Jessa Zaragoza on Rufa Mae: "Hindi ko po siya naging best friend."

IMAGE 0


"Hindi seryoso, hindi boyfriend-girlfriend,exclusive. So, ganun ang kanilang relasyon noon," Jessa Zaragosa said about the real deal between her husband Dingdong Avanzado and Rufa Mae Quinto in the past.


Sa isang ekslusibo at eksplosibong phone interview na ipinagkaloob niyasa The Buzz kahapon, February 3, binuweltahan ni Jessa Zaragosa ang mga sinabi ni Rufa Mae Quinto sa YES!magazine.

Pero bago magbitiw ng maaanghang na salita si Jessaay nagpasintabi muna siya sa manager ni Rufa Mae na si Boy Abunda, na kasama ninaRuffa Gutierrez at Cristy Fermin bilang host ng The Buzz.

"Bago ako mag-react, bago ko sagutin ang tanong ninyo,unang-una gusto ko pong...Nagpapasalamat ako sa The Buzz dahil binigyanninyo ako ng pagkakataon para makapag-explain. Kasi po malayo po ako at ito lang ang wayko para maiparating ang aking eksplanasyon.

"Pangungunahan ko na rin po kay Tito Boy, ‘Tito Boy, gustoko na po kayong pangunahan ng pasensya po dahil maaari po kayong masaktan samga sasabihin ko dahil kayo po angmanager ni Rufa Mae Quinto. Nagpapakatotoo lang ako," ang panimula ng misis ni Dingdong.

Hindi na napigilan si Jessa na magtuluy-tuloy sa pagpapaliwanag.

"Kaya rin ako nag-react nang ganito at nagsalita nang ganito, nakarating po sa akin at nabasa ko pa mismo yung article. Okey lang po angtell-all, wala po akong problema doon basta base on facts. Pero ano po, e,marami pong lies about me and Dingdong na sinabi po siya dito.

"Eight years ago noong nagsalita siya sa The Buzz,hinayaan lang po namin, hindi na ponamin kinorek itong mga kasinungalingan niya. This time, hinihingi po ngpagkakataon na ikorek ko po itong mgalies na ito," ang sabi niya sa boses na 'di natitinag.

JESSA'S REVELATION. "Una, nung mga panahon na yun, wala pong inagawan, wala pongnang-agaw at wala rin po akong sinirang relasyon nila ni Dingdong noon.

"Kasi po unang-una, hindi po siya girlfriend ni DingdongAvanzado. Uhm... kasi ang hirap umisip o magsabi ng disenteng salita kung paanoko pong mailalarawan ang relasyon nila ni Dindong. We were just going out,"pahayag ni Jessa.

ADVERTISEMENT - CONTINUE READING BELOW

Nabalita noon na may isang lalaki raw na pumasok sa buhay niRufa Mae na siyang naging dahilan ng hiwalayan nila ni Dingdong.

"Ah, actually, nahuli siya ni Dingdong. Kasi noong lumalabas pa sila ni Dingdong, nahuli siyani Dingdong fishing other men aside from Dingdong. Nahuli siya ni Dingdong, nag-iiyak siya, syempre na-touch ang kanyangpride. But after that kahit nahuli na siya, nagkikita pa rin sila. Lumalabas parin sila. So, ganun ang set-up nila. Hindi seryoso, hindi boyfriend-girlfriend,exclusive. So, ganun ang kanilang relasyon noon."

Itinanggi naman ni Jessa na nahuli ni Dingdongsi Rufa Mae na may kasiping na ibang lalaki.

"Ang nangyari, pumunta si Dingdong sa bahay ni Rufa Mae.Ayaw po siyang pagbuksan ng pinto. Hindi ko po masabi kung pinto ng kuwarto opinto ng bahay, hanggang sa ayun nga, iyak siya nang iyak hanggang sa nag-usapsila ni Dingdong. Inamin po niya kay Dingdong yung lalaki, kung sino po yunglalaking yun," ang sabi ng singer.

Humingi ng clue ang host ng The Buzz na si Cristy Fermin kungang lalaking tinutukoy ba niya ay pogi?

"Opo, isa siyang aktor at politician pero ayoko na pongmagbigay ng names kasi lalaki pa po, e," ang mabilis na sagot ni Jessa.

Tinanong naman ni Boy si Jessa kung paano niya ilalarawan ang naging kaugnayan ni Rufa Mae noon sa kanyang asawa.

"Ah, ang hirap po kasing magsalita, Tito Boy, lalo na't nasanational television po ako, ‘no? Siguro read between the lines na lang, paanosiya seseryosohin ng isang lalaki kung siya ay nanlalalake."

Sinabi rin ni Jessa na hindi siya galit na galit kay Rufa Mae. Ang reaksiyon niya ay para sa kapakanan ng kanyang anak.

