Willie Revillame talks about his health condition and his comeback film

Jul 6, 2008
"Yung aking intestine, may nana. Meron kasi akong sugat sa loob. Kasi nga, ang sakit natin yung hindi pagkain. Dahil alam mo, ang totoo nun, ang dami kong ulcer. Ngayon ang problema ko, may scar yung intestine ko. So doon kami nagko-concentrate. Pero alam mo saan kami nagulat? Yung puso ko may block na isang ugat," relates Willie Revillame about his health condition.


Nag-imbita ang Wowowee host na si Willie Revillame ng ilang members of the press sa second shooting day ng kanyang comeback movie tentatively titled Mr. Housewife sa Fairview, Quezon City kahapon, July 6. Dinatnan namin doon si Willie na nagba-blocking sa loob ng bahay kasama ang leading lady niya na si Roxanne Guinoo at ang gumaganap na mga anak nila na sina Nash Aguas at Sharlene San Pedro.

Ito ang unang pelikula ni Willie pagkatapos ng Pera O Bayong (Not Da TV) na ipinalabas noon pang 2000.

Lumabas saglit si Willie para bumati sa amin at naikuwento niya agad ang tungkol sa kanyang pagkakasakit kamakailan.

"Yung aking intestine, small and large, di ba, colon yun, magkadikit? May extension yun. May nana. Meron kasi akong sugat sa loob. Kasi nga, ang sakit natin yung hindi pagkain. Dahil alam mo, ang totoo nun, ang dami kong ulcer. Ngayon ang problema ko, may scar yung intestine ko. So doon kami nagko-concentrate. Pero alam mo saan kami nagulat? Yung puso ko may block na isang ugat," lahad ni Willie.

Continue reading below ↓

Tatlo ang inindang karamdaman ni Willie sa almost one week na pagkawala niya sa kanyang noontime show sa ABS-CBN.

"Eto ang heart, di ba? Maraming veins ‘yan. Yung isang vein dito, isang part dito ng aking puso hindi pumapasok ang aking dugo. Kaya ngayon, bukod sa puso ko, bawal na sa akin ang softdrinks, walang coffee, walang oily food," kuwento ni Willie. Pero bago siya makapagpatuloy ay saka naman siya tinawag para mag-take.

COMEBACK MOVIE. Pinapasok kami ng secretary ni Willie na si Katya Montenegro sa isang improvised dressing room with aricon, sa labas ng shooting area ng TV host. Maya-maya ay pumasok na rin si Willie.

Kuwento niya tungkol sa kanilang pelikula, "Anak ko si Sharlene at si Nash. Si Roxanne housewife lang. Nawalan ako ng trabaho dahil nagkaraoon ng retrenchment. Isa ako sa natawag. Ngayon, idinenay ko sa asawa ko, itinago ko. Nagkunwari ako na pumpasok hanggang sa nahuli ako.

Continue reading below ↓

"Ang work ko sa advertising. ‘Tapos nalaman nga kasi nagtataka ang mga anak ko kung bakit nandun ako lagi sa isang lugar. Hindi ko alam kung McDonald's or Jollibee. Basta lagi akong nandun. Hanggang naging kaibigan ko na ang mga waiter ko, ganun.

"'Tapos nung nalaman ng asawa ko na wala na akong trabaho, siya na ang naghanap. Ako naman ang taong-bahay. Ako ang nag-aaalaga ng mga bata. Ako ang naghahatid sa eskuwela. May mga ganun, e. Sa ‘Willie of Fortune' may mga naglalaba, nagluluto. Siya, lahat.

"Si Mel del Rosario ang sumulat ng script. Actually, ang project na ito, una sana kina Judy Ann [Santos] at Ryan [Agoncillo]. Mr. Housewife, parang ganun. ‘Tapos hindi natuloy."

Kumusta naman ang pagbabalik pelikula niya? Hindi ba siya nanibago?

"Iba kasi yung pelikula, iba yung TV. Natural ang TV. Dito siyempre, naka-numero ka. Kailangan ang humor mo dito hindi katulad sa TV.

Continue reading below ↓

"Actually, matagal na itong pinaplano. Matagal na, ang daming nag-o-offer sa akin. Sabi ko, hindi ko kaya talaga. Kaya lang nung kinausap ako ni Direk Tony at ni Boss Orly, sabi nila ang balik mo, iba na. Maganda nga yung concept."

Hindi ba siya kinakabahan sa first shooting day niya?

"Hindi naman. Naninibago ka lang dahil ano, pero okey lang. Take one naman ako kasi simple lang yung mga eksenang kinunan."

Kakayanin kaya ng katawan niya ang pasu-shooting at ang kanyang everyday show na Wowowee, lalo pa't na-detect na ng doctor ang kanyang mga karamdamdan?

