Judy Ann Santos put off by questions way beyond wedding with Ryan Agoncillo

Sep 25, 2008
"Nariyan na yung kesyo ilan ang anak, kung saan papag-aralin. Nakakawindang sagutin! Kasi katulad ng tanong na kung saan gagawin ang honeymoon, e, wala pa namang kasal. Ni hindi pa nga detalyado ang kasalang magaganap, kung anu-ano na ang pumapasok sa isipan ng ibang tao," complains Judy Ann Santos.

Parang napakaraming naghihintay sa mga mangyayari sa tila inaapurang pagpapakasal nina Judy Ann Santos at Ryan Agoncillo. Ipinagtapat ni Juday sa PEP (Philippine Entertainment Portal) na nakakagulat nga ang maraming tanong, lalo na yung may kinalaman sa honeymoon at iba pang patungkol na sa mag-asawa ang dating.

"Nariyan na yung kesyo ilan ang anak, kung saan papag-aralin," napapailing na sabi ni Juday. "Nakakawindang sagutin! Kasi katulad ng tanong na kung saan gagawin ang honeymoon, e, wala pa namang kasal. Ni hindi pa nga detalyado ang kasalang magaganap, kung anu-ano na ang pumapasok sa isipan ng ibang tao.

"Kung iisipin pa yung schedule, like after Mag-ingat Ka sa... Kulam, anu-ano pa ba ang movies na pagkakaabalahan ko bago mangyari ang kasalan? Naku, baka hindi na matuloy pa ang kasalan, lalo na ang honeymoon! Iintindihin pa namin kung paano maisisingit yun dahil parehong nakaprograma na ang buhay namin for the next three years.

Continue reading below ↓

"Basta kung nariyan na, yun na. Sige, gawin na lang ang dapat!" saad ni Judy Ann.

Pero nakahanda na raw si Juday sa ganitong sitwasyon. Ang iniintindi niya, bago man lang sumapit ang mismong wedding day, masasabing naayos na niya ang lahat ng problema.

"Gusto ko lang yung maayos," sabi niya. "Hindi naman mawawala ang problema. Even during or after the wedding day itself, manganganak at manganganak ang mga problema, and I'm expecting the worst.

"Yun nga lang, kahit paano, yung may kapanatagan naman ang loob ko, bago man lang kami humarap sa altar, yung nakakahinga naman kami nang maluwag-luwag. Ayoko lang yung parang may kasalan nang magaganap, iniisip mo pa yung mga mabibigat na problema."

BIR PROBLEM. May mga nagsasabing ang hindi basta ikinatatahimik ni Juday ay ang problema niya sa BIR (Bureau of Internal Revenue). Hindi na nga raw ito mase-settle amicably.

"Ginawa ko na ang lahat ng dapat gawin," sabi pa ni Juday. "Hindi naman ito yung basta pinabayaan ko na lang yung posibleng maging solusyon, o nagpadala ako sa sinasabing prinsipyo. There are principles involved, pero nagpapasalamat nga ako. Marami ang lumalapit para matulungan ako at maisaayos ang problemang ito. Pagdating diyan, I'm always looking at the worst scenario. Hindi ako kampante."

Continue reading below ↓

Ano ang sinasabi ni Ryan sa kanya about this problem?

"He's always been supportive. Pero ang sa akin kasi, problema ko ito. Ako dapat ang magso-solve nito. Kung may ibang tutulong, tatanggapin ko naman. Pero ang bottomline nito, ako ang may problema nito, ako pa rin ang gagawa ng paraan para masolusyunan.

"Alam ko namang nariyan lang si Ryan. Sinasabi lang niya, aaayos din 'yan. Pero, hindi naman siya yung tipong sinasabi na niya sa akin kung ano ang gagawin at hindi ko dapat gawin. Sinasabi lang niya yung suggestions niya, at ako pa rin ang didiskarte sa sarili kong problema, lalo na pagdating diyan sa taxes," pahayag niya.

STRONGER PERSONALITY. Marami ang nakakapuna, stronger ang personality ni Juday kesa kay Ryan, pero hindi agree rito ang aktres.

"Mas malakas pa rin ang personalidad ni Ryan, lalo na sa pagdedesisyon," pagtutuwid ni Juday. "Naiisip lang ng mga tao na ako yung mas malakas dahil mula sa pagkabata ko, nakita na nila kung paano ako dumiskarte.

Continue reading below ↓

"Tahimik lang si Ryan, pero siya yung tipong nag-iisip talaga. Don't underestimate him. Hindi magwu-work ang relationship namin kung hindi namin pinagtutulungan ang mga problemang dumarating, na para bang ako lang ang aako. Nakikinig kami sa isa't isa. It's a two-way relationship."

Nagdedebate pa rin sila ni Ryan tungkol sa maraming bagay, pero aminado si Juday, kadalasan ay si Ryan ang may punto.

"Si Ryan, hindi lang 'yan nag-iisip ng isang way. Iniisip din niya ang pupuwedeng mangyari pagkatapos gawin. Yung consequences, alam niya agad 'yan, e.

"Hindi siya yung tipong kapag napagdesisyunan na, yun na yun. Mag-iisip pa siya ng alternative. What if, hindi umubra yung isa? Dapat may pangalawang plan," paliwanag ng aktres.

Kahit nga sinasabi ni Juday na kung gugustuhin niya, by 2009, magpapakasal na sila, still, may mga bagay pang dapat ayusin.

"I just want to be honest na kung pupuwede na, sana, next year na. Pero pag-uusapan pang mabuti 'yan. Alam kong gusto na rin ni Ryan, pero hindi nga ganoon kadali ang lahat para sa amin. Kung nariyan 'yan, mangyayari na lang," pagwawakas ni Juday.

Continue reading below ↓
Read Next
Read More Stories About
Judy Ann Santos, Ryan Agoncillo
Featured
Latest Stories
Trending in Summit Media Network

Featured Searches:

Read the Story →
"Nariyan na yung kesyo ilan ang anak, kung saan papag-aralin. Nakakawindang sagutin! Kasi katulad ng tanong na kung saan gagawin ang honeymoon, e, wala pa namang kasal. Ni hindi pa nga detalyado ang kasalang magaganap, kung anu-ano na ang pumapasok sa isipan ng ibang tao," complains Judy Ann Santos.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results