Katrina Halili plays along with her detractors

by Rose Garcia
Sep 16, 2008
"Well, hindi ko nga sila iniintindi. Gusto ko lang silang asarin. Kahit ayaw nila akong panoorin, sabihin nilang hindi ko bagay ang magbida, wala silang pakialam. Mapapanood pa rin nila ko na hindi kontrabida!" says Katrina Halili to her detractors.

Bukas, September 17, magsisimula nang mag-taping si Katrina Halili para sa pinakabago niyang primetime series sa GMA-7, ang Gagambino. Ito ang ibinalita mismo ni Katrina sa PEP (Philippine Entertainment Portal) nang makausap namin siya sa SOP last Sunday, September 14.

Tulad ng nasa title role na si Dennis Trillo, may powers din daw si Katrina sa Gagambino.

"Well, actually, magkaka-power. Magkababata kami ni Dennis rito and then, may hidden love ako sa kanya. And as far as I know, hindi ako kontrabida rito at hindi naman ako papayag na magkontrabida. Masyadong natutuwa ang mga detractors ko, e," may halong biro at seryosong sabi ni Katrina, na sa kabuuan ng panayam namin sa kanya ay may kung ilang ulit niyang binanggit ang salitang "detractors."

"Gusto ko rin kasing mang-asar!" natatawa niyang sagot nang tanungin namin kung bakit madalas ang pagbanggit niya sa salitang "detractors."

Dugtong niya, "Basta ako, as long as mabait ang role ko, okey lang. Siyempre, gusto ko rin ma-enjoy ang mga roles na hindi ako kontrabida. At saka gusto kong mang-asar sa mga detractors ko."

Continue reading below ↓

Sino ba yung mga detractors na gusto niyang asarin?

"Marami sila!" sagot niya. "Mga gumagawa ng kuwento. Mga inggitera. Marami sila. Alam nila kung sino sila at hindi ko na sila kailangang isa-isahin."

Kailangan ba talaga niyang pagtuunan at intindihin ang mga sinasabi niyang detractors?

"Well, hindi ko nga sila iniintindi. Gusto ko lang silang asarin. Kahit ayaw nila akong panoorin, sabihin nilang hindi ko bagay ang magbida, wala silang pakialam. Mapapanood pa rin nila ko na hindi kontrabida!" natatawa pa rin niyang sabi.

Hindi maitatagong naging masaya siya sa naging resulta ng Obra, kung saan siya ang naging kauna-unahang featured star.

"Happy naman ako," sambit niya. "Sabi ko nga, gusto ko rin namang ma-experience ang iba. Ayoko namang ma-stuck lang ako sa isang role. Siyempre, may talent din naman ako. Gusto ko rin magawa ang iba.

"At saka, gusto ko lang talagang mang-asar. Marami ang nagsasabi, hindi bagay, di ba? Wala silang magagawa. E, hindi ako tatanggap ng kontrabida. Ay, naku, bahala sila sa buhay nila!" tawa niya ulit.

Continue reading below ↓

Basta siya raw ay trabaho lang at mang-asar ang inaatupag; samantalang yung iba naman, ang goal ay manira.

Pagkatapos ng Magdusa Ka sa Dramarama Sa Hapon block ng GMA-7 ay mapapanood naman sina Katrina at Dennis sa primetime via Gagambino. Dahil dito, napatunayan na rin siguro nila na click din sa masa ang kanilang tambalan.

"Happy naman ako dahil siyempre, may mga nagsasabi sa akin na hindi bagay sa akin. Kesyo hindi kami bagay ni Dennis, pero okey naman. Napatunayan ko naman sa kanila. Hindi naman siguro kami bibigyan ng another project na magkasama at balik-primetime pa. Hindi naman siguro kami pagtitiwalaan ng GMA-7 kung wala kaming chemistry."

Ibinalita rin ni Katrina sa PEP na next week ay magsisimula na siyang mag-shooting para sa kanyang unang pelikula sa ilalim ng OctorArts Films, ang One Night Only.

When it comes to her love life, kapansin-pansin na biglang umaliwalas ang mukha ni Katrina nang tanungin namin tungkol dito. Aniya, "Inspired ako ngayon. Pero hindi ko sasabihin kung sino!

Continue reading below ↓
"Basta sigurado ako, hindi n'yo pa alam kung sino itong nagpapa-inspire sa akin ngayon. Kaya hayaan n'yo na lang muna sa akin ‘to. Gusto ko namang i-enjoy yung moment na ito ng buhay ko," nakangiti niyang pakiusap, at kahit anong pilit ng PEP ay hindi talaga niya sinabi kung sino ang bagong inspirasyon sa buhay niya.
Read Next
Read More Stories About
Katrina Halili, Dennis Trillo
Featured
Latest Stories
Trending in Summit Media Network

Featured Searches:

Read the Story →
"Well, hindi ko nga sila iniintindi. Gusto ko lang silang asarin. Kahit ayaw nila akong panoorin, sabihin nilang hindi ko bagay ang magbida, wala silang pakialam. Mapapanood pa rin nila ko na hindi kontrabida!" says Katrina Halili to her detractors.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results