Alessandra de Rossi cites lack of work as reason she left GMA-7

by Rose Garcia
Aug 29, 2008
"Walang anim na buwan, pero yung huling soap ko kasi sa kanila, maliit lang ang role ko. Minsan once every two weeks lang ang taping ko. Pero sa totoo lang, naging mahirap din sa akin ang magdesisyon," explains Alessandra de Rossi about her decision to leave GMA-7 and move back to ABS-CBN.

Guest starring role lang si Alessandra de Rossi sa I Love Betty La Fea, ang pinakabago at sinasabing pinakamagarbong series ng ABS-CBN, na Pinoy version ng sikat na Colombian TV series.

Nakausap ng PEP (Philippine Entertainment Portal) si Alex sa ginawang set ng Betty La Fea, ng Ecomoda Manila, sa 11th Floor ng ELJ Bldg. last night, August 28, for the grand press conference of the seriesstarring Bea Alonzo and John Lloyd Cruz.Magsisimula na ito sa Primetime Bida ng ABS-CBN sa September 8.

After ng guest-starring role niya sa I Love Betty La Fea, Alessandra will start her own soap opera on ABS-CBN.

"Iba naman siya, drama siya. Masasabi kong ibang-iba siya sa mga ginagawa kong huli na puro mga fantasies ang ginawa ko. Maiba naman ito this time. Alam ko na medyo fit ang pagka-kontrabida niya. Kasi, bida-kontrabida. Hindi tipong galit lang siya nang walang dahilan. Ito yung tipong malalim ang pinanggagalingan ng character," kuwento ni Alessandra.

Continue reading below ↓

May mga gusto ba siyang makatrabaho ngayong nasa ABS-CBN na ulit siya?

"Siyempre, sina Piolo Pascual, although nakatrabaho ko naman siya sa Manila, yung [indie] movie na siya ang nag-produce. And then, sina John Lloyd Cruz, Bea Alonzo, okey na, nagawa ko na. Si Anne Curtis, gusto ko siyang makita kasi nami-miss ko na siya. At saka si Angel Locsin, gusto ko ng reunion!" at saka tumawa nang tumawa ang dating Kapuso star.

WHY SHE LEFT GMA-7. Naniniwala raw si Alessandra na naiintindihan naman siya ng mga tao kung bakit niya kinailangang umalis sa GMA-7 at ito ay dahil kailangan niya kasing magtrabaho. Pero aminado siyang matagal na siyang may offers from the Kapamilya network.

"Oo, matagal na," sabi ng young actress. "Pero noong time kasi na yun, palaging may pumapasok na isang show. E, ang huling soap ko sa kanila [GMA-7], April pa, which is ang tagal ko nang walang ginagawa, so yun."

Continue reading below ↓

Pero direktang sinagot ni Alex ang nagsulat at pinaratangan siyang "ingrata" dahil sa desisyon niyang lumipat.

Aniya, "Hindi ko alam kung paano mo nasabi 'yan! Humarap ka sa akin ngayon at sabihin mo kung paano mo masasabing ingrata ako sa kahit na anong paraan! Kasi, wala akong makitang dahilan para masabihan ng ganoon. And in fairness naman sa lahat ng lumapit sa akin, walang nagsabi na mali ang desisyon ko at sigurado nga ako na nasa tama naman ako."

Matagal din daw kasi siyang natengga sa GMA-7.

"Walang anim na buwan, pero yung huling soap ko kasi sa kanila, maliit lang ang role ko. Minsan once every two weeks lang ang taping ko. Pero sa totoo lang, naging mahirap din sa akin ang magdesisyon.

"Kasi, dalawa ang pinag-anuhan ko, e—saying no and saying goodbye. Kapag nag-yes ako rito [ABS-CBN], goodbye ang ibig sabihin nun. E, mahirap mag-no sa isang napakagandang offer. Parang, hay, good luck! Pero naniniwala naman ako na kung sinuman ang naka-bonding ko roon [GMA-7], mga kaibigan ko naman silang tunay at makikita at makikita ko pa rin sila ulit," saad ni Alex.

Continue reading below ↓

BEING BACK IN ABS-CBN. Kumusta naman siya ngayon sa Kapamilya network?

"Masaya, medyo hirap lang ako kasi medyo mahigpit ang mga guards dito. May konting kasamaan ang ugali. Kailangan mo ng ID at kapag wala kang ID, hindi ka nila kilala. E, wala pa kong ID kaya medyo inookray pa nila ako! Like, ‘Bawal po kayong pumasok dito.' E, di lilipat na lang! Although, naiintindihan ko naman kasi yun ang patakaran dito.

"Pero naiintindihan ko naman, like si Bea, super-bait. Si John Lloyd na kaklase ko dati noong nandito ako sa ABS...may school dito, di ba? Si Direk Erick Salud na director ko dati sa Cyberkada, parang bumalik lang ako noong 13 ako."

So, wala nang ilang factor sa kanya?

"May ilang kasi hindi naman nila ako nakitang lumaki. Pero I'm sure, masasabi nilang walang nagbago sa akin. Kung ano ako ngayon, yun ako ten years ago," sabi ni Alex.

Continue reading below ↓

GOING BACK TO ITALY. Ipinaaala ng PEP kay Alex na there was a time na sinabi niyang kinu-consider din niya ang bumalik ng Italy. Ano na ang nangyari?

"Yes, pero noong time na yun, dumating ang Darna, e. Hindi ko rin naman siya matatanggihan. Kumbaga, yung pesos, nasa mukha ko nung time na yun, e. Bakit naman ako aarte, di ba?

"Pero after nun, nakalimutan ko na. Naiisip ko kapag nalulungkot ako. Maraming beses na, ‘O, ano na ang gagawin ko after nito? Siguro, uuwi na talaga ko sa Italy.' Pero tingnan natin kung ano ang pangarap ni God, kasi marami akong ideas, marami akong gustong gawin. Hindi lang sa showbiz lang, business or kung anuman," lahad ng young actress.

RHIAN'S VILLAIN. Ang nag-trigger ba para tanggapin niya ang offer ng ABS-CBN ay dahil sa offer sa kanya ng GMA-7 na gumanap bilang kontrabida ni Rhian Ramos sa La Lola?

Continue reading below ↓

"No! Bakit, logo ba siya ng GMA para matakot ako sa kanya?" diretso niyang sagot. "Hindi naman! Kumbaga, kung anuman ang amin, tapos na siya, matagal na, more than a year na ‘yan na nangyari. Nagkataon lang talaga."

Pero may lumalabas na nabastos daw kasi siya rito. Totoo ba ito?

"Well, ikaw ba, kung may kagalit ka, o-offer-an ka na magkontrabida sa umapi sa yo, ano naman ang mapi-feel mo? Well, hindi naman yun ang dahilan. Siguro alam n'yo naman na kung ano ang na-feel ko. Kumbaga, ang tagal mong walang project, ‘tapos o-offer-an ka ng role na hindi mo matatanggap. So, anong kakainin ko bukas? Puwede ba akong umalis? Pero hindi ako galit. As in, sobrang naiintindihan ko na baka wala lang silang maisip," pagtatapos ni Alex.

Read Next
Featured
Latest Stories
Trending in Summit Media Network

Featured Searches:

Read the Story →
"Walang anim na buwan, pero yung huling soap ko kasi sa kanila, maliit lang ang role ko. Minsan once every two weeks lang ang taping ko. Pero sa totoo lang, naging mahirap din sa akin ang magdesisyon," explains Alessandra de Rossi about her decision to leave GMA-7 and move back to ABS-CBN.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results