Kumusta ang love life ni Snooky Serna?
"Thank God, I am happy!" bulalas niya sa PEP.ph (Philippine Entertainment Portal) na nakapanayam siya sa pamamagitan ng e-mail nitong Biyernes, March 5, 2021.
Sina Snooky at Dennis Padilla ay mapapanood sa Magpakailanman episode na "When I Fall In Laugh: The Vincent Aychocho Story" mamayang gabi, Sabado, March 6.
Sa pagpapatuloy ni Snooky, "I have found a partner who is also my best friend. Nagkakasundo kami, and he is very supportive in everything that I do.
"He even checks on me every time I have work lalo na nung nag-lock in taping kami for Anak Ni Waray Vs Anak Ni Biday.
"I can say I am settled, and I thank God."
Ang tinutukoy ni Snooky ay si former Bulacan Vice Governor Mon Villarama, her boyfriend of almost six years.
Halos 28 years na silang magkaibigan, pero noong 2015 lamang sila naging magkasintahan.
ACTORS THEN AND NOW
Samantala, bilang isang dating child star at teen actress, ano ang masasabi ni Snooky tungkol sa mga kabataang artista ngayon?
"Oh, young actors of this generation are so lucky! In a way, everything's given to them. Ang dami nilang access to things that help them enhance their ability and capabilities as actors."
Four years old nang ilunsad ang career ni Snooky sa pelikulang Wanted: Perfect Mother. Siya ay four years old noon.
Dagdag ng 54-year-old Kapuso actress, "During our time, it was very limited, and we have to study and develop on our own.
"Acting workshops were never available back then. We have to perform before the camera instinctively."
Nagbigay din siya ng ideya tungkol sa work conditions noon.
Aniya, "Sa shooting and taping, they have air-conditioned tents. Kami noon, kani-kaniyang silong. Good thing, Mother Lily was there to take good care of her Regal babies."
Noong 1980s, isa si Snooky sa mga prized talents, Regal Babies kung tawagin, ng Regal Films producer na si Mother Lily Monteverde.
"Ang maganda rin nung panahon namin was we were lucky to be able to work with the masters, like Lino Brocka, Ishmael Bernal, Marilou Diaz Abaya, Danny Zialcita, Elwood Perez, and the like. I think somehow that contributed a lot to our longevity in showbiz.
"I miss those days."
Sino ang nakikita niyang the next Snooky Serna?
"Iba naman kasi ang naging journey ko sa industry, and to stay fifty years in the business and counting, wala akong nakikitang susunod sa yapak ko.
"Honestly, at barely three years [old], I was already acting before the camera and now in my fifties, I am still busy doing the job I love most.
"I feel so blessed, thank God!
"Kasi ang mga batang artista now have their own individuality at ibang-iba na ang panahon nila. They're so driven and ambitious.
"E, kami noon, we were just like playing around. Competition was far from our minds, at least for me.
"So I don’t think there will be another Snooky or another Dina or Sharon, etc. because today's stars are gearing towards different direction."
Kasabayan ni Snooky sina Dina Bonnevie, 60, Maricel Soriano, 56, at Sharon Cuneta, 55.
Nakasama pa nga niya sa pelikulang Under-age (1980) sina Dina at Maricel.
Ilan pa sa mga hit movies ni Snooky ay ang Anak ni Waray, Anak ni Biday (1984); Blusang Itim (1986); Rosa Mistica, to name a few.
Sabi ng mestiza star, "In the same breath na kahit kami nina Maricel, Dina at Sharon ay walang pilit na sinusundang yapak among the stars before us.
"In all modesty, I believe we made our mark based on our own respective little contributions to the industry."
Mapanood si Snooky bilang si Jessica sa Magpakailanman, kung saan gagampanan ni Kevin Santos ang kuwento ng buhay ng stand-up comedian na si Petite o Vincent Aychoco.