Charice Pempengco caught in feud between her mother and grandmother

IMAGE 0


"Sana po maayos na ang lahat. And ma-realize niyo po na ang lahat ng ginagawa namin, para sa inyo. And ma-realize niyo sana na kung nasasaktan man kayo, mas nasasaktan po kami," says Charice Pempengco (right) about the ongoing rift between her mom, Mrs. Racquel Pempengco (left), and her grandmother, Mrs. Tess Relucio.


Sa kabila ng tagumpay na tinatamasa ng international singing sensation na si Charice Pempengco ay ang malungkot na kuwento ng buhay niya. Alam na halos lahat na hiwalay na ang mga magulang niya, at ngayon naman ay laman ng mga balita ang away na namamagitan sa kanyang ina na si Racquel Pempengco at ang lola ng young singer na si Tess Relucio.

Nakuhanan ng magkakahiwalay na pahayag ng The Buzz sina Mrs. Pempengco at Mrs. Relucio, at maging si Charice, tungkol sa alitan ng mag-ina.

Ayon sa mommy ni Charice na si Racquel, "Basta po ako, hindi po ako masyadong close sa nanay ko. Hindi ko po alam...masyado po kasing mahigpit ang nanay ko. Marami pong bawal. Bawal pong makipagkaibigan. Bawal pong makipag-boyfriend noong nag-aaral ka."

Ang huling isyu sa nanay ni Charice at sa lola niya ay nang ma-hospital daw ang lola ni Charice at hindi raw nila tinulungan.

Pero paliwanag ni Mommy Racquel, "Noong pagbaba po namin ng eroplano, pinakontak ko na po ang ospital. Dala-dala ko na po ang tseke dahil tinanong po namin sa billing department kung ano ang hospital at ini-issue ko na po agad sa pangalan na yun mismo.

"Sinasabi po ng billing department na three thousand plus lang po ang bill nila, pero sinasabi po ng nanay ko, seven thousand plus. Pero noong nandoon na po kami mismo sa tapat ng hospital, nakalabas na raw po at binayaran na nila."

Ayon naman kay Aling Tess, na nakausap ng The Buzz sa Laguna, "Naawa ang isang customer ko na naging anak-anakan ko, si Ching. Kesa magmakaawa ako sa kanila [Racquel and Charice], sinabi niya na, 'Ako na lang po ang tutubos sa inyo.' Maawa naman kayo sa akin. Hindi ako humihingi ng pera sa inyo. Ang sabi mo sa akin bibigyan mo 'ko. Kahit na hindi humingi, ang magulang mo, magulang mo.

ADVERTISEMENT - CONTINUE READING BELOW

"Puro na lang Obet. Bakit, sino ba si Obet sa buhay niyo? Bakit lahat na lang pinamahala mo kay Obet? Bakit lahat anak pina-ander mo ang pamilya mong tunay kay Obet?" tanong pa ni Aling Tess kay Mommy Racquel.

Tinanong naman ng The Buzz si Mommy Racquel kung sino nga ba si Obet na tinutukoy ng kanyang ina sa buhay nila ni Charice?

"Si Obet po, noong time na umalis kami sa nanay ko, si Obet po, noong time na yun, siya ang nagda-drive nang libre, ginagamit ang sasakyan niya para sa mga singing contest. Siya rin po yung kapag wala kaming makakain, 'O, ano, meron ba kayong pagkain?' Dapat po sana, ang mga magulang ko ang nagbibigay sa akin ng ganun. Pero never po nilang ginawa," saad ni Mommy Racquel.

Ito naman ang naging sagot ng ng lola ni Charice sa bagay na ito: "Never na ako ay nagpalayas. Racquel, kaya nagalit ka dahil yung binili mong washing machine, ginamit ng tatay. Naglagay ka ng sariwang karne sa loob ng kuwarto, ipinadlock mo. Hindi namin mapangahasaan buksan ang kuwarto mo dahil baka mapagbintangan mo kaming magnanakaw. 'Yan ang dahilan kung bakit kayo umalis. Dahil iniisip ninyo na pinagnanakawan namin kayo."

Tinanong din si Mommy Racquel kung may iba pa ba silang relasyon ni Obet bukod sa pagiging magkaibigan. Aniya, "Hindi po. Siya po ang malapit sa amin. Na sinusuklian ko lang ang ginawa niyang tulong sa amin."

