Patrick Garcia leaves for U.S. to stay away from intrigues

by Julie E. Bonifacio
Jun 16, 2008
The soon-to-be dad made a wish last Father's day: To be given the chance to be a dad to Jennylyn's baby.

Umalis na patungong Amerika ang aktor na si Patrick Garcia. Habang siya ay nasa airport, nagpaunlak ng exclusive interview ang aktor sa The Buzz kahapon, June 16, bago siya lumipad.

Naikuwento niya na bago pumunta ng Amerika ay nagbakasyon muna siya sa Macau, kasama ang sister niyang si Cheska Garcia.

"May dad was in Macau and I was supposed to be with him. We followed the following week," lahad ni Patrick sa Sunday showbiz talk show ng ABS-CBN.

Ang pag-alis niya sa bansa ay para piliin ang mas matahimik na buhay doon. Makakasama niya rito ang kanyang ina. Nagbabalak din ang aktor na ituloy na niya ang pag-aaral ng pagdidirek sa New York University.

"This Sunday, alis ako ng umaga, 4:00 a.m.," ang sabi ni Patrick.

Nang usisain siya tungkol sa iba pa niyang rason, aniya, "The particular reason also is, the intrigue here is too much."

Ang kanya bang tinutukoy na intriga ay ang pagkabit ng pangalan niya sa mga isyu ng droga at sugal? Gusto niya bang ilayo ang sarili sa bad influences?

Continue reading below ↓

"I don't know...what do you mean by bad influences? Well, it's not the case," ang maikling sagot niya.

Ayon sa ilang sources, ang pangangayayat daw ni Patrick ay dahil sa sama ng loob dulot ng pinagdaraanan nila ni Jennylyn.

Matatandaan na noong February 24 sa The Buzz, tuluyan nang winakasan ni Jennylyn Mercado ang relasyon nila ni Patrick.

Kasunod nito ay ang interview ng aktres noong Mayo, sa birthday at baby shower ng aktres. Nasambit ni Jennylyn noon na hindi na siya magsasalita ng kahit anuman hinggil sa ama ng kanilang magiging anak.

Ani Patrick, "They don't want me to be closer to them, you know, that's why I'm leaving kasi...Di ba depressing kung makita ninyo ako at magagalit siya at sasama lang yung araw niya? Might as well..." putol na sabi ni Patrick na ang ibig ipakahulugan ay ang kanyang paglayo.

Ngayon, ayaw na muna makipagrelasyon ni Patrick sa kahit na sino. "Ayoko munang lovelife-lovelife, e," ang sabi niya. "I just want to get a chance to take care of the baby. For me, that's my priority now."

Continue reading below ↓

Sa tanong na binitiwan ni Jennylyn noon sa isang interview kung kukunin ba ni Patrick ang responsibilidad bilang ama ng batang dinadala niya, ang sagot niya: "I would like to if they'd let me. I know naman Jen will take good care of our baby. And basta payagan lang niyang makita yung baby, wala na akong reklamo."

Nagkataon naman na celebration ng Father's Day noong araw na umalis ng bansa si Patrick, at nagbitaw siya ng statement tungkol sa nais niyang mangyari.

"The best dad that I could be. I always try hard to be the best that I can be," aniya.

Kaugnay nito, inihabilin daw ni Patrick si Jennylyn sa non-showbiz best friend ng aktres habang wala siya sa bansa. Babalik siya dito sa September para dumalo sa kasal ni Cheska sa kanyang kasintahan na si Doug Kramer.

"Yeah, definitely. I'll be back for my sister's wedding sometime by September. But no exact date," tapos ni Patrick.

Continue reading below ↓
Read Next
Featured
Latest Stories
Trending in Summit Media Network

Featured Searches:

Read the Story →
The soon-to-be dad made a wish last Father's day: To be given the chance to be a dad to Jennylyn's baby.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results