Bago pa nangyari ang phenomenal success ng showbiz career ni Alden Richards noong July 2015, naging tradisyon na niya ang pagdalo sa Kapuso Countdown, ang annual New Year special ng GMA Network tuwing December 31.
Naniniwala si Alden na may dalang suwerte ang pagtatrabaho niya sa unang araw ng bagong taon.
Hindi pa rin binabali ni Alden ang nakasanayan na tradisyon dahil kasali uli siya sa "Kapuso Countdown to 2023 Gayo Daejeon," na magaganap sa December 31, 2022.
Magsisimula ito ng 10:30 p.m. at matutunghayan sa GMA-7 at sa official YouTube channel ng GMA Network.
Makakasama ni Alden sa pagsalubong sa pagpasok ng 2023 ang mga Kapuso star na sina Julie Anne San Jose, Rayver Cruz, Christian Bautista, Barbie Forteza, Kyline Alcantara, Ruru Madrid, Derrick Monasterio, Sanya Lopez, at ang Korean social media star na si Dasuri Choi.
Pangungunahan ni Alden ang watch party ng Gayo Daejeon, ang annual music festival ng Seoul Broadcasting System, ang sikat na television at radio broadcaster sa South Korea, na idinadaos sa tuwing nagwawakas ang taon.
Ang BTS at Wonder Girls ang dalawa sa mga popular na K-pop group na naging bahagi ng Gayo Daejeon, na nag-umpisa noong 1997, pansamantala na inihinto noong 2007, at muling binuhay noong 2014.
Mapapanood sa Kapuso Countdown to 2023 Gayo Daejeon ang mga sikat na Korean band: ang NCT 127, NCT DREAM, THE BOYZ, fromis_9, Stray Kids, (G)I-DLE, ATEEZ, ITZY, TOMORROW X TOGETHER, CRAVITY, aespa, ENHYPEN, IVE, NMIXX, TEMPEST, LE SSERAFIM, at NewJeans.
Bukod sa Gayo Daejeon broadcast, ipapakita rin sa Kapuso Countdown sa kauna-unahan na pagkakataon ang mega trailer ng Voltes V: Legacy, ang ginastusan na primetime series ng GMA 7 na mapapanood sa 2023.
- Mylene Dizon reacts to ex-boyfriend Paolo Paraiso's engagement
- Son Ye Jin gives sneak peek at one-month-old son; thanks husband Hyun Bin
- (Updated) Vice Ganda, KathNiel, Beauty Gonzalez spotted at Eraserheads reunion concert
- REVIEW: Eraserheads turns back the clock, hits at "Huling El Bimbo" reunion concert