Carmina Villaroel: "Nakakita na ako ng tunay na lalaki na magmamahal sa akin."


Zoren Legaspi appeared with Carmina Villaroel on The Buzz to answer the Tough Ten questions posed by co-host Ruffa Gutierrez. Read more about the entertaining interview that took place between Ruffa's best friend and her ex-boyfriend.



Espesyal ang naging selebrasyon ng ika-sampung anibersaryo ng The Buzz last Sunday, June 21, dahil sinabay dito ang pagdiriwang ng kaarawan ng co-host ng show na si Ruffa Gutierrez. Isa sa pinaka-inabangan na segment ng palabas ang pagbisita ng mag-asawang Carmina Villaroel at Zoren Legaspi ang matitinding mga tanong ni Ruffa sa The Buzz Tough Ten.

For the first time, nagsama-sama sa isang stage sina Ruffa, Carmina at Zoren. Best friend ni Ruffa si Carmina, samantalang naging ex-boyfriend naman ni Ruffa si Zoren. Napuno nga ng tawanan at tuksuhan ang loob ng studio ng The Buzz dahil sa mga matitinding rebelasyon ng tatlo tungkol sa kanilang mga buhay at mga pangyayari sa nakaraan.

Talaga namang kinilig ang mga tao sa studio sa pagkikita nina Ruffa at Zoren. At natatawa naman sila sa mga reaksyon ni Carmina. Walang tigil din ang tilian habang nagaganap ang interview. Hindi pa man nagsisimula ang Tough Ten Questions ay ang haba na nang naging pag-uusap ng tatlo. Kaya naman ang dapat sana'y ten minutes na interview ay halos nadoble dahil sa tuluy-tuloy na tsikahan nila. Narito ang kabuuan ng nakakaaliw na interview ni Ruffa kina Carmina at Zoren sa The Buzz Tough Ten.


Ruffa: Please welcome Carmina Villaroel and Zoren Legaspi. Oras na ng aminan! Wow, ang sweet n'yo naman.

Carmina: Hello! Okay, Honey, you may kiss her. Wait, Happy Birthday! And happy anniversary to the The Buzz. Wait a minute, ang dami n'yo pa ring fans na dalawa!

Ruffa: Mawalang galang mare ha, siyempre yung mga fans kinikilig, hayaan mo na sila. Ten minutes lang naman.

Carmina: It's okay!

Zoren: Honey, ang number one fan namin, si Tita Annabelle [Rama]. Totoo yan.

Ruffa: Hoy friends na kayo. Teka, bago ako magtanong sa inyo tanungin ko muna si Zoren.

Carmina: Wait, sandali lang, it's so nice na magkasama tayong tatlo together. Kasi bilang hindi tayo pwedeng magkasama in the morning, at least sa hapon pwede.

(Matatandaan magkalaban ang morning shows ng GMA-7 na Sis, co-hosted by Carmina at ang ABS-CBN show na Ruffa & Ai.)

Ruffa: Oo, di ba?

Carmina: Okay, pwede ka nang magtanong.

Ruffa: Teka, [to Zoren] kasi di ba si Mommy, inaway-away ka noong araw. So, ngayon friends na kayo. Anong advise at pointers ang maibibigay sa mga boys na inaaway niya ngayon?

Carmina: Ay, I love that. Honey, sige, go!

Ruffa: Paano mo na-handle? Paano ba dapat i-handle si Annabelle Rama?

Zoren: Baka magalit ka e, [referring to Carmina].

Ruffa: Tatakpan na lang niya yung ears niya. Sabihin mo na yung totoo.

Zoren: Hindi, basta pag confident ka at maganda yung hangarin mo, there's nothing to fear, kahit si Tito Eddie [Gutierrez] pa yung humarap. Kasi kinukuwento ko nga kay Honey, bumawi e. Kinukuwento ko pag pinapagalitan ako, makikita pa rin niya ako the next day nasa bahay.

Ruffa: Oo nga, kahit inaaway siya ng Mommy ko, the next day pumupunta pa rin siya sa bahay.

Carmina: Medyo naging slight witness din naman ako nung time na kayo.

Ruffa: Ganun! Pero in fairness, ikaw talaga ang unang crush ni Zoren.

