Joseph Bitangcol sets record straight about alleged "gay benefactor"

Jun 16, 2008
"Matagal na po yun, isang beses lang, kinuha ako para sa isang raket dun. Pero umiwas na ako sa kanya dahil nga hindi ko gusto yung mga balitang nakakarating sa akin," says Joseph Bitangcol about his rumored gay benefactor.

Naapektuhan pala si Joseph Bitangcol sa isyung siya ay pumapatol sa mga bading. Marami kasing mga tsismis, kasama na yung mga blind items, na si Joseph nga ay namemera ng mga bakla. Na meron daw itong gay benefactor.

"Hindi naman po kasi totoo yun, sobra naman yung ganoong tsismis. Kahit paano naman, nakaipon naman ako. Sa ilang taon ko na sa showbiz, nakaipon naman po ako," depensa pa nito tungkol sa tsismis sa kanya nang makausap ng PEP (Philippine Entertainment Portal). May mga kumukuwestyon kasi sa pagkakaroon niya ngayon ng business na Stoodio Bar na matatagpuan di kalayuan sa ABS-CBN.

"Magkano lang naman po ang investment ko dun? ‘Tsaka hindi ko naman solo yun, lima kaming investors. Hindi naman po tama yung sabihin nilang bigay ng bading sa akin ang puhunan ko," pagtutuwid pa nito.

Naririnig nga raw niya yung mga tsismis tungkol sa kanya at nababasa rin niya ang mga blind items. Wala na raw siyang magawa dahil nga alam naman niyang hindi totoo yun.

Continue reading below ↓

Naikuwento rin ni Joseph ang mga nakarating sa kanyang may isang baklang nagkakalat na naging "on" daw niya. Na ito nga raw yung nagbibigay sa kanya ng raket sa Ilocos.

"Matagal na po yun, isang beses lang, kinuha ako para sa isang raket dun. Pero umiwas na ako sa kanya dahil nga hindi ko gusto yung mga balitang nakakarating sa akin."

Hindi kaya gimik lang daw yun ng movie niyang Paupahan ng ATD Films dahil nga callboy na mahilig kumatok sa pinto ng mga bading ang role niya sa naturang pelikula?

"Hindi po. Bago pa itong movie, ‘andiyan na yung isyu. Isa pa, hindi po ako mahilig sa gimik," paliwanag pa niya.

ISSUE WITH JAY MANALO. Inurirat din ng PEP kay Joseph ang isyung pag-back out ni Jay Manalo sa isang episode ng Ikaw Pa Rin ng GMA-7 dahil nga ang feeling nito ay hindi niya ka-level si Joseph at si Dino Guevarra. Hindi ba siya na-offend dahil nga inayawan sila ni Jay na makasama at ang isyu ay ang level ng pagiging artista nila?

Continue reading below ↓

"Hindi naman po. Ayos lang, nagkausap po kami ni Jay at naiintindihan ko ang point niya. Magmumukha daw po siyang katawa-tawa dahil nga impersonation ang gagawin namin. Matanda na raw siya ‘tapos, mataba at malaki ang tiyan niya. Ayaw daw niyang magmukhang katawa-tawa. Okey lang naman po sa akin yun," sabi pa ni Joseph.

Ipinaliwanag din ni Joseph na hindi talaga ang isyu ng level ng pagiging artista ang rason ni Jay sa pag-backout nito. Pareho nga naman sila ng management outfit at sigurado siyang di siya babastusin ni Jay Manalo.

Read Next
Read More Stories About
Joseph Bitangcol, Jay Manalo
Featured
Latest Stories
Trending in Summit Media Network

Featured Searches:

Read the Story →
"Matagal na po yun, isang beses lang, kinuha ako para sa isang raket dun. Pero umiwas na ako sa kanya dahil nga hindi ko gusto yung mga balitang nakakarating sa akin," says Joseph Bitangcol about his rumored gay benefactor.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results