Bangkok, Thailand.—Going smooth ang taping ng GMA-7 primetime action-adventure series na Asian Treasures dito sa Thailand.
Kinunan
muna ang mga eksena sa Chiang Mai habang hinihintay ang permit ng Thai
Film Board para makapag-shooting sa Bangkok temples.
Maghapon na nag-taping sa Muay Thai Institute sa Rangsit, Bangkok ang lead stars ng Asian Treasures na sina Robin Padilla, Angel Locsin, Marvin Agustin, at Diana Zubiri.
Nakita namin sa Muay Thai Institute ang dalawang anak na babae ni Robin at kasama nila ang ina ng aktor na si Eva Cariño. Tatlong buwan nang mamamalagi sa Bangkok ang mga anak ni Robin dahil nag-aaral sila ng Muay Thai.
Ipinakita
sa amin ni Robin ang short article with photo ng kanyang anak na si
Queenie na lumabas sa isang diyaryo rito sa Thailand. Nakalagay sa
artikulo na anak si Queenie ng isang sikat na action star sa Pilipinas,
pero wala siyang plano na mag-artista. Mas gusto raw niya na maging
eksperto sa Muay Thai, ang number one martial arts sa Thailand.
Walang taping kahapon, March 20, ang Asian Treasures kaya ipinasundo ni Robin ang kanyang mga anak para magkasama sila. Nakatira ang ina at mga anak ni Robin sa isang hotel na malapit lamang sa martial arts school na pinapasukan nila.