Carmina: Kaya nga tinuhog niya nga tayong tatlo. Wait, wait, wait, let me rephrase that. I'm so sorry Honey. Let me rephrase it. Nung time na kayo, hindi naman niya ako niligawan. Pero I'm sure crushy-crushy niya ako. And I think after that, na-partner na ako kay Jeffrey [Santos]. Ikaw [Zoren], na-partner ka naman kay Aiko [Melendez]. So, yun medyo na-link-link naman siya. Pero hindi naman naging kayo, di ba? O naging kayo?

Ruffa: Hindi! Di ba, hindi naging kayo? [to Zoren]

Carmina: Wait, anong sinabi niya sa iyo?

Ruffa: Hindi.

Carmina: A, okay. And then after that, naging kayo na.

Zoren: Kinikindatan ako o, pag nakatalikod ka. [to Carmina]

Ruffa: Oh my gosh, super saya ito. Sige umpisahan na natin. Ready na ba kayo sa Tough Ten?

Carmina: Teka, hindi pa ba nag-uumpisa? Okay, wait, nasa Tough Ten na tayo Honey!

Ruffa: Okay game.


Tough Ten Question Number 10: Paano n'yo nakukuha ang "pinakamatamis" at "pinakamaanghang" na oo ng isa't isa, pagdating sa lambingang mag-asawa? Papaano n'yo nilalambing ang isa't isa?

Carmina: Kinakalabit lang ako! (sabay tawa nang malakas)

Ruffa: Ang bumilis mo naman bumigay.

Carmina: Uy, wait lang, hindi naman ako nagigisin right away. Medyo... Honey, ikaw na lang nahihiya ako. Wait, number ten pa lang ba yun, parang number one na e. Honey, ikaw na.

Zoren: Ako isa lang, babalik ako kay Ruffa sige! [sagot na ikinatili ng malakas ni Ruffa at ng mga tao sa studio]. Bumibigay siya agad. Yun lang naman ang sinasabi ko, e.

Ruffa: Uy, huwag ka namang magselos girl. Joke lang yun!

Carmina: Alam mo ba? Alam mo mare, kanina sinabi niya sa akin, 'O Hon, mag-ingat ka sa mag sasabihin mo ha.' Baka mamaya daw kung ano... Oh my gosh, siya itong nagwa-one liner. Nakakaloka!

Ruffa: O yun nga nagkakalabitan kayo.

Carmina: Nagkakalabit-kalabitan kami. There certain na....

Zoren: Hindi, we know each other too well, para hindi na kailangan pang maglambing nung isa. Alam ko kaagad kung ano yung mga gusto niya. So, without saying anything. Without kalabit-kalabit, alam ko na kung ano yung kailangan niya.


Tough Ten Question Number 9:
Ano ang dahilan ng pinakahuling tampuhan o away ninyong dalawa?

Zoren: Huli? Si Ruffa, ikaw na naman! (sabay tawa ni Zoren)

Ruffa: Nakakaloka to! Yung totoo.

Zoren: Tampuhan o away... wala e, walang tampuhan.

Ruffa: Walang away o tampuhan... minsan kasi di ba over socks, toilet paper o mga gamit.

Carmina: Parang ganyan. Hindi kami nag-aaway.

Zoren: Bickering yung tawag mo, e.

Carmina: Sobra kaming bickering, pero hindi kami nag-aaway.

Ruffa: Kasi super OC ka daw?

Carmina: Super to death! Kulang na lang pati siya iligpit ko, alam mo yun. Buti nga nahahanap ko pa siya e. Pero wala kaming tampuhan. Meron kaming mga hindi napagkakasunduang bagay, pero never pang umabot sa point na, 'Hay, magkaaway tayo. Hindi kita papansinin.' Wala. Sobrang understanding kasi nito, dine-deadma lang niya ako.


Tough Ten Question Number 8: Mare, was there ever a time sa buong nine years n‘yo na magkasama kayo ni Zoren na pinagselosan mo ako? (tanong na talaga namang ikinahiyaw ng malakas ng mga tao)

Ruffa: Yun ang nakalagay dito ha.

