Gabby Concepcion wants to begin movie with GMA Films so he can start film with Star Cinema

by Julie E. Bonifacio
Jun 14, 2008
"Kung siya, kung si Marian [Rivera] ang kukunin, wala rin siyang oras. So, paano namin isisingit? Kaya dapat pag-usapan talaga. Kaya nahihirapan din because of the schedule," says Gabby Concepcion about his movie with GMA Films.

Biglang nagpatawag ng pocket interview ang manager ni Gabby Concepcion na si Mrs. Rose Flaminiano para sa aktor kahapon, June 13, sa Steak Plus Coffee Shop sa Timog Avenue, Quezon City. Na-cancel kasi kahapon ang taping ni Gabby para sa teleseryeng ginagawa niya para sa ABS-CBN kasama si Claudine Barretto, ang Iisa Pa Lamang. May biglaan daw kasing changes sa production kaya na-cancel ang taping.

Ibinalita naman ni Gabby na nakatakda siyang umalis ng bansa sa August para sa ilang shows.

"May show kami sa Florida on August, may show kami sa Europe, may show sa Canada. Ang dami-dami kong schedule, hindi ko alam kung saan ko isisingit. So, importante kasi na ma-schedule yun ahead of time kasi kapag nag-umpisa na ang Iisa Pa Lamang, sunud-sunod yun.

"So in reality, I only have Tuesdays, Thursday, Saturdays, and Sunday to do anything. So, kung merong shows abroad it only has two days. Alis kami ng Friday kung makakaalis ng night, Saturday, Sunday," lahad ni Gabby sa PEP (Philippine Entertainment Portal).

Continue reading below ↓

MOVIE WITH GMA FILMS. Paano na ang gagawin niyang movie ng GMA Films kung saan pagsasamahan daw nila ni Marian Rivera?

"Kaya nga, e, choosy nga yung kay Marian [Rivera], e. Wala siyang masingitan na oras," medyo nadulas na sabi ng aktor.

Dagdag niya, "Kung siya, kung si Marian ang kukunin, wala rin siyang oras. So, paano namin isisingit? Kaya dapat pag-usapan talaga. Kaya nahihirapan din because of the schedule."

Kung matutuloy ang pelikula niya with GMA Films, next year na makakagawa ng pelikula si Gabby para naman sa Star Cinema.

"Sana nga matapos agad, pero hindi makakuha ng schedule sa mga artista. Ang gusto na lang ni partner [Mommy Rose] nga, e, yung naririnig ko si Iza or si Marian. Hirap, ‘no? Marami silang sinasabi, pero hindi ko rin maano," nalilitong sagot ni Gabby.

HOUSE IN TAGAYTAY. Naikuwento rin ni Gabby na naghahanap na raw siya ng mabibiling bahay rito sa Pilipinas. Mas gusto ni Gabby na bumili ng bahay somewhere in Tagaytay dahil malamig daw dun. Gusto rin daw niya ay open field dahil gusto niya itong gawing farm at the same time.

Continue reading below ↓

"Gusto ko na parang rest house na maraming puno, manggahan, ganun," aniya.

So, ibig bang sabihin nito ay nagdedesisyon na siyang mag-settle na sa Pinas for good?

"Sa ngayon, hindi ko pa iniisip yun," sagot niya. "Pero in the meantime, habang nandidito ako, siyempre hindi naman ako nandirito lang na hindi mag-e-enjoy, gusto ko naman na may quality time rin ako habang nandirito ako. Saka investment din ‘yan, after five years, iba na ang presyo niyan."

LAST TALK WITH DABOY. Kinumusta naman namin si Gabby sa libing ng aktor na si Rudy Fernandez noong Huwebes, June 12. Nabanggit ni Gabby na dinalaw rin niya si Rudy sa hospital noong nabubuhay pa ang aktor.

"Wala na akong ginawa kundi magpasalamat kay Daboy sa tuwing nagkikita kami. Kung hindi dahil kay Daboy at LT [Lorna Tolentino], hindi kami magkikita ni Mommy Rose. Siya [Daboy] ang nagpakilala sa akin noong October 2007 sa Hawaii."

Continue reading below ↓

Doon na raw nagsimula ang pag-uusap nila ni Mommy Rose hanggang sa heto na nga siya ngayon, naririto nang muli sa Pinas.

Tandang-tanda pa raw ni Gabby ang sinabi sa kanya ni Daboy nang dalawin niya ito sa hospital without knowing na yun na pala ang huling pag-uusap nila.

"Sabi niya, ‘Pare hindi, huwag kang magpasalamat sa akin, destiny mo ‘yan.' Yun ang sabi niya sa akin at hindi ko makakalimutan ‘yun," kuwento ni Gabby.

RECONCILIATION. Naitanong din ng PEP sa kanya ang tungkol sa naikuwento ni Mommy Rose na plano ng The Buzz na pagbatiin sila ni Jobert Sucaldito this Sunday. Sabi ni Gabby, hindi raw niya alam ang plano na yun dahil hindi naman daw sila nagkakausap ng Channel 2 hinggil sa bagay na ‘yan.

Sa pagkakaalam namin ay bati na sila ni Jobert, bakit magbabati ulit sila?

"Hindi ko rin alam," saad ni Gabby. "Marami pa rin akong hindi naiintindihan sa showbiz. Although matagal na rin ako sa showbiz, matagal din akong nawala pero hanggang ngayon, marami pa ring mystery."

Continue reading below ↓

AVOIDING SHARON QUESTIONS. Hindi rin puwedeng hindi maitanong sa kanya ang dating asawang si Sharon Cuneta. Tinanong namin siya kung napanood na ba niya ang Caregiver na pinagbibidahan ng Megastar. Sabi niya, hindi pa raw at nakita lang daw niya ang trailer.


Totoo bang ayaw na niyang pag-usapan si Sharon?

"Hindi kasi, di ba, sabi nga ni Sharon, no more Gabby questions? Kasi baka sabihin ng tao, ginagamit, ganyan. So, pareho rin ako, ayoko namang sabihin ng tao na ginagamit ko siya. Kaya as much as possible, ayoko nang magsalita ng kahit ano kasi lalaki lang."

Pero hindi naman puwedeng mawala ang connection nila sa isa't isa simply because they have a lovely daughter, si KC Concepcion.

"Ay, oo, never. Never forever. Kaya nga nagpo-promote rin ako ng movie niya. Kapag ini-interview ako sa TV, biglang tatanungin yun, sasabihin ko, ‘Ay, oo nga pala, manood kayo ng ano ha?' Pinu-promote ko rin.' I'm a silent supporter," pahayag niya.

Continue reading below ↓

KC & RICHARD. Nabanggit na rin lang si KC, ano ang reaksiyon niya sa balitang boyfriend na ni KC ang young actor na Richard Gutierrez.

"Ganun?" tawa ni Gabby. "Ewan ko. Nagkita naman kami ni Richard kagabi [June 12], hindi naman niya ako tinawag na Dad," sabi niya na hindi mawari kung nagbibiro o seryoso ba si Gabby.

Read Next
Featured
Latest Stories
Trending in Summit Media Network

Featured Searches:

Read the Story →
"Kung siya, kung si Marian [Rivera] ang kukunin, wala rin siyang oras. So, paano namin isisingit? Kaya dapat pag-usapan talaga. Kaya nahihirapan din because of the schedule," says Gabby Concepcion about his movie with GMA Films.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results