Dingdong Avanzado breaks silence about Rufa Mae Quinto's allegations

Jun 16, 2008
"Parang pagkatapos mong magsalita, gusto mo parang tumahimik na lang kami na...masakit, masakit, e. Masakit, Rufa Mae, na parang gusto mo na ganun na lang. Na hayaan na lang naming ikaw ang magsalita. Tumahimik na lang kami. Pero you know, sabi mo nga, karapatan mo yun na maglabas ng...buhay mo ‘yan," says Dingdong Avanzado to Rufa Mae Quinto (inset).

Binasag na ng singer na si Dingdong Avanzado ang kanyang pananahimik sa isyung inilabas ni Rufa Mae Quinto sa panayam sa kanya ng YES! magazine noong February 2008. Nagpaunlak ng exclusive interview si Dingdong kay Boy Abunda sa The Buzz kahapon, June 15

Naging detalyado si Rufa Mae sa panayam sa kanya ng YES! tungkol sa naging relasyon nila ni Dingdong noon.

Una, hindi raw siya tanggap ng pamilya ni Dingdong.

Pangalawa, nabaling daw ang paningin ni Dingdong sa ibang babae habang sila pa ang magkarelasyon. Sa birthday party raw noon ni Dingdong, nakita raw ni Rufa Mae ang isang babae. Isang pangyayari na nauwi raw sa pisikalan nina Rufa Mae at Dingdong.

At pangatlo, ang pagkakatuklas ni Rufa Mae na si Dingdong at ang "best friend" niya na si Jessa Zaragoza na pala. Pangyayaring labis na ikinalungkot daw ni Rufa Mae.

Ikinasal sina Dingdong at Jessa noong March 18, 2001. Nagkaharap-harap silang tatlo sa uang pagkakataon noong July 2, 2007 sa Showbiz Central, kung saan in-interview ni Rufa Mae sina Jessa at Dingdong. Ang akala ng lahat ay natapos na ang alitan nila, pero umpisa lang pala ito ng mas malaking gulo.

Continue reading below ↓

Noong February 3 sa The Buzz ay isa-isang sinagot ni Jessa ang mga isiniwalat ni Rufa Mae sa YES! Pero hindi narinig noon ang panig ni Dingdong. Sinabi ni Jessa na magsasalita ang asawa niya sa tamang panahon.

Sa concert ni Rico J. Puno sa Merto Bar noong June 5, hiningan ng pahayag ng The Buzz si Rufa Mae tungkol sa pagbabalik ng dati niyang karelasyon.

Sabi niya, "Ano na ako, kumbaga, one stage, kasi ang dami ko ng stages. Kung anuman ang mase-say [masasabi] nila, I mean, go, go, go na lang."

Wala ring naibigay na mensahe si Rufa Mae para sa mag-asawang Dingdong at Jessa.

"I'M NOT FIGHTING." Sa panayam naman ni Boy kay Dingdong, nilinaw ng singer: "Hindi ako nakikipag-away, Boy.

"Well, before I answer Boy, unang-una, nasabi ko nga sa ‘yo na humihingi ako sa ‘yo ng pasensya dahil talent mo si Rufa Mae. With all due respect, hindi naman talaga kami nakikipag-away. In fact, I really, talagang refuse... Grabe, kahit nung nasa States pa lang kami, a lot of people were calling me, asking for my statement.

Continue reading below ↓

"I specifically choose to remain silent. Kasi yun nga, una, ayoko ko kasi sa telepono. Ayoko na boses ko lang. Kung may sasabihin ako sa tamang pagkakataon, at yun, nagsabi naman ako. If the right time comes, I will do it."

Sinang-ayunan naman ni Boy si Dingdong na medyo awkward ang sitwasyon nila that time na tinatanong niya ang singer tungkol kay Rufa Mae, na talent nga ni Boy.

"We go a long way back," sabi ni Dingdong kay Boy.

"A long, long, way back," inulit naman ni Boy.