Carmina: Honestly, wala talaga, mare. Sobrang wala because I don't know why. Actually, ayaw ngang maniwala ng mga tao. Kahit noong bago pa lang kami, never talagang dumating yung time na nagseselos ako sa iyo. Maybe because we're good friends. We're best friends. You know, kahit na we don't see each other everyday, hindi tayo magka-text everyday, na alam natin in our hearts na magkaibigan tayo.

Ruffa: Hindi, at saka hindi naman ako yung recent ex niya.

Carmina: Exactly, yun ang medyo.

Ruffa: My gosh, kasama ko lang siya kagabi ha. Hindi ako yung recent ex.

Carmina: Yeah, at siguro wala din namang reason on his part na magselos ako sa iyo. I don't know.

Ruffa: Sino ang mas madalas magselos sa inyong dalawa? Ikaw ba Zoren?

Carmina: Noong kayo ba, seloso siya?

Ruffa: Sobra. Hanggang ngayon ba?

Zoren: Seloso ba ako?

Ruffa: Yes you are.

Zoren: Oh, come on.

Carmina: Oh my gosh, buti na lang nagbago ka na.

Ruffa: [to Carmina] Ikaw ba nagseselos? Hindi?

Carmina: Nagseselos pero hindi ko ipinapakita. Yung parang ayoko ngang aminin na nagseselos ako. Parang ganun.

Ruffa: So, itinatago mo?

Carmina: Tinatago ko slight pero kung may reason lang. Pero wala naman kasi super good boy e. Meron siya, 'Di ba, honey ang pretty niya?' Even to you. Not for anything, di ba parang...

Ruffa: Nagagandahan siya sa akin.

Carmina: Nagagandahan siya sa iyo. Teka lang. Honey hindi kaya paguwi natin makikita mo yung sa akin yung mukha ni Ruffa kasi panay ang titig mo sa kanya?

Ruffa: Nakakaloka!


Tough Ten Question Number 7: Ano ang good at not-so-good traits na namana ng kids n'yo sa inyong dalawa?

Zoren: Yung lalaki, si Maverick, hindi ko alam kung bad or good yun. But yung pagiging malinis masyado ni Carmina, naman nung lalaki.

Ruffa: Wow! Good yun.

Carmina: Good yun! Good yun! Kasi may pagka-OC din yung son namin. Ngayon yung girl ko ang slight makalat. Si Cassey ang nagmana sa kanya. So, si Cassey... they're watching right now. Hello kids.

Ruffa: Nakakahiya naman sa kids, baka tuksuhin.

Carmina: Although hindi pa naman sila nakakaintindi masyado. Anyway yun. Tapos yung namana nila kay Zoren, yung talent nila sa pagdu-draw.

Ruffa: A, magaling ba siyang mag-draw? Bagong talent niya yun ha.

Carmina: Yeah. Ano ba ang ginagawa n'yo noon?

Ruffa: Grabe.


Tough Ten Question Number 6: Carmina, ano ang gawaing bahay kung saan siya panalo at kung saan siya palpak? Zoren, sagutin mo rin yun.

Carmina: Okay. Unahin ko yung hindi palpak. Mas okay siya sa kusina. Mas...pag nagugutom iyan, magluluto iyan mag-isa. Mag-e-experiment yan ng kung anu-anong noodles or whatever. Tapos pag may gusto siyang inumin na shake or whatever. Basta hindi siya tamad. Gagawa talaga siya ng paraan. Never siyang gugutumin. At saka never siyang mang-uutos. Hindi siya tamad, in short.

Ruffa: Yung kabaliktaran naman.

Carmina: Ah, yung palpak... I'm sorry honey ha. I'm just being honest. Pero ako na-accept ko an yun, e. Everytime na uuwi siya ng bahay, kunwari let's say maghuhubad siya ng shoes, yung suot niyang socks may trail. Yung isang medyas nandito, yung isnag medyas nandun. Yung sapatos nandito, ganun. Tapos makikita mo yung hamper, yung dirty clothes niya, nandito.

Ruffa: Hindi niya pinapasok sa loob?

Carmina: Hindi talaga. Sabi ko, 'Honey, di ba magaling kang mag-basketball? Di ba Honey, eto yung hamper. Ano ba naman yung ipasok mo dyan.' Oh my God.

Ruffa: Totoo ba yan?