"Masama po ang loob ko kasi inatake niya po kami, e. Inatakeniya ang pamilya ko at kaya ako nagsasalita ng ganito, hindi lang po para sapamilya ko, hindi po para sa relasyon namin ni Dingdong, ito po ay para sa kapakakanan ng anak ko. Itong sasabihin ko,hindi niya [Rufa Mae] maiintindihan dahil hindi siya isang ina, hindi siya ina.

ADVERTISEMENT - CONTINUE READING BELOW

"Ang anak po namin four years old. Dalawang taon na lang‘yan magiging six years old na ‘yan. Makakabasa, makakasulat na ‘yan. Malalamanna niya kung ano yung mga nasa pahayagan, nasa Internet. Ayoko po, bilang magulang, [na]balang araw tatanungin po ako ng anak ko,‘Mom, is it true na inagaw mo si Daddy dito sa babaeng ito at meron kang inagrabyadong tao?' Hindi mo maiintinidhan‘yan kung bakit ako nagre-react ng ganito kasi hindi ka isang ina.

Sinabi pa ng dating Phenomenal Diva na hindi niya puwedeng pabayaan na lang ang diumano'y maling istorya ni Rufa Mae.

Maaanghang ang mga salitang lumabas mula sa kanya: "Okey na po sana, e. Nangarir po ako, e. Hindi ko pokailangan ang ganitong isyu na ito. Okey na po sana kung facts ang sinabi niyasa tell-all. Kaya lang po ang feeling ko rito iba na ang situwasyon ngayon. It'sabout time I have to set the record straight.

"Ah, gusto ko lang pong sabihin, eight years ago hinayaan nalang po namin ni Dingdong, nagparaya nga po kami. Kumbaga, nilunok na lang ponamin yung accusations sa amin ng mga tao na nanloko kami, niloko namin siRufa Mae.

"In fact, noong lumabas po siya noon sa The Buzz, sa TheBuzz po nagsimula ‘yan, e, noong umiyak-iyak siya. Hindi po namin itonasabi noon na nag-text siya, tumawag siya kay Dingdong at sinabi niya nahumanda kayo, panoorin ninyo ako't abangan ninyo ang mga sasabihin ko.

"Nagwagi po siya samga intrigang yun. Gusto ko po sabihin na wala po kaming ginagawang...hinding-hindi po namin siya niloko and,excuse me po, hindi ko siya best friend."

Sa sinasabing tell-all interview ay binanggit kasi ng sexy comedienne na dati silang mag-best friend ni Jessa.

"Nagkasama lang kami sa pelikula sa Viva pero after thathindi po ganoon ka-close ang aming relasyon katulad ng sinasabi niya. Ang hirapkasi dito, lalo na sa article niya sa YES! magazine, maglalabas siya ngkatotohanan tapos susundot ng kasinungalingan.

ADVERTISEMENT - CONTINUE READING BELOW

"Ang totoo po, tumawag ‘yan. Tumawag po talaga ‘yan sa akindati. Pero ganito po yun, ang sinabi niya sa akin, ‘Jessa, alam ko nililigawanka ni Dingdong. Alam ko gusto ka ni Dingdong. Nakikiusap ako sa ‘yo puwede basaktan mo si Dingdong, bastedin mo kasi nahuli niya ako, e. Gusto ko langmakaganti.'

"Ang feeling ko po doon, 'bakit ko naman susundin?' Sino ka bapara sundin kita? At feeling ko, bakit ko naman susundin yung masamangintensiyon ng taong ito sa taong may magandang intensiyon sa akin. Well, I don't owe anexplanation to anybody, lalo na sa kanyakung mahalin ko man o tanggapin si Dingdong."

Sa gitna ng isyung ito, mas pinili raw ni Dingdong angmanahimik, "Kasi 'di ba lalaki siya? Kapag sumagot siya, napaka-ungentleman ng dating, katulad ng nangyari before. Peromagsasalita rin si Dingdong sa tamang panahon."

Pagkatapos ng kanyang mga pahayag ay nagbigay ng mensahe si Jessa sa mga manonoodat kay Rufa Mae.

"Uhm...ang mensahe ko, ako po, nasa Amerika na ako. Kamini Dingdong nananahimik dito. Purotrabaho na ang inaatupag namin. Walang isyu. Hindi ko kailangan ang isyu na ito. Nagsasalita lang po ako dahilpara sa pamilya ko at para sa kapakananng anak ko. Dahil karapatan nganak ko na malaman ang katotohanan, lalona kapag lumaki siya, at karapatan din ng buong mundo na malaman kung ano ang totoo."

At para naman kay Rufa Mae: "Nalulungkot ako para sa ‘yo. Dahil ngayon hilung-hilo ka sakatanyagan mo. Akala mo na you can get away with anything. May katapusan ‘yan.‘Yang kasikatan mo, ‘yang katanyagan mo, kayamanan mo, hindi mo madadala sahukay. Nalulungkot ako para sa 'yo dahil ang integridad at katotohanan, wala kanoon," pagtatapos ni Jessa.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN