Francine Prieto trims down, promises never to grow fat again

by Ruel J. Mendoza
Sep 13, 2008
"Nagising na ako talaga! Balik ako sa diet at exercise. Naloka naman ako kasi sa mga comments sa akin ng mga tao. Masakit tanggapin pero yun ang totoo kasi, e. Promise ko sa sarili ko na never na akong magpapataba nang gano'n ulit," says Francine Prieto.

Maagang nag-celebrate si Francine Prieto ng kanyang 26th birthday. Ginanap ito last Wednesday (September 11) sa Annabel's Restaurant sa Tomas Morato, Quezon City. Sponsored ang party na ito ni Francine ng ini-endorse niyang Ever Bilena cosmetics. Two years na ngang si Francine ang endorser nila.

Sabi ni Francine, kaya naging maaga ang party niya ay baka may ibang plano siyang gawin sa mismong araw ng birthday niya on September 17.

"Hindi ko pa kasi alam ang mangyayari on that day. Baka kasi may taping ako or may raket na iba. Or baka magplano na lang ako ng ibang gagawin with my family.

"Alam n'yo naman ako, inuuna ko talaga ang pamilya ko over anything. Kaya nga gusto ko ay parati akong may trabaho para yung mga pangangailangan nila ay ma-meet ko parati."

Turning 26 na nga si Francine at bagama't bata pa, feeling niya ay tumatanda na siya.

"Para sa isang artista, parang matanda na ang 26 years old, di ba?" sabay tawa niya.

Continue reading below ↓

"Yung iba nga, mother roles na ang ginagawa sa edad na iyon. Nagpapasalamat naman ako na hindi pa ako inaalok na maging mother sa TV or pelikula. As ako pa rin nila ako kunin, kaya thankful ako."

Malaki na nga ang ipinayat ni Francine dahil sinunod na raw niya ang payo ng kanyang mga kaibigan na magpa-slim down. Marami kasing bumatikos sa kanya noong nakaraang Bench fashion show dahil malaki nga raw ang itinaba niya.

"Nagising na ako talaga!" tawa pa niya. "Balik ako sa diet at exercise. Nalokah naman ako kasi sa mga comments sa akin ng mga tao. Masakit tanggapin pero yun ang totoo kasi, e.

"Ako naman, tanggap ko ang mga pintas sa akin. Kung totoo ba, wala naman akong magagawa, di ba? Kaya heto, marami-raming taba na rin ang nawala sa akin. Promise ko sa sarili ko na never na akong magpapataba nang gano'n ulit."

May isang regular series nga si Francine, Codename: Asero, at may gag show pa siyang Bubble Gang. Gusto nga sana niyang muling mag-sitcom. Nami-miss na raw ng marami ang role niya bilang Jingle sa kinanselang sitcom na Bahay Mo Ba ‘To.

Continue reading below ↓

"Tuwing nagsu-show ako sa mga probinsya, ‘Jingle' pa rin ang tawag nila sa akin. Malakas kasi ang dating noong character kong iyon, kaya nami-miss ko na rin.

"Sana nga magkaroon ulit ako ng sitcom kasi enjoy ako sa gano'n. Mas lumalabas ang personality ko. Kengkoy kasi ako in real life, kahit malaki akong tao. Para nga raw akong babaeng Bondying, e," tawa pa Francine Prieto.

Read Next
Read More Stories About
Francine Prieto
Featured
Latest Stories
Trending in Summit Media Network

Featured Searches:

Read the Story →
"Nagising na ako talaga! Balik ako sa diet at exercise. Naloka naman ako kasi sa mga comments sa akin ng mga tao. Masakit tanggapin pero yun ang totoo kasi, e. Promise ko sa sarili ko na never na akong magpapataba nang gano'n ulit," says Francine Prieto.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results