DINGDONG'S FAMILY. Ramdam ni Boy na yun na ang tamang panahon para marinig ang panig ni Dingdong sa mga isyung inilabas ni Rufa Mae. Una na ang tungkol sa hindi raw pagkagusto ng pamilya ni Dingdong kay Rufa Mae.

"Well, hindi naman lahat," buwelo ni Dingdong. "‘Tsaka, well, honestly, yung ayaw, it doesn't mean na minamata siya o minaliit siya—that I want to clear. You know my family, we were never brought up that way.

Continue reading below ↓

"If they had some ill feelings about me seeing Rufa Mae then, it was just out of concern because of what they were hearing. But it had... No way, wala doon sa sinasabi niya. Kasi in-imply niya doon sa interview niya dahil sa mababa ang pinag-aralan niya. They never looked at that. They just had the reservations. Gayunpaman, they still left the decision to me if I would still pursue that, nasa sa akin yun. They gave me that much of respect."

Inulit pa ni Dingdong na hindi minata ng pamilya niya si Rufa Mae.

"That is very, very clear. I wanna correct that notion."

FIGHTING FOR RUFA MAE. Tinanong ni Boy si Dingdong kung ipinaglaban man lang ba niya si Rufa Mae kapag may naririnig siya na hindi maganda na sinasabi ng pamilya niya tungkol sa sexy comedienne.

"Well, let's put it this way... When I started seeing her then, Jessa was not in the picture at all. Not because, not only my family, but also the circle I go around who had reservations about her. And, ang nasabi ko lang sa kanila is, ‘You know what, kahit anupaman ang sabihin nila, let me be the one to decide for that.'

Continue reading below ↓

"Wala pa naman akong nakikita, and just like any relationship, boy-girl relationship, you have that chance to know the person and I wanted that. So, umabot kami sa punto na yun na kinikilala ko siya.

"In fact, I even told my mom, sinasabi ng mom ko, ‘Ano ba ito? Is this going to be something serious?' At that time, people knew na I was...naghahanap na rin ako ng mapapangasawa. And I told my Mom, ‘Mom, alam ko hindi na ako bata. And when the time comes, let me find out for myself. Kung meron ako malaman, then that will be the time I will decide whether to pursue this or not.' Yun ang naging sitwasyon," lahad ni Dingdong.

THE OTHER GIRL. Naalaala ni Boy na noong nagde-date sina Dingdong at Rufa Mae ay may isang babaeng Atenista ang nabalitaan niya na nakikipagkita rin ang singer. At batay sa interview ni Rufa Mae sa YES!, sinasabi ng sexy comedienne na merong ibang babae si Dingdong.

Continue reading below ↓

"Ah, that was totally not true," tanggi ni Dingdong. "Ang masakit pa rito, sa sinabi niya sa article na yun, parang kinote [quoted] pa niya si Ogie [Alcasid], using my good friend to say na si Ogie ang nag-confirm na meron daw akong ibang babae. And you know, I don't know what transpired between their conversation, silang dalawa, but that I know, wala talagang nakasabay.

"Wala, I was just... But at that time, you know, Boy, I wanna make this clear, me and Rufa Mae were seeing each other, a boy-girl relationship. But, you know, alam ko na kasi ang patungo nito, e. Kung naging serious ba yung relationship namin? It's public knowledge that I was seeing her. And she knows this, yung parang parte ng pagiging seryoso namin hindi kami umabot sa lebel na yun."

Nilinaw ni Boy kay Dingdong ang ibig sabihin ng kanyang huling pahayag. Tanong ni Boy, "Hindi kayo umabot sa pagsasabi ng ‘I love you' sa isa't isa, ‘tayong dalawa na,' or they're exclusively dating?"

Continue reading below ↓

"Hindi umabot doon," diretsong sagot ni Dingdong.

"LET'S GET PHYSICAL." Sinabi rin ni Rufa Mae sa YES! na nagka-pisikalan sila ni Dingdong sa isang party.

