Magtatapos na ang GMA-7 primetime series na Beautiful Justice ngayong January 24, 2020.
Tumagal nang mahigit apat na buwan ang maaksyong telwserye na pinagbidahan nina Bea Binene, Gabbi Garcia, at Yasmien Kurdi, at tumalakay sa isyu ng drugs at PDEA (Philippine Drug Enforcement Agency) sa bansa.
Sa pamamagitan ng private messaging ay nakausap ng PEP.ph (Philippine Entertainment Portal) ang director ng Beautiful Justice na si Mark Reyes.
Bilang director, ano ang gusto niyang maiwan sa mga sumubaybay ng serye nila?
“That the drug menace isn’t only a war of PDEA,” saad ni Direk Mark.
“But it’s everybody’s war. Like the characters of Beautiful Justice. Drugs affected their lives in many ways even if they weren’t users.
"So the only way to beat it, is to fight it together.”
Sa pamamagitan ng Beautiful Justice ay naipakita nila ang dedikasyon ng mga taga-PDEA mapa-babae o lalaking agent man ito.
"I think we were able to show the PDEA agents’ dedication and passion to protect the nation from drugs and drug dealers even if it means giving up their lives.”
Sa buong run ng Beautiful Justice, anong eksena na nagawa nila ang pinaka-ipinagmamalaki niya?
Sabi ni Direk Mark, “It’s not really a scene, but it was the moment that PDEA acknowledged Beautiful Justice publicly for being able to represent the agency respectfully and truthfully in the war against drugs.”
Ang papalit sa Beautiful Justice sa Lunes, January 27, ang Anak ni Waray vs. Anak ni Biday nina Barbie Forteza at Kate Valdez.