Judy Ann Santos hires U.S. firm to lobby for "Ploning" at the Oscars

Nov 17, 2008
"Nang gawin namin ang Ploning, akala namin ay gagawa lang kami ng isang pelikulang naiiba at magugustuhan ng mga fans ko. Hindi namin in-expect na magugustuhan ito nang mag-screen para sa foreign-film category. Yun lang sinabihan kami na isa ito sa napili sa said category, isa nang malaking achievement ‘yon para sa movie. Kaya gumagawa kami ngayon ng paraan para nga makapag-lobby kami na maiboto ang Ploning,&q


Nakausap ng PEP (Philippine Entertainment Portal) si Judy Ann Santos sa launching ng Juday's Baby Line and Judy Ann Collection, in partnership with Scents & Blends. Ito ay ginanap kaninang tanghali, November 17, sa Secret Cafe ni Fanny Serrano sa Scout Rallos, Quezon City.

Hindi ba nami-miss ni Juday ang Metro Manila Film Festival this year dahil wala siyang entry? Pagkatapos kasi ng magkasunod na taon na number one sa box-office ang kanilang mga pelikula ni Ryan Agoncillo sa Star Cinema—Kasal, Kasali, Kasalo (2006) at ang sequel nitong Sakal, Sakali, Saklolo (2007)—ay hindi mapapanood this year si Juday.

"Nagku-concentrate ako sa filmfest, ‘yon nga lang, sa Oscars!" napahalakhak na wika ni Juday. "Inspired kami [she and best friend director Dante Garcia] na magtrabaho ngayon para makalikom kami ng five million pesos, na kailangan namin sa pagla-lobby for Ploning sa Oscars sa February 2009.

"Nang gawin namin ang Ploning," kuwento niya, "akala namin ay gagawa lang kami ng isang pelikulang naiiba at magugustuhan ng mga fans ko. Hindi namin in-expect na magugustuhan ito nang mag-screen para sa foreign-film category. Yun lang sinabihan kami na isa ito sa napili sa said category, isa nang malaking achievement ‘yon para sa movie. Kaya gumagawa kami ngayon ng paraan para nga makapag-lobby kami na maiboto ang Ploning."

Continue reading below ↓

Kumuha ba sila ng PR firm para mag-handle ng promotions ng Ploning?

"Yes po," sabi ni Juday. "Kaya nga medyo nadagdagan ang budget namin dahil mahal din po ang PR firm doon sa States. Pero okay lang dahil kailangang may mag-asikaso talaga doon. Mamaya may meeting ako, at doon ko malalaman kung aling PR firm ang nakuha namin."

Lumabas na rito sa PEP ang sinabi ni Ogie Alcasid na nag-imbita sila ng kasintahan niyang si Regine Velasquez ng mga kaibigan nila na puwedeng tumulong para makapag-raise ng funds si Juday. In cash and kind ang hiningi nilang donations sa mga invited guests.

Magkatulong pa ngang nagluto last Thursday, November 13, sina Regine at Juday ng dinner para sa invited guests nila. Marami bang dumating?

"Marami po, and we're very thankful," sambit ni Juday. "Marami po kaming naipon na cash and goods na dala nina Jolina [Magdangal], Dingdong [Dantes], Gabby [Eigenmann], at iba pa naming friends. Naka-two balikbayan boxes din kami at may mga collections pa kaming kukunin sa ibang friends namin."

Continue reading below ↓

Paano nila gagawing cash ang mga donated goods sa kanila?

"Magkakaroon po kami ng auction sa Friday [November 28] sa Plaza Ibarra in Timog, Quezon City. Ang second auction ay sa Wednesday [December 3], sa Rockwell Tent in Makati City. Aalis po ako ng December 8 and I will stay in Los Angeles up to December 15 para tumulong kay Direk Ga sa kampanya para sa Ploning," lahad niya.

RYAN'S ARGENTINIAN CO-HOST. Sa sobrang busy ngayon ni Juday, hindi raw siya nagkakaroon ng time na mapanood si Ryan sa Pinoy Fear Factor ng ABS-CBN. Pero marami raw nagsasabi sa kanya na mahusay ang boyfriend sa paghu-host. Biniro tuloy siya na hindi pala niya nakita si Valeria, ang South American model na co-host daw ni Ryan sa reality show.

"Alam ko ‘yon," sabi ni Juday. "Naitanong ko kay Ryan kung maganda ba siya, sabi niya, hindi raw maganda. So, okey lang sa akin ‘yon. May tiwala ako kay Ryan."

Continue reading below ↓

May nang-intrigang press kay Juday kung totoo nga bang pumasok si Valeria sa room ni Ryan sa Argentina.

"Ha? Hindi ko alam ‘yon, walang sinabi si Ryan! Hayaan n'yo, itatanong ko sa kanya!" natatawa niyang sabi.

Kailan matutuloy ang team-up nila ni Ryan sa Regal Entertainment?

"May sinabi na po kaming concept ni Ryan kay Mother Lily [Monteverde]. Light comedy, pero mas may puso. Sabi po ni Mother Lily, pag-aaralan nila ‘yong concept at kung maaayos, baka po ‘yon ang susunod naming movie together."

Hindi na rin ipinagkaila ni Judy Ann na kahit papaano inihahanda na rin nila ni Ryan ang kanilang pagpapakasal. Wala pa nga lamang exact date and venue.

"Pinag-uusapan na rin namin kung ilan ang iimbitahin namin, kung sinu-sino ang sponsors, pero wala pa rin pong exact details!" natatawang sabi ni Juday.

JUDAY IN MMK. Sa ngayon, naghahanda si Juday para sa four episodes niya sa Maalaala Mo Kaya, na ipalalabas sa buong buwan ng Disyembre. Magsisilbi itong Christmas presentation ng longest-running drama anthology ng ABS-CBN.

Continue reading below ↓

"Matagal na rin po naman akong hindi nakakapag-guest sa MMK kaya tinanggap ko ang offer. May napili na kaming mga letters at magti-taping na kami," saad niya.

Read Next
Recommended Videos
Latest Stories
Trending in Summit Media Network

Featured Searches:

Read the Story →
"Nang gawin namin ang Ploning, akala namin ay gagawa lang kami ng isang pelikulang naiiba at magugustuhan ng mga fans ko. Hindi namin in-expect na magugustuhan ito nang mag-screen para sa foreign-film category. Yun lang sinabihan kami na isa ito sa napili sa said category, isa nang malaking achievement ‘yon para sa movie. Kaya gumagawa kami ngayon ng paraan para nga makapag-lobby kami na maiboto ang Ploning,&q
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results