Nagkaroon ng surprise visit ang tatlong original It’s Showtime hosts na sina Billy Crawford, Coleen Garcia, at Eric “Eruption” Tai sa episode ng ABS-CBN noontime show kahapon, September 14.
Sa kalagitnaan ng segment ng Miss Q & A, tinawag ni Vice Ganda sina Billy, Coleen, at Eric.
“We miss you naman. Andito ang ating mga solid Showtimers,” pahayag ni Anne Curtis.
Sa stage, nagyakapan ang mga original hosts: sina Vice, Anne, Billy, Coleen, at Eric.
Bumati sina Billy, Coleen, at Eric sa audience ng programa.
Pinasalamatan ni Vice si Billy dahil ito raw ang nag-compose ng theme song ng cosmetic brand nito.
Binati naman si Eric dahil buntis ngayon ng kanyang misis.
“Nakaka-miss naman ang mga ‘to,” muling hirit ni Vice.
Marami ang nagtataka at nagtatanong sa pagkawala ni Billy sa noontime show.
Noong nakaraang buwan, sinabi ni Vhong Navarro na nag-leave si Billy sa programa upang i-enjoy ang bakasyon matapos ang kasal nila ni Coleen noong April.
Marami rin daw kailangang gawin si Billy kagaya ng musika at iba pang proyekto.
READ: Vhong Navarro, itinangging umalis na sa It's Showtime si Billy Crawford
Tiniyak din ni Vhong na walang isyu sa pag-leave ni Billy sa programa.
Taong 2016 naman nang ihayag ni Coleen na nagdesisyon siyang umalis sa It’s Showtime upang mag-focus sa kanyang acting career.
