PBB housemates mababawasan na naman

by Jocelyn Dimaculangan
Mar 20, 2007
Isang linggo lang nanatili sina Mikah Dizon ng Baguio at Jeremy Hidano ng Japan sa loob ng bahay ni Kuya.

Matapos ang tatlong linggong paghihintay ay nakumpleto na rin sa wakas ang listahan ng 14 housemates ng Pinoy Big Brother Season 2.

Sina Bodie Cruz at Maricris Dizon ang pinili ng taumbayan bilang 13th at 14th housemate ni Kuya.

Base sa final percentage scores na naitala noong Sabado ng gabi, nakakuha ng 39.33% of votes si Bodie, 25.08% naman ang nakuha ni Maricris, 24.13% kay Jeremy Legaspi, at 11.46% ang kay Mikah Dizon.

Agad na nagpaalam at lumabas ng Big Brother House sina Jeremy at Mikah na sinalubong naman ng kani-kanilang pamilya.

Samantala, isang araw pa lamang na nakukumpleto ang 14 housemates ni Kuya ay napipinto na naman silang mabawasan ng isa dahil kagabi ay naganap na ang kauna-unahang nomination night sa loob ng bahay ni Kuya.

Pero bago pa man maganap ang nasabing nominasyon ay may isa ng housemate na napatawan ng automatic nomination...si Kian.

Noong nakaraang linggo ay tinipon ni Big Brother ang anim na housemates na may pinakamatitinding violations-sina Bruce Quebral, Gee-Ann Abrahan, Jasmin Engracia, Nel Rapiz, Kian Kazemi, at Robert James Wood II na pinaglaro ni Big Brother ng card game.

Continue reading below ↓

Sa anim na violators, si Kian ang minalas na nakabunot ng card na may simbolo ng baril na katumbas ay automatic nomination kaya't wala na siyang nagawa kundi ang itanim sa kanyang isip ang importansya nang pagsunod sa batas ni Kuya.

Sa gitna ng patung-patong na tensyon ay napag-alaman na ang tatlo pang housemates na makakasama ni Kian sa bingit ng expulsion at ang mga ito ay sina Jasmin, Gee-Ann, at Beatriz.

Labindalawang housemates lamang ang sumali sa botohan kagabi dahil exempted muna ang 13th at 14th housemate na sina Bodie at Maricris.

Mula sa labindalawang housemates na sumali sa nominasyon, twelve points of nomination ang naitala kay Jasmin at tig-limang points naman ang nakuha nila Gee-Ann at Beatriz mula sa kanilang mga kasamahan.

Nagbukas na rin ang botohan para mailigtas ang housemate na karapat-dapat pang manatili sa bahay ni Kuya. Sa darating na Sabado, March 24, na ang kauna-unahang Pinoy Big Brother Season 2 Expulsion Night.

Continue reading below ↓
Read Next
Read More Stories About
Pinoy Big Brother, PBB
Featured
Latest Stories
Trending in Summit Media Network

Featured Searches:

Read the Story →
Isang linggo lang nanatili sina Mikah Dizon ng Baguio at Jeremy Hidano ng Japan sa loob ng bahay ni Kuya.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results