"You know, Boy, isa pa yun. This is the thing, Boy... Of course, I was already prepared for this kasi humaharap ako dito sa inyo. Ang gusto ko lang naman na maiklaro rito ay yung estado nung sa parte ng asawa ko na hindi siya nang-agaw. Parte ng pamilya ko na hindi siya minata. Yung parte sa akin, I didn't really want to touch on it anymore kasi it wasn't really that important.

"Yung para sa akin lang, Boy, how would you call this... It really pains me na yung mga ganung situation ay kailangang maisiwalat. Like what she said, karapatan daw niya yun. Pero to make a point and to clarify that issue, may pisikalan na nangyari, totoo. Pero hindi ako ang naging pisikal. It's the other way around," paglilinaw ng singer.

Continue reading below ↓

AGAWAN ISSUE. Binalikan ni Boy ang isyu kung inagaw nga ba ni Jessa si Dingdong kay Rufa Mae.

"You known what, eight years ago, nasabi ko na ‘yan na hindi nang-agaw si Jessa. But after all this time, ngayon lumalabas na naman at humaharap ako sa inyo dahil sa dami ng sinasabi at dahil sa lumalabas ulit ang isyu na ito. Sinasabi ko ulit sa inyo and buong puso ko pong sinasabi, hindi po nang-agaw si Jessa kahit kailanman. Hindi sila nagtagpo," pahayag ni Dingdong.

MESSAGE TO RUFA MAE. Bilang panghuli, hiningan ng mensahe ni Boy si Dingdong para kay Rufa Mae.

"You know what? Nalulungkot ako kasi I thought last year nagkaayos na tayo and paglabas namin, buong puso namin in-embrace yun na tapusin natin ito. Let's move on.

"Now, you know this thing comes about na nagsalita ka and seemingly, parang pagkatapos mong magsalita, gusto mo parang tumahimik na lang kami na...masakit, masakit, e. Masakit, Rufa Mae, na parang gusto mo na ganun na lang. Na hayaan na lang naming ikaw ang magsalita. Tumahimik na lang kami. Pero you know, sabi mo nga, karapatan mo yun na maglabas ng...buhay mo ‘yan.

Continue reading below ↓

"Pero hindi mo ba naisip na meron ka ring mga buhay na nasasagasaan? At karapatan din namin na ipagtanggol ang sarili namin. Lumalabas ako ngayon, hindi ako nakikipag-away sa ‘yo. I really thought about it so hard. Dahil alam ko, lalo na sa kultura natin, Boy, ang lalaki hindi nagsasalita. It's very hard for me.

"You know, sabi nila, ungentleman. But I realized after giving it much thought, that the most gentlemanly thing that I can do is to stand up with my wife, for my family, and for my daughter. Kaya ako nandito ngayon.

"Babae man ‘yan o lalaki, pero kung merong mga maling sinasabi, maling paratang, I have to speak out. And yun lang naman ang gusto ko, ituwid lang ito, malampasan natin ito. One day, who knows, gusto naman namin talaga tahimik na buhay. Nandun na nga kami sa Amerika and hindi namin ito ginusto. So, I was just hoping na maunawaan mo where I'm coming from, where we are coming from," pagtatapos ni Dingdong.

Continue reading below ↓

Sa July 10 ay babalik ulit ng Amerika ang mag-asawang Dingdong at Jessa. Isa raw sa mga dahilan kaya sila umuwi ay para i-celebrate ang 40th birthday ni Dingdong dito sa Pilipinas.

Read Next
Read More Stories About
Rufa Mae Quinto, Jessa Zaragoza
Featured
Latest Stories
Trending in Summit Media Network

Featured Searches:

Read the Story →
"Parang pagkatapos mong magsalita, gusto mo parang tumahimik na lang kami na...masakit, masakit, e. Masakit, Rufa Mae, na parang gusto mo na ganun na lang. Na hayaan na lang naming ikaw ang magsalita. Tumahimik na lang kami. Pero you know, sabi mo nga, karapatan mo yun na maglabas ng...buhay mo ‘yan," says Dingdong Avanzado to Rufa Mae Quinto (inset).
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results