German Moreno honored at Malolos, Bulacan Walk Of Fame

by Ruel J. Mendoza
Sep 13, 2008
As their way of thanking German Moreno for his contributions in helping Bulakeños and Bulakeñas in showbiz, the people of Malolos, Bulacan, gave Kuya Germs his own star in their Walk Of Fame.


Masayang-masaya si German "Kuya Germs" Moreno dahil kahit umuulan last September 10 ay tinuloy pa rin ng mga taga-Malolos, Bulacan, ang pagbigay ng parangal sa kanya bilang isa sa mga adopted sons of Bulacan.

Ginanap sa hardin ng Malolos Capitol ang pagbigay-parangal kay Kuya Germs at sa iba pang mga celebrities na taga-Bulacan. Kaugnay ito ng kanilang "Singkaban Fiesta: Sining at Kalinangan Ng Bulacan." Milagro nga nang biglang tumigil ang ulan, kaya naging maayos ang pagsalubong nila kay Kuya Germs at sa ibang mga bisita nila.

Sa tulong at suporta ni Governor Jon-Jon Mendoza ng Bulacan, naglagay sila ng Walk Of Fame sa hardin ng Malolos Capitol. Nakalagay dito ang mga pangalan ng mga sikat na Bulakeños at Bulakeñas at ilalagay din nila ang kanilang mga handprints katabi ng kanilang star.

Kabilang sa mga pangalang nakalagay na roon ay sina Jolina Magdangal, Ian Veneracion, Sam Milby, Cheryl Cosim, Alfred Vargas, Kyla, Jay-R, Arnold Clavio, at marami pang iba. Hindi lang mga aktor ang nakalagay sa Walk Of Fame kundi pati mga ibang artists, musicians, at TV and print journalists na tubong-Bulacan.

Continue reading below ↓

Bagama't hindi nga tubong-Bulacan si Kuya Germs, pasasalamat ito ng mga taga-Bulacan sa pagtulong at pagmolde nito sa mga Bulakeño't Bulakeña para magkaroon ng pangalan sa showbiz.

"Nagpapasalamat ako sa mga taga-Bulacan dahil sa parangal na binigay nila sa akin. Kung noon ay ako ang nagsimula ng Walk Of Fame sa Eastwood Gardens bilang parangal sa mga artista natin, ngayon ay ako naman ang binigyan nila ng pagkakataon na mapasama sa Walk of Fame nila dito sa Bulacan.

"Hindi nila alam kung gaano ako natutuwa dahil isa itong malaking bagay para sa pagiging artista natin sa mahabang panahon. Yung makita mo lang ang pangalan mo na kasama sa mga kilalang mga artista ngayon, naku, nakakataba ng puso talaga."

Sa pagiging adopted son niya ng Bulacan, nagbigay ng kanyang salita si Kuya Germs na tutulong sa anumang proyekto ng Bulacan sa mga darating na taon. Ito raw ang kanyang pagbibigay-ganti sa pagtanggap sa kanya ng mga taga-Bulacan.

Continue reading below ↓
Read Next
Read More Stories About
German Moreno
Featured
Latest Stories
Trending in Summit Media Network

Featured Searches:

Read the Story →
As their way of thanking German Moreno for his contributions in helping Bulakeños and Bulakeñas in showbiz, the people of Malolos, Bulacan, gave Kuya Germs his own star in their Walk Of Fame.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results