical bills nila, hindi mangyayari!

“Dahil dito sa product na ito, so I’m very passionate about that right now.

“To let people know that there is such a product wherein you can also use it. Tatlo, e — death benefit, tax-free retirement, at saka when you get sick. Makukuha mo na.

“Merong listahan ng sickness, it varies per state.”

Ayon kay Vivian, sa Amerika lang meron nito.

“Buong U.S. lang, sayang, wala sa Philippines! Sana, makasama ang Philippines, kasi we need it.”

Tatlong taon na si Vivian sa linyang ito.


COMMENTS

Loading comments

THIS JUST IN

Close