Mark Herras talks about the girls he loved before

by Glen Sibonga
Sep 17, 2008
"'Pag kunyari may nagustuhan akong babae, una malakas yung loob ko sa text. For example, may nililigawan ako or crush ko, ang hilig kong mag-text ng ‘Hi, kumusta na?' ‘I miss you,' ‘Gudnyt.' Pero kapag kaharap ko na, iba na, nahihiya na ako," reveals Mark Herras.

Sa limang young female stars na inamin ni Mark Herras na naging girlfriends niya sa showbiz—Jennylyn Mercado, Cristine Reyes, Ryza Cenon, Lian Paz, at Marian Rivera—tanging si Marian ang tila ayaw umamin sa naging relasyon talaga nila ng young actor. Ayon kay Mark, six months din silang naging mag-on ni Marian. Pero umiiwas na si Mark na pag-usapan ito ngayon.

"Ayoko nang pag-usapan yun. Ayaw rin naman niyang [Marian] aminin, e. Hayaan mo na. Ayokong mamilit," pahayag ni Mark sa panayam ng PEP (Philippine Entertainment Portal) sa kanya sa premiere night ng I.T.A.L.Y. (I Trust And Love You) last Sunday, September 14.

Ano ang pakiramdam ng ganun na dine-deny ng babae na nagkaroon sila ng relasyon?

"Pag ganun kasi, sa akin hinahayaan ko na lang," aniya. "Hindi ko naman kailangang maghabol. Or hindi naman ako yung tipo ng lalaki na kailangang aminin din ng babae na nakarelasyon ko siya para lang i-prove yung sinabi ko, di ba?"

Continue reading below ↓

Kung si Marian ay six months niyang nakarelasyon, sino naman sa lima ang pinakamatagal niyang nakarelasyon? Sino ang pinakamaikli?

"Si Jen siyempre ang pinakamatagal, one year and five months. Si Cristine ang pinakamaikli, three months."

Sa history ng relationships niya, meron na ba siyang binalikan among his ex-girlfriends, even sa mga non-showbiz?

"For the record, wala pa naman."

Pero posible ba ngayon na may babalikan siyang dating karelasyon?

"Depende. Hindi ko rin masabi. Pero sa mga past ko talaga, wala pa naman talaga akong binalikan talaga. Depende lang din talaga kung minahal ko masyado yung girl."

ON JENNYLYN. Since si Jen yung pinakamatagal niyang nakarelasyon, posible kayang ito ang kanyang balikan, na if ever ay first time nga niyang gagawin sa buong buhay niya?

"Puwede," sagot ni Mark. "Pero ayoko munang isipan nang ganun si Jen ngayon, e. After ng lahat ng nangyari sa kanya, after ng lahat ng dumating na problema. Yung baby, kakapanganak lang. ‘Tapos namatay si Tatay [Mr. Roger Mercado, Jen's adoptive father]. Ayoko munang magkaroon ng ganung thinking now. Parang ang gusto ko munang mangyari kay Jen ay magkaroon siya ng peace of mind. Para na rin sa bata."

Continue reading below ↓

Nakapag-usap na ba ulit sila ni Jen after nitong manganak?

"Personally, hindi pa ulit. Lately, nakakapag-usap lang kami sa chat. Nangungumusta lang ako."

Nakita na ba niya yung baby ni Jennylyn sa dati nitong boyfriend na si Patrick Garcia?

"Oo, pero noong una kong makita as in beybing-baby pa. Ang puti, e. Mana sa kulay ng tatay [Patrick]. Pero hindi ko pa nakikita ulit."

Halimbawang makapag-asawa na siya, ilang anak ang gusto niya?

"Ako, gusto ko yung marami rin talaga para masaya. Siguro mga five. Pero it would depend din siguro kung ilan yung kaya kong buhayin. I mean, siyempre mahirap na ang buhay ngayon, di ba? Yung kaya ko financially. Para hindi naman kawawa yung mga anak ko.

"Pero huwag muna yung anak-anak. Wala pa nga akong girlfriend ulit, e. Hindi na muna ako nanliligaw. Sa work muna ako naka-focus."

LOVERBOY. Paano ba manligaw ang isang Mark Herras?

"'Pag kunyari may nagustuhan akong babae, una malakas yung loob ko sa text. For example, may nililigawan ako or crush ko, ang hilig kong mag-text ng ‘Hi, kumusta na?' ‘I miss you,' ‘Gudnyt.' Pero kapag kaharap ko na, iba na, nahihiya na ako."

Continue reading below ↓

Sa mga naging showbiz girlfriends niya, sino yung pinakamatagal niyang niligawan?

"Si Jen, hindi naman umabot ng year. Months lang, pero matagal-tagal din."

Kung babalik siya ng Italy o sa alin mang lugar na pinuntahan nila during the shooting ng movie nilang I.T.A.L.Y., posible bang si Jen ang isama niya? Kasi meron na silang New York experience together noong gawin nila ang GMA teleseryeng I Luv NY.

"Puwede, para makita niya yung kagandahan ng Italy. Para maramdaman niya na okay yung lugar. Pero mas maganda kung talagang mae-experience niya yung buong cruise. Mas mae-enjoy niya yun," pagwawakas ni Mark.

Read Next
Featured
Latest Stories
Trending in Summit Media Network

Featured Searches:

Read the Story →
"'Pag kunyari may nagustuhan akong babae, una malakas yung loob ko sa text. For example, may nililigawan ako or crush ko, ang hilig kong mag-text ng ‘Hi, kumusta na?' ‘I miss you,' ‘Gudnyt.' Pero kapag kaharap ko na, iba na, nahihiya na ako," reveals Mark Herras.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results