Nag-text personally sa amin si Ms. Terra Daffon, the Corporate Affairs Head of ABC-5. Nabasa niya raw kasi hindi lang dito sa PEP (Philippine Entertainment Portal) ang isinulat naming pagka-delay ng pinakabagong game show on television na Slingo and the possibility na baka hindi na rin ito ipalabas sa ABC-5 at sa ibang station na lang.
"Per the latest program advisory, Slingo will launch on ABC on May 5. It's a co-production of ABC and Mojo Media Works which is handling its own publicity. I believe there was supposed to have been an off-TV preview last March 24, but this has to be cancelled because per the programming division, Mojo has not yet secured the necessary permits from PAGCOR," sabi ni Ms. Daffon sa text message niya.
Totoo rin palang wala pang final agreement in writing between ABC-5 and Mojo na ma-air ang Slingo sa naturang TV station during the press con kung kaya't walang head from the said TV station na dumating that time.
This is the reason kung bakit ayon sa nakausap namin, naghahanap sila ng ibang station na possibly ay RPN-9. Nauna kasing magpa-press con ang Slingo na ipalalabas nga raw sa ABC before the production finalized the deal with the station. When no ABC executives appeared at the press con, some insiders presumed na baka hindi natuloy ang deal.
Pagtatapos ni Ms. Terra in her text, "Too bad kasi nagpa-press con na sila at maraming lumabas na publicities. Pero tuloy na daw sa May 5."
Note na may "daw" pa rin ang statement ng ABC-5 head.