Viral ngayon sa TikTok ang eksena ni Kiray Celis mula sa isang lumang episode ng Wish Ko Lang!
Ipinalabas ang episode noong pang February 2019, at muling in-upload nitong 2021. Kaya naman madaling na-pick up at na-repost ng mga eksena sa TikTok.
Sa istorya, gumanap si Kiray bilang Joan, isang babaeng pinagsamantalahan ng tatlo niyang kuya, na ginampanan nina Ping Medina, Kevin Sagra, at Joshua Bulot ng all-male singing group na JBK.
Sa viral na eksena, naghihiwa ng gulay si Kiray nang makita niyang lumapit si Joshua kay Althea Ablan, na gumanap bilang Krystal, ang nakababata nilang kapatid.
Dahil unti-unting nagiging touchy ang kanyang kuya kay Krystal, pinipilit ni Joan na bumili muna ng toyo ang nakababatang kapatid. Pero kinokontra ito ng karakter ni Joshua.
Kaya naman sa takot ni Joan na pagsamantalahan ng kanyang kuya ang kanilang batang kapatid, tumayo siya at tinutukan ng kutsilyo ang karakter ni Joshua.
Viral ang eksena dahil napansin ng netizens na habang nagsasalita si Kiray ay nanginginig ang hawak nitong kutsilyo at nahalatang hindi ito totoo!
Nang agawin ng karakter ni Joshua ang kutsilyo mula kay Kiray ay lalong nakita na malambot ito at nanginginig.
Pero naging steady ito noong hawak na ni Joshua dahil makikitang inalalayan niya ang cardboard na kutsilyo para hindi ito manginig.
Sabi ng netizen na may username na @MICKY MOUSE, “HAHAHAHA KIRAY BAT GANON UNG KNIFE MO”
@jeftadam7 Tapang ni kiray dito????Kutsilyong nanginginig laslasin mo dali????(Fake or Real ung Knife sa tingin nyo?)##GMA##Drama##tik_tok##foryou##tiktokph##tiktokphilippines##fyp?##viral##truestory##squidgame##parati##teamjeftadam##trendingvideo
? Into Your Arms (feat. Ava Max) - Witt Lowry
Maraming netizens na natawa sa panginginig ng kutsilyo habang may ilan namang nagtanggol din sa eksena at sinabing mas delikado kung gumamit sila ng tunay na kutsilyo.
Kaakibat ng pagiging online ng mga episodes ng mga programa ay mas napapansin ang mga eksena sa shows, kabilang ang mga bloopers.
Nitong August lang, nag-viral ang isang eksena ng aktor na si Shido Roxas sa Wish Ko Lang, kung saan nakitang lumunok ang kanyang dead character.