Carmina: [To Zoren] Totoo, huwag kang mag-deny no! Tapos dun sa banyo, ang dami niyang pantalon, may walking shorts, may ganyan. Nakasampay lang doon. Ako kasi, o sige if you're gonna wear, sige iwan mo diyan. Kung hindi, ilalagay mo sa hamper. Kung hindi ako OC, inamag-amag na yan doon.


Tough Ten Question Number 5: Pag sinabi ng mga kambal n'yo...Tatay or Mom, gusto naming mag-artista, papayag ba kayo?

Zoren: D'yan may conflict talaga kami. Siya (Carmina), gusto niya matapos talaga yung school. Yung akin kasi, kung nandiyan yung opportunity, why not? Lalo na sa hirap ng buhay ngayon, ang daming graduates ngayon na, you know wala namang trabaho, sorry to say. Kaya yung opportunity kasi minsan lang dumdating yan sa individuals e. Kapag nandiyan yung opportunity... like what happened to you girls, bata pa lang kayo nag-artista. Look what you, you know, have accomplished.

Carmina: Ayun hindi kami nakatapos. (sabay tawa ng malakas)

Ruffa: May career naman tayo.

Zoren: Ang mga magulang kasi natsa-challenge na matapos sa pag-aaral yung mga bata. Well, if we can do both, why not?

Ruffa: Naku senyas kayo nang senyas [The Buzz staff], madaldal talaga kami. Anyway.


Tough Ten Question Number 4: Kapag tumitigas ang ulo ng mga bata, sino sa inyong dalawa ang bibigyan ng title na "The Punisher"?

Ruffa: Ikaw, di ba? (to Zoren) Ikaw yung disciplinarian.

Zoren: Ako na naman. Yeah actually. Kasi you have to. Pero recently, simula last year, I seldom spank them, kasi na-train ko na, e. Yun naman ang advice ko, once you train them, unti-unting makikita mo yung discipline na nasa puso na nila. And they know what to do already. Kagaya ngayon, wala na talaga kaming sakit ng ulo. Naghuhugas ng mga pinggan yun ha.

Carmina: Oo, kasi tine-train niya. Sasabihin niya, bring out your plate. There was a time, nakikita ko naghuhugas na sila ng pinggan.

Ruffa: Ah, yun ang maganda.


Tough Ten Question Number 3: One day kapag sinabi ng kambal n ‘yo, "Ma, Pa, in love na ako. We're so in love na." Anong comment n ‘yo?

Carmina: Oh my gosh!

Ruffa: Ay bakit? Hindi ba pinagdaanan natin yan?

Carmina: Oo nga, tipong you and me against the world ang drama ninyo, ganyan.

Ruffa: Uy, sungki ka pa rin ba? Kasi pag galit si Mommy, ang tawag sa iyo sungki.

Carmina: Ay hindi na siya sungki.

Zoren: Come on, wag na natin...

Carmina: Di ba may tawagan pa kayo dati, tangkad or something?

Ruffa: I can't remember. It was so long ago, e.

Carmina: Ano nga uli yung tanong?

Ruffa: Kapag ma-in love nga ang mga bagets?

Carmina: Next question please.

Ruffa: Ayaw n'yo pa?

Zoren: Oo... I don ‘t know. Mahirap sagutin e. Definitely, ako, susundan ko sila kahit mag-party. I'll be like your Mom.

Ruffa: Oh my, kawawa naman sila.


Tough Ten Question Number 2: Eto medyo seryoso, Zoren, kung may gusto kang sabihin sa Mommy ni Carmina, whose not with us anymore, puso sa puso ano ang sasabihin mo sa kanya?

Zoren: You know, there's a story, kasi nagte-taping tayo noon e. One time nagte-taping kami ni Carmina. And then parang I was hitting on her. Yung Mommy niya, 'Naku tigilan mo na yan ha, may Ruffa ka na.'

Ruffa: Ay, nakakaloka. Matagal na yun?

Zoren: Yeah, matagal na yun.

Ruffa: Ano tayo pa ba noon, when you were hitting on her?

Zoren: Ang dami mong boys e! Ang dami mong suitors.

Ruffa: Oh my gosh, nakakaloka ka!

Carmina: Ay, nabuking, nabuking ka, honey!

Zoren: E, kasi nga marami siyang suitors.