Hirit naman ng lola ni Charice: " Sana nga. Salamat. Panindigan mo 'yan, anak. Panindigan mo 'yan."

MONEY MATTER. Kuwento naman ni Mommy Racquel, tila may ibang intensiyon ang lola ni Charice sa pumapasok na pera ng anak.

"Gustong kontrolin ng nanay ko ang kinikitang pera ng anak ko," sabi niya. "Dahil hindi po ako kumibo noon nang maglabas po siya na yung pera, ginagastos ko raw po sa mga lalake ko ang kinikita ng anak ko. Nagpunta na siya ng Labor [Department] na 'eto raw, binubugbog ko raw para lumipat sa kanya yung bata."

ADVERTISEMENT - CONTINUE READING BELOW

Sinagot din ito ni Aling Tess. Aniya, "Sinasaktan mo si Charice. Alam mo 'yan, anak. Maging si Concoy alam 'yan."

Ayon naman kay Mommy Racquel, napilitan daw siyang magsalita ngayon dahil pati ang pangalan ng American TV host na si Oprah Winfrey ay nadadamay na sa isyu. Na kesyo nagtangka raw silang hingan ito ng pera pagkatapos ng bagyong Ondoy. Si Oprah ang tumulong kay Charice na makilala sa international scene sa pagbibigay ng break sa kanya.

"Hindi po kayo basta-basta makakalapit kay Oprah or kahit sa opisina niya ng kahit sinong tao lang dun kung hindi dadaan sa mga security. Kaya ako, common sense na lang po yung pagbibigay ko ng letter na ano, sa lalake na humihingi ng donation, wala pong katotohanan yun," diin ng ina ni Charice.

Itinanggi rin ni Mommy Racquel na pinabayaan niya ang kanyang mga magulang.

"Umalis sila sa apartment. Kaya ho nagbitiw ako na kung hindi kayo babalik, hindi ko itutuloy ang sustento niyo," sabi niya.

Pero ayon naman sa lola ni Charice, "Halos pati bakod ginawang panggatong. Nagsasaing sila Racquel sa maliit na lata ng gatas."

Sa puntong ito ay umiyak na ang lola ni Charice sa pagsasabing, "Bakit mo inapi ang pamilya mo? Samantalang nagpapakahirap ako sa malayong lugar. Tapos gagawin mo akong masama. Anak, wala akong ginawa. Ikaw, Obet, tumigil ka!"

Tinanong naman kay Mommy Racquel kung wala ba talagang nagko-control o nagma-manipulate sa kanilang mag-ina?

"Wala po. Dahil matalino po ako pagdating sa pera," sagot ng ina ni Charice.

Nagbigay rin ng mensahe sina Mommy Racquel at Aling Tess sa isa't isa.

Aling Tess: "Hindi ba kayo nakokonsensiya? Wala ka bang konsensiya, Racquel? Nagpapasarap ka. Nagpapasarap lahat ng tao na nasa paligid mo. Samantalang nanay mo, tatay mo, nakatapon dito sa malayong lugar, ibang tao ang nagmamalasakit?"

Mommy Racquel: "Sa nanay ko po, sana po maging masaya siya. Sana po bigyan niyo na rin ako ng laya dahil kung tutuusin, kung gusto ko man po na kumuha ng boyfriend or makakasama, may sarili po akong pag-iisip."

ADVERTISEMENT - CONTINUE READING BELOW

Aling Tess: "Kung matututo ka, ipaglaban mo ang tamang katwiran na nangyayari sa pamilya mo. Yun ang gusto ko. Mahal na mahal kita, Charice."

CHARICE SPEAKS UP. Nakausap din ng The Buzz si Charice at sinabi nito kung ano ang saloobin niya sa nangyayaring gusot sa pagitan ng kanyang ina at ng kanyang lola.

"Sana po maayos na ang lahat. And ma-realize niyo po na ang lahat ng ginagawa namin, para sa inyo. And ma-realize niyo sana na kung nasasaktan man kayo, mas nasasaktan po kami," saad niya.

Gusto niya bang magkaayos na ang lola at nanay niya?

"May panahon po yun kung handa na po talagang magpatawad," sagot ni Charice.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN