Niña Jose resumes showbiz career with repackaged image

Dec 19, 2008
Former Pinoy Big Brother Teen Edition housemate Niña Jose is included in two 2008 Metro Manila Film Festival entries—Shake, Rattle & Roll 10 and Desperadas 2.


Tinaguriang "goddess" sa unang Pinoy Big Brother Teen Edition, mahigit isang taong naging idle ang career ni Niña Jose. Nagpatuloy na lang ng kanyang pag-aaral si Niña sa Assumption College habang umaalagwa na ang career ng kanyang co-housemates na sina Kim Chiu, Gerald Anderson, at pati na rin si Matt Evans.

Magku-quit na sana si Niña sa showbiz ngunit nagkaroon siya ng magandang offer sa DMV Entertainment, ang humahawak kina Jean at Jennica Garcia, Alessandra de Rossi, Polo Ravales, Glaiza de Castro, at iba pa. For Niña, it was an offer too good to resist. Ire-repackage si Niña as a sosi sexy girl starting with a cover stint sa FHM, na nag-jumpstart ng kanyang career the second time around.

Kahit mas maraming talents sa DMV ang nasa GMA-7 ngayon, ibinigay pa rin ng manager ni Niña ang priority sa ABS-CBN nang hingin muli ang serbisyo nito, simula sa My Girl nina Kim at Gerald. Napansin si Niña sa nasabing primetime soap ng ABS-CBN, kung kaya't sa next project nina Kim at Gerald, si Niña pa rin ang kinuhang na ka-triangle sa Your Song Presents: My Only Hope.

Continue reading below ↓

Napansin na rin si Niña ng Regal Entertainment kung kaya't sa dalawang film festival entries ng film company ng mga Monteverde—ang Shake, Rattle & Roll 10 at Desperadas 2—parehong kasali ang dalaga. Sa SRR 10, kasama pa rin ni Niña sina Kim at Gerald sa "Class Picture" episode directed by Topel Lee. Sa Desperadas 2 naman, siya ang pagseselosang nurse ni Iza Calzado kay TJ Trinidad.

"I'm so blessed," sabi ni Niña sa isang merienda cena na ibinigay ng DMV para sa kanya kahapon, December 18, sa isang bagong bukas na restaurant sa T. Morato Ave., Quezon City.

Dagdag niya, "Ang hirap ng role ko sa SRR 10 dahil kailangan kong nagda-drama habang heavy ang special effects sa akin. Pero okay lang, it's a job."

Pinalakpakan daw ng production ang eksenang ito pagkatapos ng take kung kaya't mas masaya si Niña na may katuturan ang naging paghihirap niya.

Contrast ito sa Desperadas 2 na napaka-light ng kanyang eksena, pero kinabahan pa rin siya kahit paano dahil maha-handle siya ni Director Joel Lamangan.

Continue reading below ↓

Sa SRR 10 float sasakay si Niña sa Parade of Stars sa December 24.

Ngayong patapos na ang My Only Hope, may next announced project na sina Kim at Gerald, ang Tayong Dalawa, kung saan si Jake Cuenca na ang magiging ka-triangle nila. Hindi na raw kasali si Niña rito.

"May sinabi na pong project para sa akin. Kaya lang, hindi pa puwedeng sabihin, bawal pa," sabi ni Niña.

May natisod kaming isang bagong project ng ABS-CBN kung saan puro babae ang bida, kung kaya't tinanong namin si Niña kung ito ba ang tinutukoy niyang next project niya. Nagulat si Niña, pero hindi sumagot, ngumiti lang.

Dahil uso na ngayon sa showbiz ang smile na may meaning, nag-assume na kaming tama ang project na tinanong namin sa kanya—ang all-girl action adventure na Bandidas, na hindi pa nire-report kahit saan at kahit sino sa ABS-CBN.

Read Next
Read More Stories About
Nina Jose
Recommended Videos
Latest Stories
Trending in Summit Media Network

Featured Searches:

Read the Story →
Former Pinoy Big Brother Teen Edition housemate Niña Jose is included in two 2008 Metro Manila Film Festival entries—Shake, Rattle & Roll 10 and Desperadas 2.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results