Prangkang inamin ni Joseph Marco, 34, na naranasan na niyang mapagalitan ng direktor, at isa sa di niya malilimutan ay ang kanyang unang sabak sa showbiz.
Naungkat iyon nang sumalang si Joseph sa PEP Challenge na "Guilty or Not Guilty" sa PEP Live noong March 15, 2023.
"Guilty, and I remember I was still with GMA," napangiting bungad ni Joseph.
"Because I started my career with GMA. I was still doing commercial modelling that time. Yun yung time na nagsusunud-sunod yung commercial ko.
"Trinay ko lang. My manager that time asked me if I wanted to join showbiz. They gave me a show."
Noong panahong iyon ay wala pang interes si Joseph sa pag-aartista.
"Di ko inaaral yung script. I wasn't reading. Akala ko kasi pa-cute pa-cute lang, parang commercial lang.
"Tapos yun, namura ako ng director."
Dahil napahiya siya, sabi ni Joseph: "I wanted to quit that time... You know, I don't want this. Okay ako sa commercial industry."
Hindi tuwirang binanggit kung aling Kapuso serye nangyari ang insidente.
Pero dalawa ang nasalihang teleserye ni Joseph sa GMA-7: ang La Vendetta (2007) at Mars Ravelo's Dyesebel (2008).
Patuloy ni Joseph, "Pero everything changed when I transferred to ABS.
"When they gave me a big role, it changed my perspective when it comes to the industry and when it comes to the craft."
Noong 2010, tampok si Joseph bilang ka-love triangle nina Jessy Mendiola at AJ Perez sa Kapamilya series na Sabel.
Sa unang bahagi ng PEP Live, ikinuwento ni Joseph na hindi niya akalaing mamahalin niya nang husto ang pag-arte.
Wala pa raw siyang matinong purpose sa pagtatrabaho noon.
Balik-tanaw niya: "I started as a model. Gusto kong maging sikat. I wasn't really thinking about the talent.
"Parang feeling ko, showbiz is all about pagiging sikat.
"But as time goes by, I was getting roles na mas challenging, that's the time I've realized that this path is where I wanna go.
"I wanna take serious roles. I just fell in love with heavy roles, heavy projects."
Ilan sa mga teleserye kunsaan naging bida siya ay Pure Love (2014), Pasion de Amor (2015-2016), Wildflower (2017-2018), at Los Bastardos (2019).
Bumida rin siya sa mga pelikulang Talk Back And You're Dead (2014), My Rebound Girl (2016), Dear Other Self (2017), at Isa Pang Bahaghari (2020).
Kasalukuyang palabas sa mga sinehan ang pelikula nila ni Ryza Cenon na Kunwari... Mahal Mo Ako.
Ayon kay Joseph, isa sa memorable characters na ginampanan niya ay ang role na may Tourette Syndrome sa defunct drama anthology ng ABS-CBN na Maalaala Mo Kaya noong 2018. Doon niya unang nakatrabaho si Ryza.
Napatanong daw si Joseph sa sarili niya noon: "Kaya ko ba to?"
Kuwento pa niya, "That kind of challenge, that's what gets to you. That's what makes you an artist.
"Luckily, I was able to get offered roles like that, especially working with great talents."
ON CHOOSING THE RIGHT PROJECT FOR HIM
Isa pang di malilimutang role ni Joseph ay nang gumanap siyang Lucas sa FPJ's Ang Probinsyano.
"Sa sobrang high intensity tsaka ganda ng project, ngayon nahihirapan ako tumanggap ng offer sa akin," saad niya.
Na-enjoy raw ni Joseph ang action scenes niya roon.
Paliwanag niya, "I tend to compare the projects that I did. Ngayon kasi, when you mature sa career mo, parang ang hirap na tumanggap ng light projects.
"I'm very thankful with showbiz. I was able to discipline myself for the role to the highest level.
"Lahat talaga gagawin mo to be in character—being physically fit, practicing something na kailangan ng character. Nakatulong siya sa buhay ko."
ON TREATING PEERS WITH RESPECT
Sa loob ng 12 taon niya sa showbiz, ibinahagi ni Joseph na ang pagkakaroon ng magandang relasyon sa mga katrabaho ay mahalagang matutunan ng mga baguhang artista.
Sabi niya, "You gotta be humble. You have to respect the people na mga nauna sa yo.
"They're the examples that you wanna follow, especially yung mga nagtagal.
"Dapat wala ka tatapakan, from sa pinakamababang tao. Coz you never know. Next thing you know, siya na boss mo.
"Just respect everybody—from the small people to way up there."
Watch full interview with Joseph Marco and Ryza Cenon on PEP Live:
More hot stories on PEP.ph:
- Tony Tuviera: Driving force behind Eat Bulaga!
- Liza Soberano’s Tita Joni reacts to commission issue: “Basta ako po ay hindi mukhang pera.”
- James Reid, Issa Pressman holding hands in photo; are they an item?
- EXCLUSIVE: Watch Kim Atienza's reaction when asked about Vice Ganda
- EXCLUSIVE: Ina Raymundo confirms breakup of daughter Erika Poturnak, Kobe Paras