Chynna Ortaleza at Hong Kong's Disneyland!

Nov 8, 2007


Bago mag-Halloween, nakapag-spend na ng four days and three nights ang Kapuso star na si Chynna Ortaleza sa Hong Kong Disneyland kasama ang kanyang mommy na si Ms. Leah Ortaleza, niece Zoie Ortaleza at real-life boyrfriend na si Railey Valeroso.


Ayon kay Chynna, ito ang maiko-konsider niyang first vacation niyang talaga ever since na pumasok siya ng showbiz. At siyempre pa, travel ito na hindi naman associated sa work. Treat na rin daw niya ito sa kanyang pamangkin na si Zoie na basically, tuwing bakasyon lang sa eskuwelahan nila nakakasama since sa Cebu ito naka-base.


"'Yung Hong Kong Disneyland lang talaga ang gusto kong puntahan kasi, everytime na nagpupunta ako ng Hongkong, palaging wala ng time para makaikot sa Disney. Ayoko naman ng bitin. So, nang magkaroon ng time, nag-decide na kami ng mama ko na ituloy na yung bakasyon since wala rin pasok yung pamangkin ko sa school," sabi ni Chynna.


A day before na nga lang daw na-confirm na okey na silang umalis dahil hindi rin daw nila akalaing mahirap palang umalis na may kasamang seven-year-old na bata, na hindi kasama ang isa man sa parents nito. So, marami pa raw papers na inayos at isinumite certifying na may consent ng mommy ni Zoie, na kapatid ng mommy ni Chynna, sa pagsama ng anak sa huli.

Continue reading below ↓

With Railey naman, since hindi pa rin daw ito nakakapasyal sa Hong Kong Disneyland kaya nang malamang matutuloy na ang pagpunta ni Chynna rito, nagdesisyon na rin na sumama sa kanila.


Super enjoy raw silang lahat sa naturang pagbabakasyon dahil for two days, talagang ini-spend lang daw nila ito sa Disneyland at dedma na sa ibang tourist attractions ng Hong Kong.

Aliw na aliw rin si Chynna na super fan ng mga vampires because of the movie and the book, Interview with the Vampire, at natapat na Halloween sila nagpunta ng Disney. Added attraction kasi ang sine-celebrate na Halloween season kaya naabutan at napanood pa raw nila ang bonggang parade sa gabi, lalo pa nga't sa mismong hotel sa may Disneyland sila nag-stay.


Kuwento pa ni Chynna na natatawa, nagulat daw si Railey nang makita siyang umiiyak. "Iniyakan ko talaga si Jack Skellington! Paano nang ako na ang magpa-picture, bigla siyang umalis, kasi, kailangan na raw sa parade. Naawa yata sa akin yung taga-Disney at sinabing babalik pa rin naman. So, by the next day, hindi talaga ako pumayag na walang picture with Jack Skellington and Sally."


Aside sa two days sa Disney, puro shopping lang daw ang ginawa nilang lahat sa Hong Kong na hindi niya magawa talaga tuwing work-related ang ipinupunta niya rito. Her online business na Stellar sa multiply account niya ay pansamantalang nag-holiday din daw for four days dahil pareho silang wala ng mommy niya at wala ring mag-asikasong sumagot sa mga inquiries and orders.


Pagbalik naman daw niya ay nagsimula na rin daw siya ng taping for her newest soap opera, ang La Vendetta, kung saan lalabas ang character ni Chynna sa pangatlong week.

Continue reading below ↓
Read Next
Featured
Latest Stories
Trending in Summit Media Network

Featured Searches:

Read the Story →
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results