Magwawakas na sa Linggo, January 17, ang dalawang programa ng Brightlight Productions na napapanood sa TV5.
Ito ay ang musical-variety show na Sunday Noontime Live at ang gag show na Sunday Kada.
Ito ang inanunsiyo ng CEO ng Brightlight Productions na si Albee Benitez sa pamamagitan ng isang official statement na ipinadala sa PEP.ph (Philippine Entertainment Portal) ngayong Sabado, January 16.
Ayon sa statement, ipalalabas ang "season enders" ng dalawang nabanggit na programa bukas.
Parehong nag-premiere ang Sunday Noontime Live at Sunday 'Kada noong October 18, 2020.
Bahagi ng nakasaad dito: "Sunday Noontime Live (SNL)'s delightlful run is about to end and we await future endeavors from its outstanding stars and phenomenal newcomers."
Tampok dito ang Kapamilya stars na sina Piolo Pascual, Maja Salvador, Donny Pangilinan, Jake Ejercito, at Miss Universe 2018 Catriona Gray.
Nito lamang buwan ay pinalitan ng basketball star na si Ricci Rivero si Donny.
Ang Sunday Kada naman daw "will explore new locales, exciting locations and more laughs in the near future."
Nasa cast nito sina Jayson Gaiza, Ritz Azul, Josh Colet, Sunshine Garcia, Wacky Kiray, Daniel Matsunaga, Maxine Medina, Miles Ocampo, Badji Mortiz, at Jerome Ponce.
Sabi pa sa statement: "I Got You will re-air its concluding, exciting finale episode in response to numerous requests."
Bida sa I Got You sina Beauty Gonzalez, RK Bagatsing, at Jane Oineza.
Umere ito ng isang season (13 episodes) at nagtapos noong January 10, 2021.
Samantala, magpapatuloy pa rin sa pag-ere ang tatlo pang programa ng Brightlight Productions sa TV5.
Ito ay ang noontime show na Lunch Out Loud (LOL) nina Billy Crawford, Alex Gonzaga, Bayani Agbayani, K Brosas, KC Montero, at Wacky Kiray; ang magazine show ni Korina Sanchez na Rated Korina; at ang sitcom ni Ian Veneracion na Oh My Dad!.
Dagdag pa ng Brightlight Productions, "We are grateful for all your support which inspires us to create new and exciting programs. Brighter days continue as we collaborate with TV5 and othe rindustry partners."
Narito ang kopya ng statement ng Brightlight Productions, Inc.:
Ano ba ang latest sa showbiz? Find out kung anong level ang showbiz IQ mo by subscribing to PEP.ph Viber Chatbot here. Join our community para laging updated!