Annabelle Rama asks Pokwang to stop spoofing her twin sons

by Julie E. Bonifacio
Jun 19, 2008
"‘Day, ipagpapatuloy mo yung ako ang gagayahin, okey lang. Haping-happy ako. Pero huwag mo nang pakialaman ang mga anak ko. Minsan ang mga bata, ayaw nilang naaano sila, iba ang mga bata ngayon, e. Masyado silang ano, sensitive. Ayaw nilang pinaglalaruan sila, lalung-lalo na si Raymond. Kasi ang mga anak kong dalawang ‘yan, galing sa States ‘yan. Siyempre, iba ang panananaw nila, di ba?" Annabelle Rama (in photo) requested comedi

Nagpakita ng suporta ang ina at manager ni Ruffa Gutierrez na si Annabelle Rama sa launching ng huli bilang pinakabagong endorser ng Belo Medical Clinic kahapon, June 18, sa Annabel's restaurant, Tomas Morato Ave., Q.C.

PEACE AT LAST. Sa isang sulok ay nakita ng mga naimbitahang entertainment press na magkausap sina Lolit at Annabelle. Matatandaang kamakailan lang ay nagkaalitan sina Annabelle at ang talent manager na si Lolit Solis, na matalik na kaibigan ni Dr. Vicki Belo.

Kuwento ni Annabelle, "Nag-usap na kami ni Lolit. Sa burol pa ni Rudy [Fernandez], nagkausap na kami. First day ng burol, nagkabati na kami. Pagpasok ko doon sa church... Si Lolit kasi ang nag-aasikaso ng mga guest, di ba, kung saan uupo?

"Bisaya," tawag daw sa kanya ni Lolit sa burol ni Daboy. "So ako naman that moment, masyado akong malungkot kay Rudy, masyado akong depressed. So hindi ko inintindi kung kaaway ko siya o ano, kasi ako lahat, binabati ko that day.

Continue reading below ↓

"At naalala ko, sinabi sa akin ni Rudy bago mamatay, ‘Bisaya, batiin mo na si Nanay Lolit. Bati na kayo kasi mabait naman yun, e.' Sabi ko, ‘Daboy, hindi naman ako magku-comment against her kasi nasabi ko na lahat sa The Buzz. Lahat, sabi ko tatapusin ko sa The Buzz kaya wala akong comment against her. Pero ayoko muna kasi hindi pa ready.'

"Pero nung that night, sa first burol, yun lang ang puwede kong gagawin para kay Rudy, na maging masaya na rin siya. Pati si Lani [Mercado], kabati ko na rin."

Sa pagbabati nila ni Lani, ang mister nito na si Sen. Ramon "Bong" Revilla Jr. daw ang gumawa ng paraan.

"Si Bong, doon kami sa bahay ni Rudy... Mga four hours before namatay [si Rudy], nandun kami sa bahay. Nag-iyakan na nga kami doon kasi grabe na ang nangyari kay Rudy," lahad ni Annabelle.

POKWANG SPOOFS ANNABELLE'S TWINS. Samantala, nagsalita rin si Annabelle tungkol sa pag-spoof ni Pokwang sa Music Museum sa kanyang mga anak na sina Richard at Raymond Gutierrez sa show ni Pokwang kasama si Pooh na pinamagatang Poohkwang. Ginaya raw ni Pokwang nung una si Richard sa pagsigaw ng "Captain Barbell!" Sumunod ay si Raymond naman ang ginaya ni Pokwang, pero medyo malambot daw ang pagkakasabi ng komedyante.

Continue reading below ↓

Nagalit daw ang buong Gutierrez family sa ginawa ni Pokwang. Ang balita, affected daw talaga si Raymond sa ginawa ni Pokwang. Kaya naman pati ang Ate niya na si Ruffa ay nag-react daw. Tila nagsabi pa raw si Ruffa na kasama pa naman si Pokwang sa movie nina Richard at KC Concepcion. Gumaganap raw itong yaya ni KC sa first movie ng anak ni Sharon Cuneta with Richard Gutierrez sa Star Cinema. Baka raw any moment ay tsugihin na nga si Pokwang sa movie nina Richard at KC.

"Hindi naman," sambit ni Annabelle.

"Ako naman kay Pokwang, okey naman na ilang years mo na akong ginagaya. Natutuwa ako at least ginagaya mo ako. Pero ako na lang. Huwag mo nang pakialaman ang mga anak ko, sina Richard and Raymond.

"Kasi ako talaga, basta anak ko na-involve, nag-iiba talaga ako. Kasi nananahimik yung mga bata. Nananahimik sila, nagtatrabaho, ‘tapos bababuyin? Ayoko ng ganun. Hayaan mo na akong babuyin, okey lang sa akin. Matatanggap ko lahat ‘yan," mensahe ni Annabelle kay Pokwang.

Continue reading below ↓

Ano ang mabibibigay niyang advice kay Pokwang?

"Advice ko sa ‘yo, ‘Day, ipagpapatuloy mo yung ako ang gagayahin, okey lang. Haping-happy ako. Pero huwag mo nang pakialaman ang mga anak ko. Minsan ang mga bata, ayaw nilang naaano sila, iba ang mga bata ngayon, e. Masyado silang ano, sensitive. Ayaw nilang pinaglalaruan sila, lalung-lalo na si Raymond. Kasi ang mga anak kong dalawang ‘yan, galing sa States ‘yan. Siyempre, iba ang panananaw nila, di ba?

"Ipagpapatuloy niya na gayahin ako kasi natutuwa naman ang audience sa kanya kapag ako na ang ginagaya niya. Ako, okey lang sa akin. Hindi ako nagagalit kasi proud na proud ako na i-spoof ako ni Pokwang. Ibig sabihin, sikat pala ako, di ba? Manood ka ng movie ko Pokwang, [My] Monster Mom. Marami kang magagaya doon sa akin. Mas marami kang magagamit doon," pagpu-promote pa ni Annabelle.

Lalabas ba ang pagiging "Monster Mom" ni Annabelle kapag ginawa ulit yun ni Pokwang sa alinman sa mga anak niya?

Continue reading below ↓
"Hindi ko pa alam kung ano ang gagawin ko. Maski sino naman talaga, sinabi ko na noon pa huwag pakialaman ang anak ko. Yun lang ‘yon," pagtatapos ni Annabelle.
Read Next
Featured
Latest Stories
Trending in Summit Media Network

Featured Searches:

Read the Story →
"‘Day, ipagpapatuloy mo yung ako ang gagayahin, okey lang. Haping-happy ako. Pero huwag mo nang pakialaman ang mga anak ko. Minsan ang mga bata, ayaw nilang naaano sila, iba ang mga bata ngayon, e. Masyado silang ano, sensitive. Ayaw nilang pinaglalaruan sila, lalung-lalo na si Raymond. Kasi ang mga anak kong dalawang ‘yan, galing sa States ‘yan. Siyempre, iba ang panananaw nila, di ba?" Annabelle Rama (in photo) requested comedi
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results