Watch Now

Senator Grace Poe taos-pusong nagpasalamat sa cast, crew, loyal viewers ng FPJ's Ang Probinsyano

by Khryzztine Joy Baylon
Aug 10, 2022
Senator Grace Poe
Senator Grace Poe: "Sa lahat po ng nagmahal sa legasiya ng aking mga magulang na sina FPJ at Susan Roces, tanggapin niyo po ang aking taos-pusong pasasalamat sa inyong pagtangkilik sa FPJ's Ang Probinsyano sa loob ng pitong taon."
PHOTO/S: screengrab @Dreamscape Entertainment Instgaram

Labis ang pasasalamat ni Senator Grace Poe sa lahat ng tumututok at nanonood ng FPJ's Ang Probinsyano, na nakatakdang magwakas ngayong linggo matapos ang halos pitong taong pag-ere sa telebisyon

Read: Coco Martin announces last three weeks of FPJ's Ang Probinsyano

Ang senadora ang nag-iisang anak ng Hari at Reyna ng Pelikulang Pilipino na sina Fernando Poe Jr. at Susan Roces, na pareho nang namayapa.

Nitong Martes, August 9, 2022, naglabas ng video sa Instagram ang Dreamscape Entertainment kung saan nagpasalamat si Senator Grace sa mga nagmahal at tumangkilik sa longest-running teleserye sa Pilipinas.

Aniya, "Sa lahat po ng nagmahal sa legasiya ng aking mga magulang na sina FPJ at Susan Roces, tanggapin niyo po ang aking taos-pusong pasasalamat sa inyong pagtangkilik sa FPJ's Ang Probinsyano sa loob ng pitong taon."

Ang sikat na serye ng Kapamilya network ay hango sa pelikula ni FPJ na Ang Probinsyano na ipinalabas noong 1997.

ADVERTISEMENT - CONTINUE READING BELOW ↓

Sa serye, ginampanan ng namayapang si Susan Roces ang papel ni Lola Flora, ang mapagmahal na lola ng bidang karakter na si Cardo Dalisay na ginagampanan naman ni Coco Martin.

Read: Susan Roces, bibigyan ng magandang pamamaalam sa pagwawakas ng Ang Probinsyano

Ipinaabot din ng senadora ang kanyang pasasalamat kay Coco, na nagsilbi ring direktor, at sa lahat ng bumubuo sa FPJ's Ang Probinsyano.

"Nais ko rin pong magpasalamat sa buong cast at crew at sa Kapamilya network na pinangungunahan ni Cardo na si Coco Martin.

"Sa inyong paggawa ng isang dekalidad na programa na nagbigay ng pag-asa, inspirasyon, at kaligayahan sa ating mga kababayan.

"Alam ko na si Coco ay hindi lamang gumanap kung hindi siya rin ay nagsulat at nagdirek ng teleseryeng ito."

Sa huli ay inanyayahan niya ang lahat na tumutok sa tinaguriang "Ang Pambansang Pagtatapos" ng Ang Probinsyano sa Biyernes, August 12.

HOT STORIES

Read Next
Featured
Latest Stories
Trending in Summit Media Network

Featured Searches:

Read the Story →
Senator Grace Poe: "Sa lahat po ng nagmahal sa legasiya ng aking mga magulang na sina FPJ at Susan Roces, tanggapin niyo po ang aking taos-pusong pasasalamat sa inyong pagtangkilik sa FPJ's Ang Probinsyano sa loob ng pitong taon."
PHOTO/S: screengrab @Dreamscape Entertainment Instgaram
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results