Ruffa: Hay naku... buti nga kay Carmina ka napunta.

Zoren: Anyway, ngayon naman without saying anything, you know, nakikita naman niya e na honest ako. Hindi ko siya niloloko. And I'm very true to my feelings. I'm pretty sure she's [Carmina's mom] smiling na sa wakas nakahanap ka ng...

Ruffa: ng lalaking magmamahal sa iyo.

Zoren: Hindi sa akin nangggaling yan, sa iyo. (sabay tawa nang malakas ni Zoren)

Carmina: Pwedeng dagdagan... isang tunay na lalaki na magmamahal sa iyo... (hindi pa natatapos magsalita si Carmina ay nag-react na nang husto ang mga tao sa studio kasabay nang pagtili ni Ruffa).

Ruffa: Oh my gosh! Oh my gosh! Correct... correct... correct.

Carmina: Sandali lang hindi pa ako tapos. Isang tunay na lalaki na tunay na nagmamahal sa iyo.

Ruffa: Nakuha na namin, okay.


Tough Ten Question Number 1: In the nine years na nagsama kayo, honestly, was there ever a time in your life that you gave up on each other?

Carmina: Never... wala, wala. Wala talaga kasi noong when I got pregnant, wala naman akong sinabi sa kanya na kailangan ito ang gawin mo, ganyan-ganyan. Parang...hindi na nga naming kailangang magsalita, hindi na naming kailangang sabihin na ganito, ganito ang gawin natin, ganyan. But since nangyari yung araw na yun, until this very day, wala talaga kaming major fight, as in wala kaming problema, wala kaming gulo.

Kaya kung anuman yung lumalabas in the past na kesyo daw nagkahiwalay kami. Na ako yung ganito, siya yung ganyan. Pinagtatawanan lang talaga namin kasi talagang super impossible. Luka-luka ka na lang kung aawayin mo pa siya sa sobrang bait niya. He's really a nice guy. Super nice niya. I can't ask for anything more. He's such a nice guy and very good father to our kids. Nakikita ko na yung puntong kinukuwestiyon ko na yung pagiging mommy ko in a way, sa sobrang galing niya. Parang close to perfection. I can't ask for anything more.

Ruffa: O, ang sweet naman.

Carmina: Wala akong problema sa iyo, honey. Yun nga lang makalat ka pero still natanggap ko na yun. So, wala talaga. Ikaw ano ang gusto mong i-contribute? Baka gusto mo akong purihin ng konti.

Zoren; Kasi minsan... alam mo naman sa showbiz, e, sometimes we have work, sometimes you don't. May mga months na wala kang work. May mga months naman na super work ka naman. Sa schedule ni Carmina, seldom sa kanya yung bakante. So, I told my self na kailangan kong panindigan yung trabaho ng nanay sa bahay. Dahil wala si Carmina, so ako ang kailangang tumayo dun bilang nanay, at the same time bilang tatay. So, pinanindigan ko na yun.

Ruffa: Well, you're doing a good job, both of you.

Carmina: Let me just add. Maganda rin kay Zoren, wala siyang insecurities sa katawan niya. Hindi siya yung, ano naman ngayon kung nasa bahay ako? Bakit ako ang mag-aalaga? Unlike other guys na masakit na masakit na sa ego nila na hindi pwede, ganyan-ganyan. Di ba, hindi naman talaga natin masasabi. You know our work, wala talagang assurance yung ganyan. [Sabay nagpalakpakan ang audience at nag-I love you kay Zoren] Ay naku, mahal na natin siyang lahat.

Ruffa: Thank you very much for being so honest. This is your first time sa The Buzz, Zoren?

Zoren: Yeah, first time.

Carmina: Ako, second time na.

Ruffa: Uy, balik naman kayo next time. Marami pa akong gustong itanong e, wala na lang time.

At sumigaw na ang audience ng kiss para kina Carmina at Zoren.

Carmina: Ako, honey, never akong mapapagod, never akong magiging tamad na pagsilbihan ka. Anything, I will do anything for you and the kids. I love you, honey.

Zoren: Thank you. I love you too.

Sa huli nag-kiss din sina Carmina at Zoren.



ADVERTISEMENT - CONTINUE READING BELOW


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN