Muling pumirma ng kontrata si Bianca Umali sa GMA Network.
Nasa contract signing sina GMA Network chairman and CEO Atty. Felipe Gozon, EVP and CFO Felipe Yalong, SVP for Entertainment Group Lilibeth Rasonable, AVP for Talent Imaging and Marketing Simon Ferrer.
Sampung taon nang Kapuso si Bianca na nagsimula ang career bilang isa sa mga host ng Tropang Potchi nung 2009.
Ipinagmamalaki ng mga namumuno ng GMA si Bianca dahil sa recent achievement nito.
Napili si Bianca na maging bida sa third season ng HBO Asia-produced series na Halfworlds kunsaan gagampanan ng Kapuso actress ang papel ng isang half-human, half-engkanto na maghahanap ng isang mahiwagang halaman na gagamot sa pagkauhaw ng mga engkanto sa laman ng tao.
Co-producer ng HBO Asia ang Filipino media and telecommunications firm na Cignal Entertainment.
Sa mga naunang seasons ng Halfworlds, kinunan ang mga eksena sa Jakarta, Indonesia. Para sa pagbibidahan ni Bianca na third season, sa Pilipinas kukunan ang lahat ng eksena at ididirek ng Eerie at Dead Kids director na si Mikahil Red.