Toni Gonzaga on Zanjoe Marudo: "Para siyang maginoo pero bastos."

by Nerisa Almo
Mar 27, 2007
Toni Gonzaga and Zanjoe Marudo will team up again to add heat in Love Spell this summer season.



Halos pareho ang naging tanong kina Toni Gonzaga at Zanjoe Marudo nang kausapin sila ng entertainment press sa press con ng Love Spell sa ABS-CBN Compound kahapon, March 26.

Tanong ng media, "Bakit sa tingin ninyo nag-click kayo?"

Ayon sa paglalarawan ni Toni, "Siguro, I think 'yong pagiging natural namin sa isa't isa. Siya [Zanjoe] 'yong tipo kasi ng tao na nagje-jell sa akin, parang same wavelength. Kapag nag-uusap, nage-gets niya 'yong joke ko."

Dagdag pa ng TV-host/actress, "Masarap katrabaho si Zanjoe kasi kumportable na kami sa isa't isa at saka magaan lang siyang katrabaho. Wala siyang pretensions. Kung ano lang siya, ‘yon lang ang pinapakita niya sa tao. Basta iba si Zanjoe."

Matatandaan na unang nagkasama sina Toni at Zanjoe sa pelikulang You Got Me, kung saan kasama rin si Sam Milby, na ipinalabas noong Pebrero. At ngayon ay muli na naman silang magtatambal para sa Love Spell na pinamagatang "Barbi-cute."

Continue reading below ↓

Dahil sa paglalarawan ni Toni ng samahan nila ni Zanjoe, 'di naiwasang maitanong kung sino sa mga naging ka-partner niya—Luis Manzano, Sam Milby at Zanjoe—ang mas mahusay na ka-loveteam.

Ngunit tila nahirapan si Toni na sagutin ang tanong kung kaya't ang tanging nasabi niya ay, "Mahirap i-compare kasi may kanya-kanya silang strengths and weaknesses."

Gayunman, masasabi pa ring mas nagugustuhan ni Toni ang pagtatambalan nila ng dating Pinoy Big Brother Celebrity Edition housemate na si Zanjoe.

Samantala, hindi naman nakasagot si Toni nang tanungin siya ng press kung nililigawan siya ni Zanjoe.

Ayon sa kanya, "Itong si Zanjoe, magaling ito, e. Hindi mo mababasa kung ano ang nasa isip niya, kung ano ang nasa utak niya. Parang walang pakialam lagi sa lahat. Mysterious itong si Zanjoe. Parang lagi ka niyang pag-iisipin kung anong iniisip niya. Parang pag-iisipin ka niya kung gusto ka niya o hindi ka ba niya gusto."

Gayunman, kung mayroon man siyang nagustuhan sa ugali ni Zanjoe, ito ay ang pagiging natural nito. Sa katunayan, sa paglalarawan ni Toni, "Masarap kausap si Zanjoe, totoong tao lang, wala siyang pretensions. Hindi nambobola, straight to the point. Ganun makipag-usap ‘yon, para siyang maginoo pero bastos."

Continue reading below ↓
Read Next
Featured
Latest Stories
Trending in Summit Media Network

Featured Searches:

Read the Story →
Toni Gonzaga and Zanjoe Marudo will team up again to add heat in Love Spell this summer season.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results