Masayang ibinalita ni Jane Basas, President at Chief Executive Officer (CEO) ng TV5 at Cignal na ibabalik na nila ang entertainment department ng Kapatid network.
Kuwento ng lady executive tungkol dito, “I’ve been asked that question before and I always said that entertainment at the end of the day brings the ratings.
“So, the objective is really to improve the viewership of TV5 so that we can also improve the revenue generation potential of the channel.”
Huling quarter ng 2015 na-dissolve ang entertainment department ng istasyon.
Bukod dito, kasama ring nawala ang CSD (On air promo), Research, at PR departments.
Nagkaroon din ng malawakang retrenchments noon ang naturang TV station.
Ano naman kaya ang posibleng maging content ng kanilang entertainment department?
Tugon nito, “Ngayon, pinag-aaralan pa lang namin kasi you know, a huge portion of our airtime is really dedicated to sports and that will remain to be the case because we have contractual obligations to our partners.
“But at least for the other airtime, we are really looking at bringing in entertainment.
“Majority will be acquired entertainment, that will be Tagalized or subtitled but we will allocate some budget for production as well.”
Eksklusibong nakausap ng PEP.ph (Philippine Entertainment Portal) si Jane sa launch ng pinagsanib na puwersa ng TV5 at Cignal para sa broadcast campaign nito para sa 30th Southeast Asian Games (SEA Games) na “Sama-Sama Sa SEA Games.” Ginanap ang press con sa Raffles Hotel Makati noong Lunes, November 18, 2019.
Ang TV5 at Cignal ang major broadcasters ng international sports event na gaganapin sa bansa mula November 30 haggang December 11, 2019.
Hindi naman daw kayang pantayan ng TV5 ang dalawang higanteng istasyon ayon pa kay Basas ngunit sisikapin nilang magiging maganda at kakaiba ang entertainment programs na ii-ere nila.
Sabi pa niya, “Initially, I’m sure we cannot be as big as Channel 2 or Channel 7, they really do spend billions in entertainment productions but I just wanna make sure that we offer as many kinds of content, di ba, that will appeal to more Filipinos than just the sports enthusiast.”
Napag-alaman naman ng PEP.ph na muli nilang kinuha ang dating vice president for entertainment ng TV5 na si Perci Intalan.
Matagal naging executive si Perci ng TV5 bago siya nagtayo ng sariling film company kasama ang partner na si Jun Lana.
Lahad ni Basas, “Yeah, Perci is back. Perci actually heads my programming.
“And the reason for that is he has actually proven himself to be a very effective, creative person in the past, in the history of TV5, during which the ratings of TV5 was at its highest.
“So, mahirap kumuha ng tao na [wala] sa DNA o nasa dugo ang entertainment, ang free to air, he’s proven himself.
“He has the track record so bakit ko pa pahihirapan ang sarili ko?
“And natutuwa naman ako na gusto niya naman akong katrabaho.
“So, I think you will see good times for TV5 moving forward.
“Nasa umpisa pa lang kami pero it’ll get better.”
Sa pamamagitan ng text message, hiningi ng PEP.ph ang mensahe ni Perci tungkol sa kanyang pagbabalik sa TV5.
Maiksing sabi lang niya, “Tumutulong lang, alam mo naman, once a Kapatid, always a Kapatid.”