"Well, lifestyle ang control. Sabi nga ni Mr. M [Johnny Manahan], ‘You have to adjust, ha.' Yung doctor ko, sabi rin sa akin iba na ang lifestyle mo. Yung mga kinakain mo dati, una yung may taba, oily kasi nga sa heart mo. ‘Tapos yung sa salt, mga ganyan, maanghang. E, sabi ko, ‘Doc, ang hirap naman mabuhay sa mundo na lahat ng gusto kong kainin hindi na pupuwede.'

Continue reading below ↓

"Pero dito sa heart ko, hindi pa naman daw ganun. Baka maayos pa ng gamot. Alam mo daw ito [heart], stress. Andun ang pagpapabaya. Itong lalamunan ko, pagod ‘yan. Sakit talaga ‘yan ng mga host at singers. Pero wala naman akong nodules. Wala naman akong bukol. Sa pagod, kakasigaw every day," saad ni Willie.

FINDING THE DIRECTOR. Isa sa mga kinunsidera na direktor ng movie ay ang kaibigan ni Willie na si Randy Santiago.

"Hindi siya natuloy kasi si Randy nag-tour. Nung magsu-shooting na kami, two weeks siyang wala. Sayang ang oras," saad ni Willie.

Wala pa raw nakunan na eksena si Randy sa movie at ngayon ay may nakuha na silang direktor.

"Si Frank Gary, direktor ni Mang Dolphy," pagbabalita ni Willie. "Okey naman siya kasi siya rin ag nagdirek ng Omeng Satanasia ni Mang Dolphy. Doon siya nanalong Best Actor, ‘tapos nag-Amerika, di ba?"

Continue reading below ↓

Ano ang nangyari sa unang nabalita na si Tony Reyes ang magdidirek ng movie niya?

"Co-prod [production] ito. Ako, si Boss Orly [Ilacad ng Octo Arts], pati ang Bayan Production ni Tita Arlene [de Castro]. Hindi na 50-50. Hati-hati na kaming tatlo. Wala pa kaming playdate."

Bakit hindi niya isinali ito sa Metro Manila Film Festival?

"Hindi aabot, e. Kasi aalis ako ng Wednesday [July 9]. Seven days ako sa U.S. ‘Tsaka kasi may movie rin si Vic sa filmfest. Kanila na yun, e."

LEADING LADY. May love scene ba sila ni Roxanne?

"Wala naman. Ang humor nito nandun sa ‘pag kunwari gusto ninyong mag-ano, pero hindi natutuloy lagi," natatawang sabi ni Willie.

Biniro namin si Willie kung hindi ba siya nanghinayang na wala silang love scene ni Roxanne sa movie.

"Hindi naman, kasi GP [General Patronage] ito, e."

Nabalita rin noon na si Krsitine Hermosa ang kukunin niyang leading lady for the movie. Ano ang nangyari?

Continue reading below ↓

"Isa nga yun sa kinonsider," sabi ni Willie. "Kasi I thought gagawin niya yung Enteng Kabisote kaya hindi natuloy. Kasi si Roxanne, grabe ang schedule nito, e. Di ba, meron pa siyang Ligaw na Bulaklak? Sabi ko, I doubt it kung magawa niya ito. Nagulat pa ako nung naging pwede siya."

Bakit si Roxanne ang napili niya?

"Hindi, ang personal choice talaga diyan si Kristine Hermosa. Kaya lang, may Vic Sotto nga na Enteng Kabisote. So, hindi siya. Wala namang iba. Nung una si Bea [Alonzo] inisip namin, pero meron siyang Betty La Fea."

E, si Cristine Reyes?

"Meron siyang Eva Fonda. ‘Tsaka masyadong bata para maging nanay, e."

Pumayag si Roxanne na magkaroon na ng anak sa movie?

"Oo naman. Payag naman. Okey naman."

Natsismis sila noon ni Roxanne. Hindi kaya maulit ang usap-usapan sa kanilang dalawa?

"Ah, hindi. Hindi naman dahil sa...hindi dahil sa hindi ko siya type!" biro ni Willie.

Continue reading below ↓

"Pangalawang shooting pa lang namin ‘to. ‘Tsaka lagi niyang sinasabi sa akin, ‘Huwag po, Kuya, huwag po!'" tawa ni Willie.

Read Next
Recommended Videos
Trending on PEP.ph
Latest Stories
Trending in Summit Media Network

Featured Searches:

Read the Story →
"Yung aking intestine, may nana. Meron kasi akong sugat sa loob. Kasi nga, ang sakit natin yung hindi pagkain. Dahil alam mo, ang totoo nun, ang dami kong ulcer. Ngayon ang problema ko, may scar yung intestine ko. So doon kami nagko-concentrate. Pero alam mo saan kami nagulat? Yung puso ko may block na isang ugat," relates Willie Revillame about his health condition.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results