Director Andoy Ranay reveals why he moved from ABS-CBN to GMA-7

IMAGE 0


"Gusto ko pa ring magtrabaho sa ABS at bumalik doon kung may trabaho at walang conflict sa GMA. Pero habang may trabaho ako rito sa Siete, dito na muna ako. Trabaho lang talaga ito at walang personalan," says director Andoy Ranay.


Si Andoy Ranay ay isa lamang sa ilang direktor na humawak o nagdirek sa matagal nang naantalang teleserye ng ABS-CBN, ang Habang May Buhay, na mas kilala bilang "Narserye." Pero hanggang ngayon, ang Judy Ann Santos-starrer na ito ay hindi pa rin nabubuo para masilayan ng mga televiewers.

Ito ang isa sa naibigay na matinding dahilan ng actor-director para subukan naman ang pagtatrabaho sa GMA-7. Inatasan agad si Andoy para mag-co-direct ng All My Life, ang maglulunsad sa tambalang Kris Bernal-Aljur Abrenica sa primetime TV.

"Nakaplano na kasi kung ano ang dapat kong gawin, 'tapos biglang nagka-delay-delay ang tapings sa Dos. I don't take it against anybody. Nangyayari siguro talaga yun, pero na-realize ko, habang dumadaan ang mga araw, aba, four months na pala akong walang trabaho sa ABS-CBN!

"Naisip ko lang na kailangang kumilos na ako. So, nag-resign ako bilang direktor ng Habang May Buhay. At habang natigil ang tapings, may time siguro sila para makakuha ng kapalit ko. Hindi ko na alam kung matutuloy pa yun, kasi wala na akong responsibilidad pa doon.

"Happy naman ako sa GMA-7, kasi nang mag-apply ako sa kanila, kumilos agad si Lilybeth Rasonable [AVP for Drama ng GMA-7], and I was immediately absorbed. May trabaho na agad ako," pahayag ni Andoy nang makausap siya ng PEP (Philippine Entertainment Portal) sa presscon ng All My Life last Tuesday, June 23.

Nilinaw ni Andoy na maayos ang paglipat niya sa GMA-7. Nagpaalam daw siya kay Deo Endrinal, business unit head ng ABS-CBN.

"Okey lang sa kanila at naiintindihan nila yung rason," sabi ni Direk Andoy. "Mahirap kasing basta mapagbigyan kaming lahat na mga direktor doon, lalo na't halos lahat, kailangang magtrabaho. To be realistic about it, mahihirapan ako kung maghihintay pa ako. Kaya naiintindihan nila na may opportunity sa ibang network, tinanggap ko na.

"But that doesn't mean that I have burned the bridge na. Gusto ko pa ring magtrabaho sa ABS at bumalik doon kung may trabaho at walang conflict sa GMA. Pero habang may trabaho ako rito sa Siete, dito na muna ako. Trabaho lang talaga ito at walang personalan."

ADVERTISEMENT - CONTINUE READING BELOW

FINDING HIS OWN IDENTITY. Bilang artist, maikakatuwiran ni Direk Andoy ang kagustuhang mahanap ang sarili niyang identity.

"Hindi na rin ako bumabata," sabi niya. "Kailangan ko lang siguro ng bagong atmosphere, bagong mga katrabaho. Na okey naman sa akin, so far. Minsan, may hinahanap ka na kung ano, pero mare-realize mo lang you just have to look forward to something new. Kaya ito na yun.

"For the longest time, I have been working for ABS-CBN, so I just felt I needed a change. And for the longest time also, kailan lang ako nakaranas na hindi ako nagtatrabaho sa kanila for almost five months na pala. Yun lang ang alam kong dahilan. Marami nang uncertainties, ayoko nang i-prolong pa. Kaya habang maaga, dapat lang na kumilos na ako," paliwanag ng direktor.

Naramdaman din ni Andoy, personally, yung tinatawag na mid-life crisis. So far, nakabubuti sa kanya yung may ibang working environment.

"Minsan, kailangan din nating lumabas doon sa comfort zone natin, para mas ma-challenge pa tayo. Masaya ako, kasi mayroon din akong ilang nakatrabaho na in the past, noong nasa ABS ako. Like sine Gelli de Belen, Jay Manalo, Manilyn Reynes... Kasama ko silang lahat sa All My Life.

"Excited ako para kina Aljur at Kris. Bagong kumbinasyon sila sa akin, at ngayon ko pa lang talaga sila makakatrabaho. Pero so far, masasabi kong magaan silang dalhin sa set. They have been working hard, pero hindi mga pasaway.

"Tama na sa akin yun. Basta naka-focus lang sila. Lagi silang prepared 'pag nasa set ko sila, maayos palagi ang pagtatrabaho. Wala akong nakikitang dahilan para mag-fail sila, if they will just keep up with the kind of attitude they have," papuri pa ni Direk Andoy sa lead stars ng All My Life.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN