PEP EXCLUSIVE: Nadia Montenegro on Rose Flaminiano: "I won't ever stoop down to her level!"

Sep 18, 2008
"I just don't know why I have to be dragged on this, pero kilala ako ng mga kaibigan ko. Madalas akong nalalagay sa hindi magandang situwasyon dahil na rin sa mga kaibigan ko, pero gagawin ko yun dahil mga kaibigan ko sila na gusto ko rin namang protektahan, lalo na't sila naman ang humihingi ng advice at suporta," says Nadia Montenegro about being dragged into feud between Rose Flaminiano (inset, top) and Gabby Concepcion (inset, bottom).

Akala namin ay pagtataguan kami ni Nadia Montenegro, lalo ngayong direkta nang idinawit ni Rose Flaminiano ang pangalan niya sa isyu kay Gabby Concepcion. Ayon kay Mrs. Flaminiano, si Nadia raw ang "sulsoltant" ni Gabby, o isa sa mga nagbuyo sa aktor para kuwestiyunin ang kung anu-anong nakasaad sa kontrata o business agreement na namamagitan sa aktor at sa nakakabangga nito ngayong business manager. (Click here to read related article.)

Pero ilang sandali lang, kaninang hapon, September 18, sa kakukulit ng PEP (Philippine Entertainment Portal), tinig ni Nadia sa cell phone ang narinig namin na diretsahang sinagot ang mga katanungan namin regarding the issue.

Unang-una, inamin ni Nadia na nanggaling talaga sa kanya ang nakarating na mensahe kay Mommy Rose, na una niyang nai-forward kay Jobert Sucaldito bilang paliwanag sa mga naisusulat daw ni Jobert laban kay Nadia.

"Totoo naman yun, and I meant it," ani Nadia. "Gabby was in bad company, and I meant well for him as a friend.

Continue reading below ↓

"Gusto ko lang ipaalam sa mga tao na wala akong napapala sa isyung ito. Unang-una, ano ang pakinabang ko kung sinusulsulan ko nga si Gabby? Yung tao, tumatawag 'yan sa akin. Naging confidante niya ako to a certain extent, lalo na sa business matters. Ako nga ang nagpapaliwanag sa kanya sa maraming bagay na sa ngayon ay nakakagulo sa kanya.

"Noong kapanahunan namin as Regal babies, may call slip pa na nakararating sa amin 'pag may shooting. Ang sabi ko kay Gabby, iba na ang panahon ngayon. Lahat ng ganyang klase ng transaction, naisasara sa pamamagitan na lang ng cell phone at texting.

"Pero sa isyu nila ni Mommy Rose," patuloy ni Nadia, "natural na sila ang may agreement diyan, at hindi naman siguro tanga si Gabby na basta na lang magre-react ng ganoon kung wala rin siyang nakikita at napapansing kamalian, di ba?

"Ano ang palagay nila roon sa tao? Kung ano na lang ang sasabihin ko, tatanggapin niya? Hindi naman ganoon yun. Hindi ko na siya kailangang sulsulan dahil siya mismo ang nakakaalam na nadedehado siya."

Continue reading below ↓

Aware din si Nadia na si Precy Ejercito, misis ni Senator Jinggoy Estrada, ang nagparating ng text message niya kay Mommy Rose, na una niyang ipinasa kay Jobert.

"Gusto ko lang linawin na I don't have anything against Mommy Rose," diin ni Nadia. "In fact, doon sa Music Museum concert ni Gabby, tumulong pa ako by contacting Pops Fernandez para makapag-guest doon.

"I just don't know why I have to be dragged on this, pero kilala ako ng mga kaibigan ko. Madalas akong nalalagay sa hindi magandang situwasyon dahil na rin sa mga kaibigan ko, pero gagawin ko yun dahil mga kaibigan ko sila na gusto ko rin namang protektahan, lalo na't sila naman ang humihingi ng advice at suporta.

"'Yang si Gabby, dumaraan pa 'yan sa bahay namin sa White Plains kapag mayroon siyang mga bagay na gustong klaruhin, lalo sa career niya. Matagal na nawala yung tao [sa showbiz], and he needs people na mapagkakatiwalaan niya," paliwanag ng dating aktres.

Continue reading below ↓

Inamin din ni Nadia na umiiwas siya sa company ni Mommy Rose, na kapag kasama ng mga ito si Gabby, kahit anyayahan siya ng kaibigang aktor ay hindi siya sumasama.

"Simply because I'm not comfortable with them," tahasang sabi ni Nadia. "Kung gusto ni Gabby na makipag-deal kay Mommy Rose, siya ang may gusto niyon at decision niya yun. Bahala siya. Hindi si Gabby ang tipong masusulsulan ko.

"Okey lang na magsalita siya [Mommy Rose] ng kung anu-ano laban sa akin, pero ang posisyon ko ay bilang kaibigan ni Gabby na hinihingian lang naman niya ng suporta.

"Hindi pa nagsasalita si Gabby tungkol diyan at hintayin na lang natin bago ako magbigay pa ng ibang detalye. Kung tutuusin, labas ako diyan at nadamay na lang talaga, pero ganoon ako bilang kaibigan. Tatayo ako at lalaban para sa isang kaibigan.

"Ang masakit lang diyan, nadadamay pa pati yung mga mahal ko sa buhay. Affected sila sa mga nasasabi ngayon laban sa akin. Pero for as long as alam kong tama ang ginagawa ko, magsasalita rin ako," sabi ni Nadia.

Continue reading below ↓

Ano sa palagay niya ang dahilan kung bakit mainit ang dugo ni Mommy Rose sa kanya?

"Hindi ko alam sa kanya," sagot ni Nadia. "Siya kaya ang tanungin mo? Pero ang feeling ko, every time siguro na may gagawing desisyon si Gabby, lagi niyang nasasabi, 'I think I have to talk to Nadia about this.'

"E, bakit nga kasi? Kaibigan lang naman ako ni Gabby at wala naman akong dapat pakialam sa career niya. Bakit ganoon si Gabby? Simply because nagtitiwala siya sa akin bilang kaibigan na wala naman talaga akong mapapala sa ganyan, di ba?"

Ngayong damay na siya sa isyung ito, ano ang gagawin niyang move against Mommy Rose sa akusasyon nito sa kanya na isa diumano siyang "sulsolera."

"Wala akong gagawin para patulan siya!" sambit ni Nadia. "Si Gabby ang dapat umisip ng paraan tungkol sa bagay na 'yan. Kasi ang alam niya, nakapag-usap na sila ni Mommy Rose at magse-settle sila sa problema nila. Then, bigla akong tinawagan ni Gabby, idinemanda na nga raw siya ni Mommy Rose. Nagulat nga ako. Akala ko, nagkaayos na sila.

Continue reading below ↓

"Pero kung ako ang tatanungin, I won't ever stoop down to her [Mommy Rose's] level. Kahit alam ko, yung mga paninirang naisusulat sa akin these past few months ay nanggagaling sa kanila [kampo ni Mommy Rose] dahil nga sa stand ni Gabby na lagi akong tinatanong sa mga gusto niyang gawing desisyon. Alam ko naman na may nagbabayad sa mga reporter para sira-siraan ako!" tuloy-tuloy na sabi pa ni Nadia.

The plot thickens. At mukhang marami pang pangalan ang madadawit sa lumalaking isyung ito. And PEP is always here for their side of the story.

Read Next
Read More Stories About
Gabby Concepcion
Featured
Latest Stories
Trending in Summit Media Network

Featured Searches:

Read the Story →
"I just don't know why I have to be dragged on this, pero kilala ako ng mga kaibigan ko. Madalas akong nalalagay sa hindi magandang situwasyon dahil na rin sa mga kaibigan ko, pero gagawin ko yun dahil mga kaibigan ko sila na gusto ko rin namang protektahan, lalo na't sila naman ang humihingi ng advice at suporta," says Nadia Montenegro about being dragged into feud between Rose Flaminiano (inset, top) and Gabby Concepcion (inset, bottom).
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results