Yasmien Kurdi assures fans she is not yet quitting showbiz

by Rose Garcia
Aug 19, 2008
"Unang-una, ang bata ko pa. Ginagawa ko lang din talaga ang lahat ng ito for my dad at ngayon talaga, may kailangan lang talaga akong tapusin. Pero mapapanood pa rin naman nila ako. Hindi naman ako tuluyang mawawala," says Yasmien Kurdi about prioritizing her studies and slowing down on her showbiz career.

Nakausap ng PEP (Philippine Entertainment Portal) ang young actress na si Yasmien Kurdi nang mag-guest siya sa third anniversary ng radio program na Wow! Ang Showbiz! sa SM North noong August 17.

Hindi raw niya maintindihan kung bakit sobrang big deal sa iba ang mga naglabasan niyang sexy photos sa tabloid. Katuwiran niya, kuha lang daw yun sa cell phone niya at saka talagang wala lang daw silang magawa ng dalawang staff ng GMA-7 sa taping nila.

Sabi namin kay Yasmien, baka naman naseksihan lang talaga sa kanya ang nag-grab ng nasabing mga pictures sa kanyang Facebook account at gustong mai-feature ito sa iba pang mga babasahin.

"Ngek! Alam n'yo ba, kapag nakita n'yo ako sa beach, sobrang gulo ko sa beach! Para akong bata. Kapag nasa swimming pool ako, talagang tatalon ako diyan. Tumbling pa kasi tubig, e! At saka, talagang ganoon ang suot ko, naka-two-piece akong talaga.

"Kaya nagulat lang ako na sa iba pala, sobrang big deal nun! Kaya sabi ko nga sa Showbiz Central nang ma-interview nila ako, sabi ko talaga, 'Alangan namang mag-pantalon ako sa beach, di ba?'' Ewan ko, nakakatawa!" napapailing niyang sabi.

Continue reading below ↓

Sure raw si Yasmien na isa sa mga friends niya sa Facebook ang nagpalabas ng sexy photos niya, although ayaw raw niyang magbintang. Pero natatawa itong sinabi na, "Mamaya nga, papalitan ko agad yung status ko sa Facebook ko. Ilalagay ko talaga, 'Sino kaya sa mga friends ko ang nagpakalat ng pictures ko?'"

PRIORITIZING STUDIES. Binigyang-linaw rin ni Yasmien iyong naging pahayag niya sa presscon ng Loving You, kung saan na-misinterpret daw ang sinabi niyang magpo-focus na lang siya sa pag-aaral. Tila ang naging impression daw ay nawalan na siya ng interes sa pag-aartista, at para sa iba, pagba-balewala raw ito sa magagandang break na ibinigay sa kanya.

Katuwiran ni Yasmien, "Nag-aaral naman talaga ako, e. Nagkataon lang na may mga kailangan akong tapusin na importanteng subjects, na ang schedule niya, M-W-F talaga, at dapat sundin dahil wala akong magagawa kung hindi ko matatapos.

"Hindi naman ako aalis, e. Nag-e-SOP pa rin naman ako. Nagge-guesting ako sa SiS, para naman akong regular na nga run."

Continue reading below ↓

Pero siyempre, mas nakilala na siya sa mga drama series. Reason kung bakit isa na nga siya sa nata-tag na drama princess ng Kapuso network, and yet, tinatanggihan na raw niya ang offers sa kanya. Ano ang masasabi niya rito?

"Ngayon kasi, well, dapat nga yung Gagambino, e, nagkataong M-W-F din sila. Pero nakausap ko na po yung mga boss ko at super-bait po nila. I mean, super-bait ni Ma'am Wilma Galvante. Sabi nga niya, ‘Okay, hanap tayo ng T-Th-S para lang magawa.' I mean, I wrote a letter na nga na kailangan talaga," lahad ni Yasmien.

Ipinaalam ng PEP kay Yasmien ang hinaing ng ilang fans niya na nalungkot sa naging desisyon niya.

"Hindi naman kasi sa hindi na interesado, pero yung mga fans ko, yung sa fans club ko, naiintindihan nila. Noong sinabi ko sa kanila, sila yung nagsasabi na okey ‘yan, okey ‘yan...yung sa studies ko nga. At saka, hindi naman ako yung walang-wala talaga or aalis na magku-quit na sa showbiz.

Continue reading below ↓

"Unang-una, ang bata ko pa. Ginagawa ko lang din talaga ang lahat ng ito for my dad at ngayon talaga, may kailangan lang talaga akong tapusin. Pero mapapanood pa rin naman nila ako. Hindi naman ako tuluyang mawawala," paniniguro ng young actress.

Read Next
Read More Stories About
Yasmien Kurdi
Featured
Latest Stories
Trending in Summit Media Network

Featured Searches:

Read the Story →
"Unang-una, ang bata ko pa. Ginagawa ko lang din talaga ang lahat ng ito for my dad at ngayon talaga, may kailangan lang talaga akong tapusin. Pero mapapanood pa rin naman nila ako. Hindi naman ako tuluyang mawawala," says Yasmien Kurdi about prioritizing her studies and slowing down on her showbiz career.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results