Brazilian Fabio Ide exerts effort in perfecting his Tagalog for his shows in GMA-7


"Nabigyan ako ng marami ’tsaka bagong opportunities dito sa GMA. So I’m just trying to maximize these opportunities and do my best as an artist. Kasi di ba, Hindi ako po Filipino? But I’m really doing my best make an effort to learn the language, to speak Tagalog," says Fabio Ide.


Sabi ni Fabio Ide, isang taon at tatlong buwan na raw siyang namamalagi sa Pilipinas.

Pero sa galing nang mag-Tagalog ng Brazilian model turned TV personality, magdududa ang kahit na sinong makausap nito na gano’n pa lang siya kaikling panahon na nananatili sa ating bansa.

Sa pakikipanayam ng PEP.ph (Philippine Entertainment Portal) kay Fabio sa presscon ng Andres de Saya noong April 19, Huwebes, sa Studio 6 ng GMA-7, sinabi nitong wala namang masyadong pagkakaiba ang Brazilian Portuguese sa wikang Pilipino.

"Medyo pareho yung Portuguese ’tsaka yung Spanish sa Tagalog," pahayag ng 24-year-old Brazilian.

"Like kanina, I was writing in Twitter. Pagkatapos ng 24 Oras... Oras is O-r-a-s, and then I twitted ’Oras’ with an ’H.’

"And then somebody corrected me on Twitter. ’It’s not Oras with an H.’"

Banggit pa ni Fabio baka raw kasi masyadong marami nang information at lengguwaheng naka-store na sa utak niya.

Bukod kasi sa Portuguese at Tagalog, marunong din si Fabio ng English, Spanish, at konting Japanese.

"So, minsan, I get confused kasi maraming information," paghingi pa ng paumanhin ni Fabio.

Pero pagdating naman daw sa mga linya niya sa script, katulad na lang sa pagganap niya sa Andres de Saya bilang Victor del Toro, wala naman daw problema.

"You just have to memorize, study, practice with my teacher so by the time I come to the taping, I’m 100 percent ready."

Nakakaisang taping pa lang daw siya para sa TV show na ipapalabas na sa May 28, Sabado.

Sa 4th episode pa ang labas ng character niya na Brazilian na may-ari ng club na pinagtatrabahuan ng bidang lalaking si Cesar Montano bilang bouncer.

"Okey naman yung lines ko, medyo Taglish," sabi ni Fabio tungkol sa pagganap niya sa show.

"Kasi meron naman akong teacher na nagtuturo sa akin ng Tagalog, dalawang beses sa isang linggo.

ADVERTISEMENT - CONTINUE READING BELOW

"So, bago yung taping ko, pumunta siya sa bahay ko para mag-aral o mag-usap ng Tagalog. Para yung deliver ko, eksakto, di ba? So, for now, okay naman pero I don’t know.

"I just have to memorize my lines and try to get the Filipino intonation. Para mas natural yung deliver ko."

Malaki ang pasasalamat ni Fabio sa mga breaks na ibinibigay sa kanya ng GMA-7.

Matapos ang Yaman ni Lola at Dwarfina, heto na agad at kasama na siya sa Andres de Saya. Kasama pa rin siya sa Comedy Bar nina Eugene Domingo at Allan K.

"Maybe after [this show], they’re gonna give me more and more and more," nakangiting sabi ni Fabio.

Focused na focused nga raw siya sa kanyang career ngayon na wala na siyang panahon para sa pag-ibig.

"I’m really focused, like sobrang focused ako talaga

"Nabigyan ako ng marami ’tsaka bagong opportunities dito sa GMA. So I’m just trying to maximize these opportunities and do my best as an artist.

"Kasi di ba, Hindi ako po Filipino? But I’m really doing my best make an effort to learn the language, to speak Tagalog."

Dahil nga sa mga trabaho niya rito sa Pilipinas, wala pa raw sa plano niya ang pagbakasyon muna sa Brazil.

Kaya ang mangyayari raw, ang ama’t ina niya ang pupunta sa Pilipinas para dalawin siya sa August.

Excited na nga raw siyang dalhin ang mga ito sa mga shows at tapings niya at ipakilala ang mga ito sa lahat ng mga kaibigan na niya rito.

"It will be my pleasure to maybe bring them to the taping or to bring them to one of my shows," ani Fabio.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN